- Член од
- 30 јуни 2008
- Мислења
- 2.802
- Поени од реакции
- 99
Племето “Господари на сонот”
@import "http://forum.com.mk/mambots/content/plugin_jw_ajaxvote/css/ajaxvote.css";
EX CATEDRA
Пишува: Ферид МУХИЌ
Едно од најнеобичните, најбизарните и, секако, најморничавите мои доживувања е приказната за племето наречено “Господари на сонот”. Толку е страшна, што до денес не сум ја раскажал; дури и сега, додека во мислите ми се враќаат тие три дена поминати таму, се прашувам дали тоа навистина го видов и го доживеав или само го сонував.
Желбата да ги запознаам “Господарите на сонот” ја почувствував откако за нив ми раскажа Џали, прекрасна млада Индијка од Пенџаб. Џали беше духовно средиште на сите еколошки движења на НВО, особено во секторот посветен на заштита на последните автохтони племиња во југоисточната Азија. Во џунглите од континенталниот дел на Малезија, како и во Индонезија, особено на Борнео и на Суматра, сè уште живеат домородни племиња. Нивниот точен број не е утврден; заедничкото име кое тие за себе го употребуваат е “оранг асли” - што значи “вистински луѓе”, или “асли луѓе”, наспроти зборот “оранг утан” кој значи “прашумски луѓе”.
По два дена возење низ тесните и ужасно лошите патишта низ џунглата стасавме во селото на “Господарите на сонот”. Со нас беше и госпоѓата Ц.Т., претседател на локалниот огранок на една НВО од Англија, и господинот Б.Ц., инаку следбеник на познатиот англиски езотерик и мистичар Алистер Кроули и почитувач на Мадам Блавацки.
Нашата посета беше најавена, така што веднаш нè однесоа во “Големата куќа”. Доволно големи да ги соберат сите жители на едно село, “Големите куќи” имаат само една просторија, со функција на заедничко собиралиште, пазар, плоштад, односно, “сред село” - кои тука се покриени поради секојдневните тропски дождови.
Токму низ еден таков дожд стасавме во селото на “Господарите на сонот”. Пред да влеземе, одвај ги исчистивме чевлите од парчиња мрсна, леплива, жолта глина. Луѓето ги затекнавме во процесот на сортирање на сите билки потребни за нивниот таен рецепт за сонување “вистински соништа”. Притоа, жените и мажите работеа заедно и со заемни консултации. Според објаснувањето на племенскиот врач, постојат рецепти за секој сон. Во почетокот, чаевите од халуциногените билки се правеле за да се сонуваат соништата кои ќе го забрзаат оздравувањето на болните. Веќе имав некои сознанија за хипно-терапијата и овој дел ми се чинеше несомнено најинтересен. “По некое време, нашите предци почнале да истражуваат нови комбинации на треви и билки, за да сонуваат и други соништа”, објаснуваше врачот. “Од убавите, пријатните, до возбудливите, еротските, ловечките или воинствените. Ние ја наследивме тајната на нивното знаење и денес можеме да направиме да сонувате кој било сон, така што навистина сме 'Господари на сонот!'“, ја заврши приказната врачот.
Госпоѓата Ц.Т. се заинтересира за тоа имаат ли рецепт со кој се сонуваат соништата со различна интелектуална способност: соништа во кои сте генијалец или лудак!? “Секако, тоа е дури најлесно да се направи”, потврди врачот. Ако некој од нас сака да проба сосема мала доза, која ќе нè воведе во едната или во другата состојба, дури и без да заспиваме, тој веднаш ќе нè увери во тоа. Јас никогаш немав желба да експериментирам со различни состојби на свеста. На најмал знак за губење на менталната острица, перцептивната фокусираност, визуелната и динамичката координација, се алармирам и веднаш настојувам да се вратам во целосна автоконтрола. Со еден збор, неизвесноста на тие “излети” и “откачувања” не ме привлекувала никогаш, така што без двоумење го одбив предлогот на врачот. Но госпоѓата Ц.Т. посака да проба, сосема малку од рецептот за преминувањето во свеста на еден лудак.
“Мислам дека сум доволно интелигентна за да не ме интригира како е да бидам уште поинтелигентна, макар и генијална! Но свеста на лудакот, тоа навистина ме интересира!”, објасни таа.
