Немојте да се секирате Македонецот пак ќе е единствен оваа се само минлива фаза која ке помине брзо.
А за делби има насекаде по светот никој не е имун на политичките делби.
Дај освежи ми ја меморијава, извини кога тоа Македонецот бил единствен?
Факт дека до некаде мора да постои партиска поделеност, поради тоа што имаме повеќе партии. Не е проблемот тоа што имаме партиска поделеност по однос на внатрешните прашања...Проблемот настанува кога за државните интереси таа поделеност уште повеќе се продлабочува. Кога се работи за државата, сите интереси, моќ и останати пропратни елемени мораат да бидат ставени во заден план. На пример интересен е примерот со Швајцарија, кога го бираат Сојузниот Совет бираат седум членови од сите поголеми партии, да има еднаква застапеност. Но она што е интересно е дека тие 7 членови, во моментот кога ќе стапат во Советот, ги оставаат партиските интереси на страна и како првенствен, основен, најважен елемент им е интересот на државата. Кога државните интереси ќе се остварат, кога ќе ги направат работите НЕОПХОДНИ за доброто на државата, тек ондак размислуваат партиски. Ете тоа е проблемот во Македонската политика. Не треба никој да биде зачуден тоа што партиите се тепаат за власт. Ако некој не знаел, време е да се разбуди и да сфати, дека основна примарна цел на една политичка партија е да дојде до власта, која со себе носи де факто политичка моќ и способност за остварување на своите интереси. Е сега, тие политички партии, во нормалните земји, сепак се решаваат, најпрвин да видат што е неопходно за државата, а потоа за себе, а кај нас политичките партии гледаат што е неопходно за себе, а дури и помислувам на моменти дека државата не ја ставаат ни на второ место.
Жалосно е тоа што во Македонија, голем дел од луѓето не сфаќаат дека има работи кои се надпартиски, кои не би требало да бидат поврзувани со ниедна партија, бидејќи сепак државата не ја поседува ниедна партија. Политизираноста на народот и неговата затруеност со политика го создава тој раздор и таа партиска поделеност, а за голем дел од тоа се заслужни секако медиумите.
Лично, сметам дека односот што го имаат пред се политичарите спрема политката е погрешен, политиката порано била сфаќана како кралска вештина, со државата можеле само најмудрите да владеат. Ова ни во светот веќе не се гледа така (пример: Буш Џуниор, Саркози...),а не па кај нас.
Водењето држава е далеку од играчка и не е нешто што треба да се прави, само затоа што “ај да пробам“. Тоа е проблемот кај поголемиот дел од нашите политичари.
Како што реков поделеноста околу водењето на државата по однос на економијата, здравството и слични сектори е нормална и е потребна, едноумие е далеку од посакувано, НО кога се работи за работи кои се витална важност за државата, како што кај нас се моментално зачувување на идентитетот и слични државни прашања, мора да се најде и пронајде заеднички и единствен став кој ќе биде презентиран пред целата јавност и народот како таков ќе го прифати. Не е поентата за се и сешто да се удира спротивно едни на други. Мора да се најде заедничко решение, затоа што тоа е во интерес на државата. За се друго, можат да си вадат очи едни на други. Тоа е и до некаде поентата на демократијата.:wink: И да, сметам дека во Македонија има недостаток, односно не постои плурализам во вистинска смисла на зборот. Нормално е за секоја држава да има доминантни партии, но сепак потребни се и други групи кои ќе имаат било каква моќ на некој начин да влијаат во власта. Сепак Македонија е млада демократија, и е нормално да има многу недостатоци во истата. Како и да е, држава преќу ноќ не се гради. А не се гради богами и врз стари пеплосани, разнишани темели (социјализмот). Потребни се нови, цврсти, стабилни темели. Кога тоа ќе се случи, сите ќе уживаме во тие благодети...а ќе се случи, мора се случи...само е потребно време. И квалитетни луѓе.
А и да, во Македонија има недостаток од вистинско цивилно општество. Има недостаток од организации, здруженија и НВОа кои нема да перат само пари, туки и навистина нешто ќе прават.
Јас си почитувам се што е мое, Македонско, респект за сите останати, но првенствено е МАКЕДОНСКОТО, сам можам да си заработам со сопствен грб.... 
