Клин со клин се избива?

[Fortune]

Еј, колку пати сум прочитала низ Љубов и секс слични изјави, како кај љубовните проблеми и совети така и по други теми. Многу од форумџиите се согласуваат со ова.
Ајде една посебна тема во врска со ова и да видиме секој посебно шо си мисли.

Знаеме дека секој ќе си мисли прво за себе, а после за другиот, но дали е во ред? Дали умееме да се ставиме на туѓо место и да замислиме како би ни било доколку некој не` искористи за да заборави некого? Во ред, може да излезе таквата врска да биде најпрекрасна врска, но ајде да се сконцентрираме на периодот додека се трудиш да го заборавиш претходниот партнер. Си раскинал врска, уште имаш чувства, не си ги средил во глава мислите, а почнуваш нова врска за да заборавиш на претходниот. А актуелниот абер нема зошто си со него.

И тоа префрлување на чувства е чест случај. Го сакаш партнерот, раскинувате, почнуваш врска со друг и оп чувствата кои си ги имал претходно ги префрлаш на новиот. Колку е ова можно според вас? Барем мене ми е несфатливо, неприфатливо. Кога се градат чувства кон една личност, според мене тоа треба да е заради нејзе самата, заради нејзините квалитети, да се почне од нула чувство па полека да се засилуваат, а не само од желба да се продолжи чувството кон бившиот.

Значи, дали сте од оние кои скокаат од врска во врска за полесно да заборават или од оние кои чекаат да си расчистат со себеси и ослободено да се впуштат во нова?

Имам уште некои прашања, но ајде понатаму

Повелете

 

[Мистичен]

Да не се однесуваше дискусијата на "љубов и секс" ќе елаборирав зошто верувам во спомнатата изрека, нејзината методологија и ефикасноста

 

[Fortune]

Ајде, дајте да отвориме тема со истава изрека со друг вовед во друг подфорум. Зошто да не?

 

[The Mummy]

Не дека сум имал нешто многу сериозни врски за да зборам од искуство, ама не се согласувам со ова. Би почекал првиот клин сам да се избие пред да ставам друг. Мислам дека користењето на друга личност за заборавање на првата е нефер кон таа личност, а и залажување на самиот себеси. Се создава илузија дека е се во ред, а всушност ништо не си решил.

 

[кики]

Себичност и егоизам. Глупава ситуација е да си најдеш некој нов за да заборавиш и побрзо да го преболиш претходниот партнер. Тој кутриот нема поим што се случува, мисли дека сепак има нешто помеѓу вас ама ...

Ги оставам работите да се средат сами од себе. Ако веднаш започнам врска со некој сигурна сум дека ќе се обидувам да пронајдам и некои сличности со оној со кого сум била пред тоа. Значи јас сепак ќе сакам да бидам со некој што ќе потсетува на него затоа што се уште не сум расчистила со моите чувства.

Fortune и мене ми е несфатливо тоа префрлање на чувства ама ете...се случува се почесто. Барем јас гледам многу такви примери. И колку повеќе согледувам на работите толку повеќе сфаќам дека некои луѓе би направиле се само за да не останат сами, дури мислам и дека се плашат од фактот да немаат партнер.

 

[Anck-Su-Namun]

...или од оние кои чекаат да си расчистат со себеси и ослободено да се впуштат во нова?

Јас спаѓам во овие. Глупаво ми е да се впуштам во нова врска ако го немам заборавено претходниот партнер. Сметам дека ако не сум го заборавила сама, со друг пак ич, шо знам, така ми делува, дека се ќе ме потсеќа на претходниот и сл.
Исто така глупаво би ми било некој да биде со мене, за да заборави на бившата, не дека тој ќе ми каже, ама ако разберам од негде, глупаво би се чувствувала, исто како врската да ми е една голема лага.
Затоа јас прво расчистувам со себе си, па се впуштам во нова врска.
Ама пак и не е убаво од една врска да скокаш одма во друга, ќе ти притреба некогаш време за да си бидеш сама со себе, а јас мислам дека најдобро е помеѓу врските, ќе се средиш, ќе си ги избистриш мислите, и понатака ќе знаеш што сакаш во следната врска.

 

[Crazy in Love]

Еј, колку пати сум прочитала низ форумов слични изјави, како кај љубовните проблеми и совети така и по други теми. Многу од форумџиите се согласуваат со ова.
Ајде една посебна тема во врска со ова и да видиме секој посебно шо си мисли.