Врачот ни откри дека нивната моќ е условена од исполнувањето на секоја желба. Тие не смеат да одбијат никого, што тој и да посака да сонува, инаку ќе го загубат своето знаење, а од тревите ќе секнат соковите на тајните сили. Должни се, сепак, точно да му кажат на секој што ќе се случи. “Во случај некој да бара да сонува страшни и опасни соништа, го предупредуваме и го одвраќаме колку што можеме, секој оној што ќе ги посака. Имаме и чаеви со кои се сонува сопствената смрт! Но, бидејќи нашите чаеви соништата ги престоруваат во јаве, смртта видена во сонот предизвикан со нашиот чај, станува вистинска смрт! За среќа, луѓето сакаат да живеат и чајот за сонување на сопствена смрт, досега никој не ни го побарал!”, ни објасни врачот.
Така госпоѓата Ц.Т. доби своја доза. Беше тоа сосема малечка доза, за лудило од 15-ина минути. За да не ì раскажуваме како се однесуваше додека беше луда, замоли да ја снимаме на камера. Го направивме тоа. Поправо, јас го направив тоа. Ќе беше подобро да не го направивме тоа. Иако ì дадоа најмала доза за бенигно лудило, беше повеќе од непријатно да се гледа што правеше и да се слуша што зборуваше за тие четврт час, кои на сите ни се сторија неподносливо долги.
Но, најлошото допрва дојде. Господинот Б.Ц. со јасен глас и решително побара од чајот за сонување на сопствената смрт. Врачот на сите начини се обидуваше да го разубеди, но тој се повика на тврдењето дека племето ќе ја загуби силата на својата магија доколку одбие исполнување желба за кој било сон, па и сонот за сопствената смрт!
“Тоа што никој досега не го побарал, може просто да значи дека вие таков чај и немате! Сонот е сепак сон, тој е паралелна реалност, но реалност која е помалку реална од реалноста во која сме будни! Луѓето често сонуваат дека умреле, па сепак се будат живи! Ќе докажам дека и вашите билки создаваат само халуцинации, а не други реалности! Ќе докажам дека вие не сте Господари на сонот, токму така што ќе го испијам вашиот чај за сонување на сопствената смрт и ќе се пробудам жив и здрав!”
Со овие и слични аргументи господинот Б.Ц. продолжи да ги убедува “оранг аслите” и да ја оспорува силата на нивната магија поради која ги викаат “Господари на сонот”.
Лицето на врачот се стемни. “Каква смрт сакаш да сонуваш?”, праша. По кратко размислување господин Б.Ц. изрази желба: “Да ме бркаат твоите ловци низ џунглава и да ме убијат со отровна стрела од цевка за дување!” Врачот лично ја направи смесата за бараниот чај. “Ако дојдат полицајците, нека се знае дека ти си барал, а јас сум ти го направил чајот. Но, чајот не смееш да го пиеш на наша територија. На кое друго место сакаш - можеби најдобро во Англија, но не на нашата територија!”
На патот кон К.Л. следбеникот А. Кроули се радуваше како дете! “Одвај чекам да стасаме до хотелот. Ќе го испијам специјалниот чај 'Сонот на смртта' во својата соба, па да видам како до таму ќе долета отровната стрела од цевките за дување на тие оранг аслите! Пред тоа ќе извршам еден заштитен обред на мојот духовен ментор Кроули! Ќе им покажам кои се вистинските 'Господари на сонот'! Ве чекам во 9 часот на појадок, да ви раскажам што сонував!”
Нешто што лебдеше во воздухот, не дозволи никој од нас да направи некаков коментар. Молчевме и кога во холот од хотелот сите највнимателно си ги светнавме чевлите од последните остатоци глина донесени од џунглата.
Утредента, откако господинот Б.Ц. не се појави ни во 9, ни во 10, дури ни во 11 часот, со хотелската служба ја проваливме насилно цврсто однатре заклучената врата. И прозорците беа затворени, дебелите завеси навлечени, а ролетните спуштени. Кога го запаливме светлото, видовме дека господинот Б.Ц. сосема облечен и со чевли на нозете, лежи мртов. Дежурниот лекар пронајде малечка раничка - како од стрела за дување на оранг аслите! - рече; но стрелата ја немаше никаде. На чевлите имаше парчиња мрсна, леплива, жолта глина.
