По се изгледа Џим има егзистенцијална криза, дали животот има некое значење или е многу врева за ништо!?
Има значење, ама обично не се крева врева околу тоа.
Си живееш и гледаш што се случува.
Проблемот со извесен број популарни фаци (што не мора да е случај и со Кери, но со некои секако е) е што не знаат што со себе и како понатаму, посебно кога ќе се соочат со тоа што нивните 5, 10 или 15 минути поминале, а шансите за враќање на голема врата се или мали или воопшто ги нема. Тоа мора да е тежок проблем - да се дознае дека нема популарност, да не се добиваат понуди за работа (или тие да се омаловажувачки), да се биде полека но сигурно заборавен и да ги снема сите оние газолижачи кои се обидуваат некако да се огребат од туѓата слава и пари. За многу тоа е страшен удар и врз егото и врз џебот. И тоа повеќе доаѓа до израз ако се крупни ѕверки, кога „падот“ е уште поспектакуларен. Па уште ако се работи за личности со разни проблеми и склоности (депресии и други психички проблеми, алкохол, дроги и сл.) и стил на живот кој подразбира секојдневно трошење на пари кои просечен македонец нема ни за два живота да ги заштеди, ете неисцрпна забава и сеир за масите кои сакаат вакви приказни (за тоа како богатите и славни пропаѓаат) и да се ситат.
И децата ѕвезди од 80-те и од 90-те главно се пример кој веројатно, барем донекаде, има врска со проблемот на Кери, иако во нешто поинакви услови. Малку од нив се извлекле неоштетени. Тие завршија неславно и се соочија со проблемот како да се продолжи со професијата во услови кога никој не ги есапи. Сега се или се мртви (повеќе има такви - самоубиства, предозираност и сл.), или се симнати неколку нивоа подолу (споредни ликови во филмови кои никој не ги гледа, епизодисти во серии), или се зборува за нив само кога ќе бидат приведени за некоја идиотштина. Или кога ќе признаат дека биле силувани како деца.