Матичниот гинеколог кој ми е со години и одлично си ја знае работата никогаш ми нема наплатено за ништо. Сите прегледи ми се бесплатни. Кога и да зазборам со блиски пријателки ми се крева коса од тоа колку ги стрижат матичните гинеколози. Од 1500 ден. па нагоре им земаат за ПАП, 500-1000 ден. ЕХО....) Што е многу, многу е.
Вчера бев кај матичниот гинеколог на редовен преглед и се погоди инспекција. Во чекалната бевме 5-6 жени. Излезе коконата од министерство за да праша дали некогаш ни е наплатено нешто и се погоди едно женче кажа дека за ЕХО и е наплатена сума од 150 денари, а па друга пациентка со изјава дека за 4 бриса и е наплатено 200 денари. Госпожата од министерство праша дали некој сака да поднесе приговор против докторката, но за малце ќе се согласеше првото женче на кое му е наплатена сума од 150 денари. Видно изнервирана влегов кај докторката и тука беше и инспекцијата. Културно прашав за што се работи и дали треба да се наплати бидејќи мене никогаш ништо не ми е наплатено.Добив одговор од иснпекцијата дека по новиот закон не плаќаат ништо пациентки од '80-'91 годиште. Оние кои се под или над границата плаќаат партиципација но до 200 денари најмногу. Се прашувам што ќе се случеше ако женчето поднесеше приговор а беше повозрасна особа и наплатена и е нормална партиципација?
Инаку да знаете дека за повторен ПАП според закон се наплатува 200 денари.