Обдукцијата покажа дека смртта била предизвикана од отровот со кој ловците на оранг аслите ги мачкаат своите стрели за лов, што ги исфрлуваат од долгите бамбусови цевки за дување. Наодите на форензичарите, кои сугерираа дека погодениот долго трчал, како да бил гонет, така што отровот многу бргу стасал до централниот нервен систем, беа отфрлени како апсурдни со оглед на тоа што убиениот цела ноќ бил во својата соба.
@import "http://forum.com.mk/mambots/content/plugin_jw_ajaxvote/css/ajaxvote.css";
- 1
- 2
- 3
- 4
- 5
Пишува: Ферид МУХИЌ
Едно од најнеобичните, најбизарните и, секако, најморничавите мои доживувања е приказната за племето наречено “Господари на сонот”. Толку е страшна, што до денес не сум ја раскажал; дури и сега, додека во мислите ми се враќаат тие три дена поминати таму, се прашувам дали тоа навистина го видов и го доживеав или само го сонував.
Желбата да ги запознаам “Господарите на сонот” ја почувствував откако за нив ми раскажа Џали, прекрасна млада Индијка од Пенџаб. Џали беше духовно средиште на сите еколошки движења на НВО, особено во секторот посветен на заштита на последните автохтони племиња во југоисточната Азија. Во џунглите од континенталниот дел на Малезија, како и во Индонезија, особено на Борнео и на Суматра, сè уште живеат домородни племиња. Нивниот точен број не е утврден; заедничкото име кое тие за себе го употребуваат е “оранг асли” - што значи “вистински луѓе”, или “асли луѓе”, наспроти зборот “оранг утан” кој значи “прашумски луѓе”.
По два дена возење низ тесните и ужасно лошите патишта низ џунглата стасавме во селото на “Господарите на сонот”. Со нас беше и госпоѓата Ц.Т., претседател на локалниот огранок на една НВО од Англија, и господинот Б.Ц., инаку следбеник на познатиот англиски езотерик и мистичар Алистер Кроули и почитувач на Мадам Блавацки.
Токму низ еден таков дожд стасавме во селото на “Господарите на сонот”. Пред да влеземе, одвај ги исчистивме чевлите од парчиња мрсна, леплива, жолта глина. Луѓето ги затекнавме во процесот на сортирање на сите билки потребни за нивниот таен рецепт за сонување “вистински соништа”. Притоа, жените и мажите работеа заедно и со заемни консултации. Според објаснувањето на племенскиот врач, постојат рецепти за секој сон. Во почетокот, чаевите од халуциногените билки се правеле за да се сонуваат соништата кои ќе го забрзаат оздравувањето на болните. Веќе имав некои сознанија за хипно-терапијата и овој дел ми се чинеше несомнено најинтересен. “По некое време, нашите предци почнале да истражуваат нови комбинации на треви и билки, за да сонуваат и други соништа”, објаснуваше врачот. “Од убавите, пријатните, до возбудливите, еротските, ловечките или воинствените. Ние ја наследивме тајната на нивното знаење и денес можеме да направиме да сонувате кој било сон, така што навистина сме 'Господари на сонот!'“, ја заврши приказната врачот.
Госпоѓата Ц.Т. се заинтересира за тоа имаат ли рецепт со кој се сонуваат соништата со различна интелектуална способност: соништа во кои сте генијалец или лудак!? “Секако, тоа е дури најлесно да се направи”, потврди врачот. Ако некој од нас сака да проба сосема мала доза, која ќе нè воведе во едната или во другата состојба, дури и без да заспиваме, тој веднаш ќе нè увери во тоа. Јас никогаш немав желба да експериментирам со различни состојби на свеста. На најмал знак за губење на менталната острица, перцептивната фокусираност, визуелната и динамичката координација, се алармирам и веднаш настојувам да се вратам во целосна автоконтрола. Со еден збор, неизвесноста на тие “излети” и “откачувања” не ме привлекувала никогаш, така што без двоумење го одбив предлогот на врачот. Но госпоѓата Ц.Т. посака да проба, сосема малку од рецептот за преминувањето во свеста на еден лудак.
“Мислам дека сум доволно интелигентна за да не ме интригира како е да бидам уште поинтелигентна, макар и генијална! Но свеста на лудакот, тоа навистина ме интересира!”, објасни таа.
