Кајгана собиранка + хуманитарка во БАР ОН - 15.05.2015 (петок) во 21 часот!

[Peja989]

Ајде во „БАР ОН“ на забава од хуманитарен карактер!

Безброј пати до сега Кајганџии покажаа дека покрај тоа што се заебанти, тролови, пипери, провокатори, знаат да покажат дека имаат огромно срце, знаат да ја покажат и својата хумана страна. За прв пат годинава ќе организираме забава со хуманитарен карактер. Станува збор за семејство на кое му е потребна помош, било каква. За подетални информации, може да се обратите кај @CafeDelMar

Овој пат @Acid кажа дека го средил микрофонот, па ќе можеме да фураме рапови а не да ни кочи и да ни викаат дека не знаеме и не не’ бива. Кој ќе пее најлошо, под казна ќе донира, кој ќе пее најдобро, бакшишот ќе го даде во добротворни цели. Оние кои нема да пеат, ќе донираат зошто нема да пеат итн итн...

ДАТУМ И ВРЕМЕ:
15.05.2015 (петок) во 21:00 часот

МЕСТО:
БАР ОН - ТЦ Бисер I кат

ДОНИРАМЕ ЗА:
Три члено семејство (самохрана мајка и деца).
Доколку собереме повеќе облека/средства, слободно посочете семејства за помош со кои би можеле да се поделат донациите.

ШТО СЕ ДОНИРА:
Облека, обувки, кујнски апарати, постелнина, играчки и финансиски средства

За донацијата да стигне на вистинското место (складирање, превоз и достава) ќе се погрижи @Комита Ултрас. Како фин дечко, дури се нафати да изработи и кутија за донации

 

[Acid]

Јо, мислам дека со @Комита Ултрас и @CafeDelMar договаравме да се собира облека и средства, а тоа со тортите да го оставиме за друг пат
Идејата беше за се изжуркаме како и секогаш, ама на доаѓање да донесеме и по една вреќа облека која ќе отиде кај едно семејство на кое му е потребна помош. Повеќе информации за ова може да пишат хуманитарците кои ќе го организираат овој дел (каде ќе одат донациите, како ќе се организира превозот итн).

Добрата вест е што конечно затопли, па ќе може да се журкаме надвор, на воздух, кај што ќе може и да чуриме цигари

Пријавувајте се и ажурирајте си ја агендата, а тагирајте и ги пријателите за заедничко доаѓање. Ако не сте од Скопје, слободно користете ја темава за договарање.

 

[Kleolon]

Долго време бев луркер на форумот а скоро и се одлучив да направам акаунт.
Се надевам има место и за понови членови..

 

[Acid]

Долго време бев луркер на форумот а скоро и се одлучив да направам акаунт.
Се надевам има место и за понови членови..

Секако дека има, собиранките се идеални за запознавање

 

[Олимпија]

Оваа вест раширете ја по блиски, затоа што има многу луѓе шо периодов го чистат плакарот и ја фрлаат старата облека. Може да ги поканите и нив на забава или пак да ја донесете облеката. Исто така доколку имате и стари играчки/обувки донесете ги. Вие ќе се ослободите од непотребното, а други ќе се израдуваат на најпотребното

 

[Peja989]

Препрочитајте го првиот пост, содржи подетални информации

 

[Комита Ултрас]

Секој кој е во можност да донира, а се срами да дојде на собиранка или поради икс причини не е во можност да дојде, нека ми пише по пп ќе дојдам со кола на договорено место и ќе ги земам работите.

 

[Ilumious]

Идам

 

[Prestapnik]

Какви кујнски апарати?

 

[Клипче]

Се надевам дека сите кои се во можност да одвојат барем малку пари или нема да ги мрзи да пребараат по плакари дома ќе се довлечкаат до БАР ОН и ќе помогнат зашо на крај краева не се работи за тоа кој каков статус има на форумоф, дали те тролаат ликови, дали тролаш ти ликови сепак на некое семејство му треба помош која се надевам ќе му биде пружена.

Баталете форум и бидете таму, ќе има пиво, ќе има смеење, ќе репаме ја и пеца :Д

 

[CafeDelMar]

Какви кујнски апарати?

И треба фрижидер и шпорет за греење ( кој во моментов не е итен ), за останатото ќе информирам пак.

 

[Fantom]

Дур сме на муабетов, колкави се децата, да знајме за облека за величини. 90% идам (ак не заборам, ретко идам на форумов), за облека ќе проверам утре како стојам по подруми и шкафој.

Исто, мислам дека е добра идеја донирање на трајна храна (брашно, масло за готвење, ориз, тестенини, паштети, туни, месни нарезоци и сл.), како би се смалиле трошковите на семејството во поглед на исхраната. Џст сејин.

 

[Сладоледџија]

и децата дали се машки или женски, што ако донесам играчки за машки а жената има 2 девојчиња?

 

[CafeDelMar]

и децата дали се машки или женски, што ако донесам играчки за машки а жената има 2 девојчиња?

Машко 2 години, девојче 3 години.

 

[Schtrawzenigger]

Кидам, нормално. Хуманитарноста пред сфе.