THE_CHOSEN_ONE
1903-2012
- Член од
- 13 август 2007
- Мислења
- 3.735
- Поени од реакции
- 1.340
Туристичките агенции воопшто не го ни нудат Охрид за Велигден, оти за двокреветна соба со појадок во охридски хотел ќе треба да платите 177 евра за трите празнични ноќевања, а во хотел во Банско во соседна Бугарија, на пример, само 74 евра.
Охрид и Струга и годинава за велигденските празници ќе останат полупразни. Според хотелиерите, капацитетите за претстојниот празник ќе се полнат само со мал број странски туристи, кои веќе имаат направено резервации. Очекуваат организирано пристигнување на туристи од Грција, Србија, Бугарија, Косово, Холандија и од Италија.
"Веќе се направени групни резервации, но, сепак, интересот е многу мал. Најмногу ќе има гости од Србија и од Грција", велат хотелиерите.
Најевтината варијанта за три ноќевања со појадок во хотел во Охрид е 3.000 денари и таа понуда е веќе распродадена. Цената на двокреветна соба со појадок е 59 евра за ноќ, односно 177 евра за три ноќевања, а за еднокреветна соба цената е 33 евра за една ноќ или 99 евра за трите неработни дена за Велигден.
Во туристичките агенции велат дека токму поради изгор цените во охридските хотели, воопшто не ги ни ставаат во својата велигденска понуда. "А зошто би го ставиле Охрид кога имаме велигденски тури за во странство речиси за џабе", велат од агенциите. Најпримамлива дестинација е Истанбул, каде што еден четиридневен аранжман чини од 110 до 140 евра. Велигденски викенд во Банско, Бугарија, во хотел со три ѕвездички чини 4.500 денари или само 74 евра. Најпродавани за Грција се велигденските тури за Халкидики, каде што може да се најде аранжман со три ноќевања, појадок и организиран превоз за 6.000 денари или 100 евра.
Има интерес и за посета на европските метрополи. Четиридневен викенд во Прага чини од 280 до 310 евра, а може да се најде аранжман во Рим за цена од 480 до 510 евра. Во овие цени, туристичките агенции имаат пресметано превоз, сместување во хотели со три ѕвездички, како и туристички водич за сите дестинации.
"Охрид стана луксуз за одмор. Сместувањето е скапо, храната и пијалаците ги поскапеа, мислиш како да си некаде во Шпанија. А каде се превозот, бензинот и патарините? За парите што ќе ги потрошам за два дена во Охрид, сега ќе одам пет дена во Истанбул со сопругата. Знам дека ќе спијам во хотел со три ѕвездички, а не во двокреветна соба во куќа во Охрид", објаснува скопјанец, кој само што уплатил за велигденски викенд во Турција.
А на оние со попразни џебови им останува сместувањето во приватни куќи во Охрид, каде што ќе платат поевтино оти, како и досега, газдите нема да ги пријават, па ќе ги избегнат туристичката такса и ДДВ-то. (Љ.С.)
Охрид и Струга и годинава за велигденските празници ќе останат полупразни. Според хотелиерите, капацитетите за претстојниот празник ќе се полнат само со мал број странски туристи, кои веќе имаат направено резервации. Очекуваат организирано пристигнување на туристи од Грција, Србија, Бугарија, Косово, Холандија и од Италија.
"Веќе се направени групни резервации, но, сепак, интересот е многу мал. Најмногу ќе има гости од Србија и од Грција", велат хотелиерите.
Најевтината варијанта за три ноќевања со појадок во хотел во Охрид е 3.000 денари и таа понуда е веќе распродадена. Цената на двокреветна соба со појадок е 59 евра за ноќ, односно 177 евра за три ноќевања, а за еднокреветна соба цената е 33 евра за една ноќ или 99 евра за трите неработни дена за Велигден.
Во туристичките агенции велат дека токму поради изгор цените во охридските хотели, воопшто не ги ни ставаат во својата велигденска понуда. "А зошто би го ставиле Охрид кога имаме велигденски тури за во странство речиси за џабе", велат од агенциите. Најпримамлива дестинација е Истанбул, каде што еден четиридневен аранжман чини од 110 до 140 евра. Велигденски викенд во Банско, Бугарија, во хотел со три ѕвездички чини 4.500 денари или само 74 евра. Најпродавани за Грција се велигденските тури за Халкидики, каде што може да се најде аранжман со три ноќевања, појадок и организиран превоз за 6.000 денари или 100 евра.
Има интерес и за посета на европските метрополи. Четиридневен викенд во Прага чини од 280 до 310 евра, а може да се најде аранжман во Рим за цена од 480 до 510 евра. Во овие цени, туристичките агенции имаат пресметано превоз, сместување во хотели со три ѕвездички, како и туристички водич за сите дестинации.
"Охрид стана луксуз за одмор. Сместувањето е скапо, храната и пијалаците ги поскапеа, мислиш како да си некаде во Шпанија. А каде се превозот, бензинот и патарините? За парите што ќе ги потрошам за два дена во Охрид, сега ќе одам пет дена во Истанбул со сопругата. Знам дека ќе спијам во хотел со три ѕвездички, а не во двокреветна соба во куќа во Охрид", објаснува скопјанец, кој само што уплатил за велигденски викенд во Турција.
А на оние со попразни џебови им останува сместувањето во приватни куќи во Охрид, каде што ќе платат поевтино оти, како и досега, газдите нема да ги пријават, па ќе ги избегнат туристичката такса и ДДВ-то. (Љ.С.)