Врачот ни откри дека нивната моќ е условена од исполнувањето на секоја желба. Тие не смеат да одбијат никого, што тој и да посака да сонува, инаку ќе го загубат своето знаење, а од тревите ќе секнат соковите на тајните сили. Должни се, сепак, точно да му кажат на секој што ќе се случи. “Во случај некој да бара да сонува страшни и опасни соништа, го предупредуваме и го одвраќаме колку што можеме, секој оној што ќе ги посака. Имаме и чаеви со кои се сонува сопствената смрт! Но, бидејќи нашите чаеви соништата ги престоруваат во јаве, смртта видена во сонот предизвикан со нашиот чај, станува вистинска смрт! За среќа, луѓето сакаат да живеат и чајот за сонување на сопствена смрт, досега никој не ни го побарал!”, ни објасни врачот.
Така госпоѓата Ц.Т. доби своја доза. Беше тоа сосема малечка доза, за лудило од 15-ина минути. За да не ì раскажуваме како се однесуваше додека беше луда, замоли да ја снимаме на камера. Го направивме тоа. Поправо, јас го направив тоа. Ќе беше подобро да не го направивме тоа. Иако ì дадоа најмала доза за бенигно лудило, беше повеќе од непријатно да се гледа што правеше и да се слуша што зборуваше за тие четврт час, кои на сите ни се сторија неподносливо долги.
Но, најлошото допрва дојде. Господинот Б.Ц. со јасен глас и решително побара од чајот за сонување на сопствената смрт. Врачот на сите начини се обидуваше да го разубеди, но тој се повика на тврдењето дека племето ќе ја загуби силата на својата магија доколку одбие исполнување желба за кој било сон, па и сонот за сопствената смрт!
“Тоа што никој досега не го побарал, може просто да значи дека вие таков чај и немате! Сонот е сепак сон, тој е паралелна реалност, но реалност која е помалку реална од реалноста во која сме будни! Луѓето често сонуваат дека умреле, па сепак се будат живи! Ќе докажам дека и вашите билки создаваат само халуцинации, а не други реалности! Ќе докажам дека вие не сте Господари на сонот, токму така што ќе го испијам вашиот чај за сонување на сопствената смрт и ќе се пробудам жив и здрав!”
Со овие и слични аргументи господинот Б.Ц. продолжи да ги убедува “оранг аслите” и да ја оспорува силата на нивната магија поради која ги викаат “Господари на сонот”.
На патот кон К.Л. следбеникот А. Кроули се радуваше како дете! “Одвај чекам да стасаме до хотелот. Ќе го испијам специјалниот чај 'Сонот на смртта' во својата соба, па да видам како до таму ќе долета отровната стрела од цевките за дување на тие оранг аслите! Пред тоа ќе извршам еден заштитен обред на мојот духовен ментор Кроули! Ќе им покажам кои се вистинските 'Господари на сонот'! Ве чекам во 9 часот на појадок, да ви раскажам што сонував!”
Нешто што лебдеше во воздухот, не дозволи никој од нас да направи некаков коментар. Молчевме и кога во холот од хотелот сите највнимателно си ги светнавме чевлите од последните остатоци глина донесени од џунглата.
Утредента, откако господинот Б.Ц. не се појави ни во 9, ни во 10, дури ни во 11 часот, со хотелската служба ја проваливме насилно цврсто однатре заклучената врата. И прозорците беа затворени, дебелите завеси навлечени, а ролетните спуштени. Кога го запаливме светлото, видовме дека господинот Б.Ц. сосема облечен и со чевли на нозете, лежи мртов. Дежурниот лекар пронајде малечка раничка - како од стрела за дување на оранг аслите! - рече; но стрелата ја немаше никаде. На чевлите имаше парчиња мрсна, леплива, жолта глина.
Обдукцијата покажа дека смртта била предизвикана од отровот со кој ловците на оранг аслите ги мачкаат своите стрели за лов, што ги исфрлуваат од долгите бамбусови цевки за дување. Наодите на форензичарите, кои сугерираа дека погодениот долго трчал, како да бил гонет, така што отровот многу бргу стасал до централниот нервен систем, беа отфрлени како апсурдни со оглед на тоа што убиениот цела ноќ бил во својата соба.
))