Макс Мозли, претседателот на Светската автомобилистичка федерација (ФИА) во март 2008 година ќе дојде во посета на Македонија. Тоа ќе биде негова прва посета на нашата земја, а како дел од неговиот престој ќе се разговара и за помош и развој на македонскиот автоспорт. Македонија е единствената земја во опкружувањето што нема тркачка патека која би задоволувала некои минимум стандарди за одржување автотрки и автоспорт на најниски гранки и со најслаби резултати. Потврдата за посетата на Мозли на Македонија ја добивме и од Авто-мото сојузот на Македонија (АМСМ), без детали колку ќе трае посетата и целосната агенда. Мозли со приватен авион треба да пристигне во Скопје, да разговара со луѓето од АМСМ, а една од точките за разговор би требало да бидат и начините за помош на македонскиот автоспорт, кој е на најниски гранки од земјите во опкружувањето.
Годинава првпат автотрките и трките на ридски и кружни патеки поминаа без вообичаената помош од АМСМ, па организаторите едвај „се крпеа“ да го одржат натпреварувањето на достојно ниво. Нашите екипажи ги нема на посилните европски натпреварувања, туку само во околните земји. Единствено што Македонија последниве години го прави од повисок ранг е ФИА Челинџ-купот, во трки на ридски патеки на Водно.
Мозли ќе дојде во Македонија на покана на АМСМ, но и по сопствена желба. Уште лани изразил желба да дојде во Македонија, а сега тоа е веќе влезено и во неговиот календар за посети. Тој сакал да се запознае со работата на АМСМ. Ова ќе биде прва посета на вака висока личност од ФИА на Македонија.
Белгиецот Мозли, заедно со Берни Еклстоун „жарат и палат“ во светскиот автоспорт и се највлијателните луѓе во Формула 1. Мозли и Еклстоун во 2007 година посетија неколку земји од бивша СФРЈ, а последните држави во кои престојувал се Хрватска и Србија.
Земјите во нашето опкружувањето се многу понапред во однос на автоспортот. Повеќето имаат рели-трки кои се бодуваат или за СП или се со послаб коефициент, но имаат одлична посетеност. Тоа е со релито Акрополис во Грција. Бугарија го има релито со европски коефициент, а од 2010 година и Србија со „Ју-релито“ќе биде дел од Светското првенство.
Србите се надеваат дека Милош Павловиќ наскоро ќе вози во Ф1 и се натпреварува во ГП2. Хрватска во Нико Пулиќ го има европскиот првак во рели, а нивните возачи редовно настапуваат на силните европски рели-трки. Бугарија во Димитар Илиев гледа човек што ќе вози во СП во рели. Македонците тешко се снаоѓаат и во балканските трки.
Дневник
Годинава првпат автотрките и трките на ридски и кружни патеки поминаа без вообичаената помош од АМСМ, па организаторите едвај „се крпеа“ да го одржат натпреварувањето на достојно ниво. Нашите екипажи ги нема на посилните европски натпреварувања, туку само во околните земји. Единствено што Македонија последниве години го прави од повисок ранг е ФИА Челинџ-купот, во трки на ридски патеки на Водно.
Мозли ќе дојде во Македонија на покана на АМСМ, но и по сопствена желба. Уште лани изразил желба да дојде во Македонија, а сега тоа е веќе влезено и во неговиот календар за посети. Тој сакал да се запознае со работата на АМСМ. Ова ќе биде прва посета на вака висока личност од ФИА на Македонија.
Белгиецот Мозли, заедно со Берни Еклстоун „жарат и палат“ во светскиот автоспорт и се највлијателните луѓе во Формула 1. Мозли и Еклстоун во 2007 година посетија неколку земји од бивша СФРЈ, а последните држави во кои престојувал се Хрватска и Србија.
Земјите во нашето опкружувањето се многу понапред во однос на автоспортот. Повеќето имаат рели-трки кои се бодуваат или за СП или се со послаб коефициент, но имаат одлична посетеност. Тоа е со релито Акрополис во Грција. Бугарија го има релито со европски коефициент, а од 2010 година и Србија со „Ју-релито“ќе биде дел од Светското првенство.
Србите се надеваат дека Милош Павловиќ наскоро ќе вози во Ф1 и се натпреварува во ГП2. Хрватска во Нико Пулиќ го има европскиот првак во рели, а нивните возачи редовно настапуваат на силните европски рели-трки. Бугарија во Димитар Илиев гледа човек што ќе вози во СП во рели. Македонците тешко се снаоѓаат и во балканските трки.
Дневник