Знаеме дека секој ќе си мисли прво за себе, а после за другиот, но дали е во ред? Дали умееме да се ставиме на туѓо место и да замислиме како би ни било доколку некој не` искористи за да заборави некого? Во ред, може да излезе таквата врска да биде најпрекрасна врска, но ајде да се сконцентрираме на периодот додека се трудиш да го заборавиш претходниот партнер. Си раскинал врска, уште имаш чувства, не си ги средил во глава мислите, а почнуваш нова врска за да заборавиш на претходниот. А актуелниот абер нема зошто си со него.

Никогаш не сум се согласувала со изреката “Клин со клин се избива“, особено не во љубовта.
Никогаш досега, а верувам и за понатаму ова ќе важи, не сум почнала врска ВЕДНАШ или набргу по раскинувањето на врската. За мене не е ова логично, ниту сакам така да рипам од врска во врска. Башка да го додадам фактот дека врските до сега емоционално ме исцрпиле и сум си сакала време за себе, за друштво, за забава и за релаксирање и на крај на памет не ми паѓало само за да преболам некој да започнам нова врска. Пу, пу скраја да е.
И искрено, мислам дека човек што веднаш по раскинувањето на врската, започне нова: Или навистина сака да го преболи бившиот партнер/ка, или сепак, чувствата и баш ги немал во бившата врска, па и сеедно му е дали да почне нова врска.
Сепак малце забегав, да се вратам на темава.
Сметам дека доколку партнерот дознае дека сум со него само заради да го преболам, заборавам бившиот ќе го повреди или во најмала рака навреди тоа, што е нормално исто би се чувствувала и јас ако дознаам дека всушност на некој начин сум терапија, некој вид на рамо за плачење - без да знам.
Новиот, можеби е добар човек, пристоен дечко, дечко на место. Зашто да го направам тоа? Има голем ризик да излезе повреден од сето тоа и сметам дека не е фер.
Не им го прави на другите, она што не сакаш да ти го прават на тебе.
Јас така би се почувствувала изиграна, а јас сакам фер и чесна игра.

И тоа префрлување на чувства е чест случај. Го сакаш партнерот, раскинувате, почнуваш врска со друг и оп чувствата кои си ги имал претходно ги префрлаш на новиот. Колку е ова можно според вас? Барем мене ми е несфатливо, неприфатливо. Кога се градат чувства кон една личност, според мене тоа треба да е заради нејзе самата, заради нејзините квалитети, да се почне од нула чувство па полека да се засилуваат, а не само од желба да се продолжи чувството кон бившиот.

И мене не ми е логично. Не е љубовта пинг - понг, па така емоциите да ги префрлаш. Ако си ја сакал претходната личност, не можеш туку така да ги префрлиш или насочиш чувствата кон новата личност. Не иде тоа така лесно, да беше така лесно, светот ќе беше многу поубав.

Значи, дали сте од оние кои скокаат од врска во врска за полесно да заборават или од оние кои чекаат да си расчистат со себеси и ослободено да се впуштат во нова?

Прво, не сум имала кој знае колку врски, а како второ имало огромен размак на време меѓу нив.
Сакам едноставно после прекин на врска да уживам со себеси и во тоа што сум сама, да расчистам со сопствените чувства, па после здравје Боже по нова потрага.
Не сум преокупирана стално да имам дечко и да рипам од врска со врска. Ниту се терам себеси. Се во свое време.

 

[Bratot]

Неможам да сфатам како некој може туку така де се префрла од еден човек на друг, од една на друга врска.

Би разбрал сепак доколку после некоја врска се случуваат некои помали епизоди,авантури со некој друг, меѓутоа не и врска.

После тие долги врски, нормално е да се јави празнина, како нешто да ви фали во секојдневието, да се има потреба да се биде покрај некого. Но мислам дека тоа е период кој треба да се надмине, да се посвети малце внимание на себе си, на друштвото, семејство итн. а работите ќе си дојдат спонтано, без силење.

 

[The Goddess]

Сум пробала клин со клин како што се вели ама ништо. Не е тоа за мене. Јас ни самата не можам да го заборавам а камоли со друг, а и плус тоа сум била многу идиотка кон тој вториот (било кој да е тој) и од жал сум прекинала. Никој не заслужува такво однесување. Затоа од тогаш не се ни обидувам да избијам клин со клин затоа што џабе ми е, кај мене тоа не пали.

