Moviespotting 2026

[Zlatikevichius]

13, ама не како баксуз! 13 е и убава бројка. Еве по 13 пат, тринаесет години по ред, темата за броење филмови!

Тука ќе броиме сè она што сме гледале на филмското платно и на екраните низ 2026.

И нормално, Moviespotting се потпира на бројките, па еве ги бројките уште еднаш, низ една анализа што сме гледале тука, на форумов низ дванаесетте поминати години: до сега, за 12 изминати години броеле повеќе од 165 луѓе и избројале точно 39 340 филмa! Ако земеме во просек секој филм да траел по 90 минути, (ако добро пресметав) заедно сме потрошиле 6 години, 8 месеци, 28 дена, 12 часа пред филмското платно/ТВ екранот. Сме напишале точно 3 410 мислења! Продолжуваме понатаму, и во 2026. Прво да се потсетиме како требаше, иако сите знаат:

Целта на темава е едноставна: набројување на сите филмови кои ќе ги изгледаме во 2025, секако, со оценување на истите со оценки од 1 до 10. (ЗАБЕЛЕШКА: Филмовите не мора да бидат нови, од 2025, може да се дури и класици). Сфатете ја само како обичен бележник кој ќе ви помогне вам на крајот на 2025 да се вратите наназад, да сумирате и одново оцените што сѐ сте изгледале. Секако - ќе им помогнете и на другите членови на форумов со тоа што суптилно ќе им сугерирате филм кои тие можеби го пропуштиле, а вреди да се изгледа. Оставете ги рецензиите на страна: истите пишувајте ги во Последен гледан филм со кратка рецензија или Предлог за филм со кратка рецензија, а сите коментари за филмовите пишувајте ги во Филмови, режисери, актери: Генерална дискусија. Значи - се што тука правите е: набројување и оценување. Рецензиите и другите коментари за филмовите можете само да ги линкувате тука.

Еве како изгледа листата на луѓето кои во 2025 изгледале барем 1 филм:

@Dumbledore - 260
@bijons - 65
@Zlatikevichius - 59
@ComfortablyNumb - 50
@Adidya..Fanox on Faja :D - 42
@<<Goku>> - 39
@SK-92 - 36
@JagodicaBobica - 34
@FilipMKD007 - 32
@reddevil4ever - 32
@wot - 20
@my_name_is_in_use - 16
@volare_g - 9
@StoleD - 5
@Saladin - 2

Или вкупно во 2025 само 692 филма што е за 150 помалку од 2024, а за цели 1030 филма помалку од 2023. Од рекордните 5090 филма во 2016 сме светлосни години далеку. Броеле 15 члена што е за еден повеќе од 2024, а за 35 помалку од рекордните 50 во 2016. Во 2025 испишавме само 3 страници со само 45 мислења. Во 2026 не посакувам да се вратат луѓето во темава, зашто сигурен сум дека нема. Полека старееме, а ко што реков, свежа крв нема. На младиве генерации им е поинтересно да летаат ко Супермен и да кршат раце и глави за на Тик Ток, а attention span-от им е толку голем што едвај можат да изгледаат цело Тик Ток видео или reel на Инстаграм, а не па филм од три и кусур саати. Така што, полека умира интересот за филмовите кај нас. За жал тоа е суровата реалност.

Moviespotting 2025 ќе остане отворена барем уште некое време, а јас ќе се обидам да ги update-увам бројките тука.




...and let the Moviespotting 2026 begin!