Каролина Гочева

[DIJAMANTE]

Вечерва првиот од петте концерти на Каролина во МОБ
Серијата од пет концерти на Каролина Гочева почнува вечерва во 21 часот во Македонската опера и балет. Познатата пејачка на публиката ќе и ги претстави песните од албумот „Македонско девојче 2“

Каролина ќе настапи со музичарите со кои ги сними песните, што за неа ги напиша Никола Мицевски. Тимот, е подготвен за вечерашниот концерт, а како што велат и на пробите било весело и распеано. Публиката веќе ги знае „Чалгиска“ и „Две лири“ од новиот албум, но ќе ги слушне и: „Кој да ми запее“, „Вези, вези“, „Сакам да не те сакам“, „Смеј ми се смеј“, „Ќе пијам љубов до крај“, „Сон“, „Те видов и се заљубив“, обработката на „Ако згрешам нека изгорам“, но и некои нумери од албумот „Македонско девојче 1“.
Организаторите, „Авалон“ продукција велат дека три до петте закажани концерти се распродадени.
Со секој купен билет посетителите ќе го добијат и новиот албум, „Македонско девојче 2“, кој ќе се може да се купи низ цела Македонија на 25 февруари.

 

[Толстој]

утре сакам видео како ја испејала две лири.

 

[Crazy in Love]

утре сакам видео како ја испејала две лири.

Значи, како да ти кажам, два пати ја пееше. Еднаш регуларно, еднаш на бис. Јас два пати плачев. Ако чуете за некоја што се лигавела од плачење на песната, јас сум била таа...

Концертот беше совршен. Изглед, сцена, организација, пеење... песни.
Немам коментар. Вечерва беше кралица.
Ако згрешам нека изгорам ја отпеа маестрално, се ежев цело време.
Го испеа цел нов албум, плус неколку од стариот, плус некои од оние што ги викам класични македонски песни што Каролина често ги пее. И на бис ги пееше Чалгиска и Две лири. На Две лири дури и ја остави публиката да пее на некои делови. Пред да почне да ја пее Две лири на бис, се слушаше од страна како викаат некои од публиката (и тоа да потенцирам МАШКИ) ДВЕ ЛИРИ и Каролина им се насмеа и вика: Е таа...

Пофалби и за Авалон на професионалноста.

Мерак ми е што отидов на првиот концерт, а цедето еве го до мене.

 

[jasisamojas]

Каролина повторно блесна!!

[DOUBLEPOST=1392971810][/DOUBLEPOST]

 

[DIJAMANTE]

Првиот од петте концерти на Каролина: Ѕвонлив глас и емоција што плени

Вчеравечер (20.02) Каролина Гочева направи концертна промоција на својот нов албум „Македонско девојче 2“.

Вчеравечер (20.02) во Македонската опера и балет се одржа првиот од петте концерти на нашата поп дива Каролина Гочева. Во интимната атмосфера што ни ја нуди овој простор и пред преполната сала, Каролина го отвори срцето и ја исцеди и последната емоција од себе за достојно да ни го претстави албумот „Македонско девојче 2“.
Во придружба од девет музичари, меѓу кои и главниот „виновник“ за создавањето на овој албум Никола Мицевски, Каролина успешно го започна музичкиот маратон кој ќе трае пет дена. Без ниту една пауза таа ни пееше повеќе од два часа со својот ѕвонлив глас.

Во црни панталони со висок струк, кошула во боја на самарагд, ретро бранови во косата и шешир, дивата блескаше со префинета елеганција. Цврстата интеракција со музичарите му даде посебна нота на овој концерт, а Каролина беше поразиграна од било кога. Моќниот ритам особено го загреваше трубата на Џамбо Агушев од познатиот оркестар Агушеви.
Таа не размрда со „Вези вези“, а не разнежни со нејзината омилена песна „Смеј ми се смеј“. На баладите седеше на столчето среде сцена, а на единствените две песни кои публиката ги знаеше однапред „Чалгиска“ и „Две лири“ уживаше во ракоплескањето и сета љубов која ја добиваше за возврат.

Црвените усни на Каролина ни ги милуваа ушите и кога ни ги пееше двете преработки од новиот албум „Те видов и се заљубив“ и „Ако згрешам нека изгорам“, како и кога не навраќаше на композициите од албумот „Македонско девојче 1“. Публиката со своите телефони снимаше за на миг да украде дел од атмосферата со стихови полни емоции и музика полна приказна. Меѓу црвените кадифени завеси владееја музичари од светски ков, а водечката дама меѓу нив не наежи со стиховите: „Жена без љубов е несреќна жена… Ти, ти бегај од мене!“
И концерт од ваков ранг не би бил заокружен ако немаше бис на каков што бевме сведоци. Публиката стоеше на нозе и се движеше по ритамот на „Чалгиска“ и „Две лири“, а Каролина ни го приреди токму тоа што ни го вети – ноќ за паметење!
Погледнете ја фотогалеријата од настанот.

 

[Crazy in Love]

Меѓу црвените кадифени завеси владееја музичари од светски ков, а водечката дама меѓу нив не наежи со стиховите: „Жена без љубов е несреќна жена… Ти, ти бегај од мене!“

Е ова. Значи мислам дека делириум имаше кога го испеа овој стих, баш на крајот на песната. Громогласен аплауз имаше.
Не можам да објаснам каква емоција извади, ми се насолзија очите.

 

[jasisamojas]

Распродадени сите пет концерти на Каролина,

додаден дополнителен – шести концерт!

Pаспродадени ce сите влезници за петте промотивни концерти на Каролина за проектот „Македонско девојче 2“ кои почнаа вчера, а требаше да завршат на 24 февруари. Поради тоа е додаден дополнителен 6-ти концерт во вторник 25.02.2014 за кој влезниците се веќе во продажба преку продажната мрежа на www.kupikartizase.com.

 

[DIJAMANTE]

Каролина со накит од 60 000 евра

Поп принцезата Каролина Гочева вчера на првиот од петте закажани концерти се појави со лукзузен накит вреден 60 илјади евра од познатата продавница за накит Тесоро во Скопје.



Накитот што Каролина вчера го носеше вклучува прстени со дијаманти и луксузен ѓердан. За стајлингот на пејачката и овој пат се погрижи Цаци Паковска, а шминкерот Дадар беше задолжен за изгледот на Каролина. Петте концерти веќе се распродадени.

 

[DIJAMANTE]

 

[jasisamojas]

Втор концерт 21.02.2014

 

[DIJAMANTE]

На првиот поубаво изгледа, на вториов ептен како жена ја направиле.

 

[karamanot]

Мојата омилена

 

[Vespertine]

Каролина со накит од 60 000 евра

Поп принцезата Каролина Гочева вчера на првиот од петте закажани концерти се појави со лукзузен накит вреден 60 илјади евра од познатата продавница за накит Тесоро во Скопје.



Накитот што Каролина вчера го носеше вклучува прстени со дијаманти и луксузен ѓердан. За стајлингот на пејачката и овој пат се погрижи Цаци Паковска, а шминкерот Дадар беше задолжен за изгледот на Каролина. Петте концерти веќе се распродадени.

не се секирај утредента рано накитот ке го врати у златара.

 

[jasisamojas]

Трет концерт 22.02.2014