Што ако ја сум таа со која се вади клинот? Што ако мене некој ме искористува на тој начин?

Тргнувајќи од себе и знаејќи колку тешко можеш да заборавиш некого и да го знам тоа нема да ми смета многу. Па добро мора од некаде да се почне. Мене ако не ми успева можеби на други им успева. Можеби ќе успее да ја заборави таа другата, а јас ќе му помогнам колку што можам.

И тоа префрлување на чувства е чест случај. Го сакаш партнерот, раскинувате, почнуваш врска со друг и оп чувствата кои си ги имал претходно ги префрлаш на новиот.

Ова нема шанси кај мене. Или ќе го отсакам целосно или уште ќе го сакам. Новиот дечко може да го сакам на друг начин, може и да не го сакам ама никако и да ја префрлам љубовта на него. Нема теоретски шанси. Нема ни логика

 

[Мишелинка]

Сум пробала - успеало

 

[Superhik]

Ја не давам никој да ми го избие клинот додека е внатре, а посебно не друг клин:baeh:
он топик: Оставам да пројде период, да се средам, да ми пројде сфе, па после тек се впуштам онака полека полека пак во нова љубов. Ако било подолго претходното самиот неможам да си дозволам да работам на друга страна еден период додека да се опоравам.

 

[_elektra_]

Па јас мислам дека „клин со клин се избива“ само не да преминиш од врска во друга врска... туку едноставно да си се муваш со друг и притоа да знаеш дека и тој другиот е со тебе само од забава. Така си го потполнуваш времето со друг и забораваш на бившиот + знаеш дека никој нема да биде повреден бидејќи тоа е само мување без никакви чувства.

 

[Никола]

Од кол на кол третио в газо.
Не ја бива таа работа. Треба да си се потсредите.
Ама кој сум јас да судам. Може баш таа врска да им се погодила.
Јас лично ако некој го интересира, во што не верувам, ама да споделам, ми требаше доста време да преболам и не не отидов кај друга девојка туку сам си страдав.
(ако ме заебава некој за пишаново ќе види убаво)

 

[Lady]

Исто кога на преваденото цвеќе му додадеш вода, ќе мувлоса...
Кога на предрогираниот, му дадеш дупла доза во неговиот бесен очај, ќе умре...

 

[leandra]

Јас спаѓам во овие. Глупаво ми е да се впуштам во нова врска ако го немам заборавено претходниот партнер. Сметам дека ако не сум го заборавила сама, со друг пак ич, шо знам, така ми делува, дека се ќе ме потсеќа на претходниот и сл.
Исто така глупаво би ми било некој да биде со мене, за да заборави на бившата, не дека тој ќе ми каже, ама ако разберам од негде, глупаво би се чувствувала, исто како врската да ми е една голема лага.
Затоа јас прво расчистувам со себе си, па се впуштам во нова врска.
Ама пак и не е убаво од една врска да скокаш одма во друга, ќе ти притреба некогаш време за да си бидеш сама со себе, а јас мислам дека најдобро е помеѓу врските, ќе се средиш, ќе си ги избистриш мислите, и понатака ќе знаеш што сакаш во следната врска.

Како успевате да го заборавите партнерот кој сте го обожавале,а ве напуштил?Сами седите и си разговарате,си објаснувате на себе си ,зошто, како,што?Какво е тоа расчистување со себе си,за да се продолжи со друг,ќе си поставиш задачи и правила на однесување?
Вака теоретски многу убаво звучи,верувам сите би ја одбрале оваа варијанта,да е така едноставно како што е напишано.Реалноста е сурова,болката е преголема за да си расчистуваш со себе си,депресијата на врата.Јас верувам во оваа поговорка,стварно клин со клин се избива,но не онака како што е прикажано од кур на кур.Кога веќе една врска завршила,впуштањето во друга наредната вечер нема да донесе ништо.Но наредниот човек кој барем малку во тие периоди ќе ви ги тргне мислите е идеалниот лек.Простор за опоравување од шокот и наоѓање на интересна личност околу себе,ќе ја избегне депресијата и алкохолизмот.
Значи клин со клин се избива нека не се сваќа од кур на кур,туку онака како што е и целта на поговорката,љубов со љубов се заменува