Корисни информации за доењето

[Скулгрл]

Нормалното новороденче има добро развиени рефлекси за цицање и голтање. На мајката, за успешно да ги задоволи потребите за доење на своето бебе, потребен и е рефлекс за отпуштање на млекото, кој се создава со самиот допир на новороденчето до дојката на мајката.


Чувството се пренесува преку хипофизата, каде што се излачува хормонот окситоцин.


Окситоцинот преку крвотокот се враќа во дојката и ги поттикнува миоепителните клетки околу млечните алвеоли и водоводите на сопирање и исфрлање на млекото.


Исто така окситоцинот ги предизвикува контракциите на матката, го поттикнува исфрлањето на постелицата и го спречува крвавењето.


Уште одамна е применувана техниката по пораѓање, новороденчето веднаш да се стави на дојката на мајката за да го поттикне исфрлување на постелицата и да се сопре крвавењето.


Со првото дете навикнувањето на овој рефлекс може да потрае и две недели, и понекогаш може да биде проследено со грчеви во стомакот.


Веќе кога ќе стане навика, кај некој мајки и со самата помисла дека треба да го дојат своето дете, може да им потече млеко.


Доењето на детето може да се одвива по фиксен распоред, обично на секои четири часа, или по потреба.


Напредувањето на телесната тежина на новороденчето, е еден објективен показател дека бебето соодветно се храни.


Плачењето или спиењето не секогаш се предзнак дека детето е гладно или сито. На сите бебиња покрај мајчиното млеко им е потребно и дополнително внесување на витамини.


Доењето е активност која на мајката и пружа големо психичко задоволство, иако нема објективни докази дека доколку детето се храни по вештачки пат, тоа би предизвикало некаква емоционална криза кај неа.

 

[Мармеладова]

Доколку детето се дои подолг период во најраната возраст се намалува ризикот од некои заболувања бидејќи заштитниот ефект од доењето трае до 15 години по последното породување.

Мајчиното млеко содржи фактор на раст, кој воопшто го нема ниту во кравјото млеко ниту во адаптираните млека. Исто така содржи и живи клетки што бебето го штитат од инфециија (бела крв). Преку мајчиното млеко се пренесуваат готови антитела за болести што мајката ги прележала, така што бебето не може да се разболи од нив. Мајчиното млеко помага во "населување" на цревата со добра цревна флора (лактобацилус бифидус), а сето тоа детето го штити од инфекции. Поради сето ова доените бебиња поретко се разболуваат, а ако се разболат побрзо оздравуваат.

 

[Рамада]

Подобро нешто не постои за новороденчето од хранењето со мајчино млеко-доење.Тоа е најздравиот,најлесниот и нај ефтиниот начин на исхрана.Бидејќи во предходните постови се е убаво опфатено, идните мајки добро нека си прочитаат!
Моето искуство е следното-керка ми ја доев 20 месеци (иако сега мислам дека нема потреба од толку долг подој),и тоа беше по совет на мојот педијатар.
Чувството кога прв пат го доите вашето дете е незаборавно како и самиот чин на раѓање!Барем јас така го доживеав!

 

[Тањушка]

Доењето носи само позитивни нешта. Поздраво дете, помал ризик од заболување од карцином на дојка, посебна психичка и физичка поврзаност помеѓу бебето и мајката...Она што мене ми претставуваше особена радост додека ги доев моите бебулиња беше избегнувањето на станување на сред ноќ и топлење на млеко. Вака, вадиш цице и продолжуваш со слаткиот сон :wink:.

Гледам дека многу мајки се претерано разгалени и не се упорни да научат да дојат. Се откажуваат на самиот почеток, кога постојат кризи и се вадат дека немаат млеко. А лекарите велат дека не постои жена која нема млеко(или има, ама тоа е неверојатно мал процент), само треба голема волја и трпение. :helou: