Мистичен напиша:
Па ти не ја поткрепуваш темата со ниту еден аргумент. Тука не се работи за стил на изразување, тука се работи за дефицит на аргументи во изразувањето. Кражба на идентитет постои, но е сосема различен од тоа што го напишал новинарот на дневник во глупата статија. Тоа е поентата.
И нормално, не ми треба дозвола од тебе за бришење тема, ниту пак форумџиите имаат потреба од извинување од тебе, не им копаш во очи.
Smetam deka ke bide suficitarno argumentiranjevo:
Ана Антониќ (62), пензионерка од Скопје, деновиве ќе поднесе тужба против една од македонските банки зашто, за да купи 20 евра, и' барале лична карта и ги забележале личните податоци, па дури и единствениот матичен број.Антониќ смета дека за да купи 20 евра е непотребно да и' се земаат личните податоци.
- Ако сум млада, ќе ми дадат понови банкноти? Ова е смешно. Се побунив и реков дека сакам да купам само 20 евра, а не да дадам изјава под заклетва. Вработената ми рече дека е таква процедурата. Бев посрамотена и понижена пред сите што чекаа во ред зад мене. За жал, од вработените не добив објаснување каква врска има купувањето девизи со податоците за годините и полот - вели пензионерката Антониќ.
Таа додава дека државата треба посериозно да пристапи кон овие злоупотреби и дека треба да го следи примерот на европските земји.
Од Дирекцијата за заштита на личните податоци велат дека во овој случај станува збор за класична злоупотреба и дека банките што го практикуваат овој начин на работа го кршат Законот за заштитата на личните податоци.
Маријана Марушиќ, директор во Дирекцијата, вели дека граѓаните што на овој начин се злоупотребени можат да побараат помош во Дирекцијата.
- Според Законот за спречувањето на перење пари, граѓаните што во банките купуваат повеќе од 2.500 евра треба да достават документ за лична идентификација. Но, за помали суми граѓаните не треба да ги оставаат своите лични податоци. Граѓаните од банката треба да добијат доказ за купените пари, а не и да остават лични податоци. Тоа е спротивно од Законот за заштитата на личните податоци - објаснува Марушиќ.
Неодамна во некои јавни гласила излезе оглас за наградна игра во кој се бара од потрошувачите да испратат стапчиња од сладолед, но „задолжително” и единствениот матичен број. Ова, според Марушиќ, е класична злоупотреба на личните податоци.
- За наградни игри не е потребно да се остава ЕМБГ - истакнуваа таа.
Марушиќ објаснува дека, според законот, ЕМБГ се користи кога се бара кредит, осигурување, рента или основање трговско друштво, во здравственото осигурување, социјалната заштита, при вработување и тоа само во исклучителни случаи.
- Кога граѓаните ќе се најдат во ситуација да се идентификуваат со лична карта, треба само да ја покажат и да си ја задржат, но не и да ја оставаат по портирниците. ЕМБГ е личен податок. Единствено доколку постои законска основа или согласност од граѓанинот, тој може да се користи или обработува. Ако некој знае туѓ матичен број може да влезе преку интернет во изводот од избирачкиот список и да ги смени личните податоци. Кражбата на идентитетот при вршење криминални дејства е најопасната злоупотреба на личните податоци која кај нас, за жал, е во подем - вели Марушиќ.
Од Дирекцијата велат дека можеби најдобро решение за заштита е да се следат европските трендови и да се смени обликот во мали картички, со кои не се откриваат лесно деталните податоци.
Казни и до 300.000 денари
Доколку постојат злоупотреби треба да се пријават во Дирекцијата, а од таму ќе ги преземат сите мерки за заштита на граѓаните. Казните за прекршителите се движат до 50.000 денари за физички лица и до 300.000 денари за фирми и правни лица.
Од Дирекцијата велат дека многу често, без никаква основа, при плаќање со банкарски чекови продавачот самоволно од личната карта на имателот на чекот го препишува матичниот број на купувачот, кој е таен.
- Граѓаните никако не треба да го дозволуваат тоа. Секој има право да знае врз каква правна основа му се заведува и ЕМБГ на чекот и за каква цел ќе се користи - истакнува Марушиќ
