Македонија победи во Америка
Фудбалерите на Вардар го освоија првото место во првенството на Индијана и Илиноис дивизијата
Македонија се слави и на американскиот континент. Патриотите и спортските души на нашите Македонци, вљубеници во својата татковина, деновиве направија со гордост да се изговара името Македонија, искачувајќи го на пиедестал во Соединетите Американски Држави. Потврда дека Македончето може да опстои на сите меридијани од земјината топка и успешно да се развива и да ја претставува својата родна земја е токму екипата на фудбалскиот клуб Вардар од Индијана, предводена од г-дин Митре Кутановски, со своите најблиски соиграчи.
Формиран уште пред 43 години, клубот Вардар оваа година го освои првото место во првенството на Индијана и Илиноис дивизијата. Во чест на овој голем успех, на 29 март на редовната годишна седница е одлучено по 43-години опстојување на клубот Вадар да го преименуваат во вечното историско име на нашата држава Македонија. Со ова нашите сонародници на најдобар можен начин даваат морална поддршка во вековното настојување за зачувувањете на името на Република Македонија за што деновиве толку многу се зборува.
- Тоа не е политички чин, бидејќи никогаш не треба да се мешаат политиката и спортот. Едноставо со ова сакаме да го изразиме чувството на припадност на сите играчи од клубот. А, ги има од речиси сите краишта на Македонија и тоа од Радожда, Мислешево, Ложани, Мароишта, Требеништа. Вевчани, Цапари, Охрид, Кичево, Струга, Скопје, Битола, Струмица, Радовиш, Тетово, Гостивар... Заслугата за освоеното прво место не претставува успех на поединци, туку е успех на духот и желбата за придонес кон нашата татковина. Со голема мисла кон родниот крај, "стар крај", сакаме да ги позравиме нашите сонародници во Македонија. Да ги охрабриме со нашето постоење, да го задружиме нашите сили и да го славиме вечното името на Македонија на сите простори каде што не има, истакнува Кутановски.
Сонародниците од Индијана веруваат дека нивниот успех ќе ги мотивира сите Македонци да постигнат уште поголеми резултати од нивните и со тоа ќе го прославуваат и шират името на Република Македонија.
Фудбалерите на Вардар го освоија првото место во првенството на Индијана и Илиноис дивизијата
Формиран уште пред 43 години, клубот Вардар оваа година го освои првото место во првенството на Индијана и Илиноис дивизијата. Во чест на овој голем успех, на 29 март на редовната годишна седница е одлучено по 43-години опстојување на клубот Вадар да го преименуваат во вечното историско име на нашата држава Македонија. Со ова нашите сонародници на најдобар можен начин даваат морална поддршка во вековното настојување за зачувувањете на името на Република Македонија за што деновиве толку многу се зборува.
- Тоа не е политички чин, бидејќи никогаш не треба да се мешаат политиката и спортот. Едноставо со ова сакаме да го изразиме чувството на припадност на сите играчи од клубот. А, ги има од речиси сите краишта на Македонија и тоа од Радожда, Мислешево, Ложани, Мароишта, Требеништа. Вевчани, Цапари, Охрид, Кичево, Струга, Скопје, Битола, Струмица, Радовиш, Тетово, Гостивар... Заслугата за освоеното прво место не претставува успех на поединци, туку е успех на духот и желбата за придонес кон нашата татковина. Со голема мисла кон родниот крај, "стар крај", сакаме да ги позравиме нашите сонародници во Македонија. Да ги охрабриме со нашето постоење, да го задружиме нашите сили и да го славиме вечното името на Македонија на сите простори каде што не има, истакнува Кутановски.
Сонародниците од Индијана веруваат дека нивниот успех ќе ги мотивира сите Македонци да постигнат уште поголеми резултати од нивните и со тоа ќе го прославуваат и шират името на Република Македонија.
