Замисли си дека живееш у земја каде системот е толку трул, корумпиран и злобен, што истото ескалираше со смрт за само неколку минути на 50 млади животи, замисли си дека живееш у земја каде 50 млади деца изгореа до смрт, се угушија молејќи за помош која никогаш не стигна, a тие чија задача меѓудругото е да ги штитат нашите животи гледајќи ги тие луѓе беспомошни како молат, рекле ... не ни е нас тоа работа, замисли си дека во истата таа земја има мал град од 20 илјади жители кој за само неколку минути ја загуби својата иднина, стана црна точка на мапата од таа држава и е синоним за црнило, тишина, јад и чемер, град на духови, град на напатени луѓе кои веќе немаат причина да живеат, дишат и егзистираат во овој суров свет, луѓе заборавени од сите, само не од самите себе, и секогаш кога ќе се погледат, се сеќаваат на најцрниот момент од нивните животи кој им зема буквално СЕ.
Замисли си сеа дека истиот тој систем кој е главната причина за сево ова, и понатака ги штити оние директно и индиректно инвловирани во оваа трагедија, да кријат докази и упорно истиот тој систем да дава отпор за да целата вистина излезе на виделина. Замислете си сега ако тој систем, за ваков ужасен хорор, ги штити ваквите, кои се само пиони и никој и ништо во ова општество, како истиот би постапил со луѓе далеку помоќни од нив, што па Се истиот би бил спремен да направи за нив, замислете си само колку тој систем нив, обичните граѓани кои живеат во истиот, ги множи со нула, дека во секое време би згазил врз нив, врз нивното достоинство, врз нивниот живот (буквално), само за да се заштитат себе си, и на несреќата и патењето на обичниот човек, они секогаш да профитираат.
Замисли си сеа дека живееш у една ваква вукојебина, и притоа се надеваш дека истите тие што ги штитат овие убијци на сметка на смрт на 50 млади луѓе, утре тебе ќе ти донесат подобро утре, дека нема веќе да живееш во земја со канцероген воздух кој го прави истото она што и овие деца го искусија дента кога умреа, само по далеку поспора, но доста ефективна постапка, замислете да живеете во една таква земја и притоа да пружате Нула отпор на оние што сеат смрт, страдање и болка на сопствениот народ, со декади.
Ние, во Македонија, треба да сме многу среќни што не сме дел од едно такво општество, сериски убиец на сопствениот народ, така да најдобро е да си ќутиме и да бидеме среќни со она што сега го имаме, не сме свесни за тоа колку сме привилигирани и не сме дел од едни вакви, замислени општества, чија иднина е веќе осудена на пропаст.
Уживајте, ќе биде све во ред!
komarec.com.mk
