Официјална тема за Формула 1 - сезона 2026
Оваа година доцнењето е малку помало од претходните. Ливеријата на новите болиди веќе почнаа да ги покажуваат, па затоа сметам дека е време да отвориме тема за 2026, а старата да замине во историјата.
77 сезона во најбрзиот и најпознатиот светски шампионат во автомобилизам, организиран од FIA, ќе започне со огромни промени. Прво - за прв пат по подолго време (2016) ќе имаме 11 тимови и 22 возачи на патеката, со вклучувањето на тимот на Кадилак во мотоспортот (со мотори на Ферари). Кадилак се за прв пат во историјата во F1. Второ - по купувањето на Заубер пред некоја година, Ауди се вклучува во F1 со свој фабрички тим. Трето - ќе има огромен сет на нови регулативи со измени во конфигурацијата на погонските единици и нова активна аеродинамика (стариот DRS систем заминува во историјата и ќе биде заменет со подвижни крила што технички е истата работа, но на различен начин регулирана). Четврто - Хонда ја прекинува соработката со со Ред Бул и ќе доставува мотори ексклузивно на Астон Мартин. Петто - Форд се враќа во спортот по пауза од 22 години - ќе доставуваат мотори на Ред Бул и Рејсинг Булс тимовите. И шесто - Рено веќе нема да произведува мотори за Алпин, кои се префрлаат на мотори на Мерцедес.
Пирели останува единствен снабдувач со гуми.
Меѓу возачите - Серхио Перез и Валтери Ботас се враќаат по кратка пауза во F1, како возачи на новиот тим - Кадилак. Исак Хаџар од Рејсинг Булс се префрла во Ред Бул, каде ќе го замени Јуки Тсунода кој ќе биде тест и резервен возач на Ред Бул. Замена за Хаџар во Рејсинг Булс ќе биде Арвид Линдблад од Formula 2. Тој е единствен дебитант сезонава, по „наездата“ на дебитанти минатата сезона што навистина одлично се покажаа.
Освен 24 трки кои ги спомнав, исто како претходните 2 години, ќе има и 6 спринт трки, кои оваа сезона ќе се возат во: Шангај, Мајами, Монтреал, Силверстон, Зандворт и Сингапур. Шпанското гран-при ќе биде преместено од патеката во Барселона - Каталуња во нова улична трка низ Мадрид. Патеката која се возеше на патеката во Барселона ќе остане во календарот како голема награда на Барселона - Каталуња. Отпаѓа трката во Имола која до 2025 се возеше како голема награда на Емилија Ромања. Трката во Азербејџан наместо во недела, ќе се вози во сабота, по барање на властите во Азербејџан заради одбежување на нивниот национален празник каде ги чествуваат загинатите азербејџански војници во Нагорно-Карабх конфликтот од 2020 година.
Претсезонските тестирања ќе почнат на патеката во Барселона-Каталуња од 26 до 30 јануари 2026. Вторите тестови ќе се одржат на патеката во Бахреин од 11 до 13 февруари 2026 и од 18 до 20 февруари 2026.
Анкетата која традиционално гласеше: кој ќе биде шампион во Формула 1, пред 2 години малку ја изменив. Таква ќе остане и годинава - ќе можете да гласате за минимум 1 а максимум 3 возачи за кои вие ќе навивате.
Soooooo...
Оваа година доцнењето е малку помало од претходните. Ливеријата на новите болиди веќе почнаа да ги покажуваат, па затоа сметам дека е време да отвориме тема за 2026, а старата да замине во историјата.
77 сезона во најбрзиот и најпознатиот светски шампионат во автомобилизам, организиран од FIA, ќе започне со огромни промени. Прво - за прв пат по подолго време (2016) ќе имаме 11 тимови и 22 возачи на патеката, со вклучувањето на тимот на Кадилак во мотоспортот (со мотори на Ферари). Кадилак се за прв пат во историјата во F1. Второ - по купувањето на Заубер пред некоја година, Ауди се вклучува во F1 со свој фабрички тим. Трето - ќе има огромен сет на нови регулативи со измени во конфигурацијата на погонските единици и нова активна аеродинамика (стариот DRS систем заминува во историјата и ќе биде заменет со подвижни крила што технички е истата работа, но на различен начин регулирана). Четврто - Хонда ја прекинува соработката со со Ред Бул и ќе доставува мотори ексклузивно на Астон Мартин. Петто - Форд се враќа во спортот по пауза од 22 години - ќе доставуваат мотори на Ред Бул и Рејсинг Булс тимовите. И шесто - Рено веќе нема да произведува мотори за Алпин, кои се префрлаат на мотори на Мерцедес.
Пирели останува единствен снабдувач со гуми.
Меѓу возачите - Серхио Перез и Валтери Ботас се враќаат по кратка пауза во F1, како возачи на новиот тим - Кадилак. Исак Хаџар од Рејсинг Булс се префрла во Ред Бул, каде ќе го замени Јуки Тсунода кој ќе биде тест и резервен возач на Ред Бул. Замена за Хаџар во Рејсинг Булс ќе биде Арвид Линдблад од Formula 2. Тој е единствен дебитант сезонава, по „наездата“ на дебитанти минатата сезона што навистина одлично се покажаа.
Освен 24 трки кои ги спомнав, исто како претходните 2 години, ќе има и 6 спринт трки, кои оваа сезона ќе се возат во: Шангај, Мајами, Монтреал, Силверстон, Зандворт и Сингапур. Шпанското гран-при ќе биде преместено од патеката во Барселона - Каталуња во нова улична трка низ Мадрид. Патеката која се возеше на патеката во Барселона ќе остане во календарот како голема награда на Барселона - Каталуња. Отпаѓа трката во Имола која до 2025 се возеше како голема награда на Емилија Ромања. Трката во Азербејџан наместо во недела, ќе се вози во сабота, по барање на властите во Азербејџан заради одбежување на нивниот национален празник каде ги чествуваат загинатите азербејџански војници во Нагорно-Карабх конфликтот од 2020 година.
Претсезонските тестирања ќе почнат на патеката во Барселона-Каталуња од 26 до 30 јануари 2026. Вторите тестови ќе се одржат на патеката во Бахреин од 11 до 13 февруари 2026 и од 18 до 20 февруари 2026.
Анкетата која традиционално гласеше: кој ќе биде шампион во Формула 1, пред 2 години малку ја изменив. Таква ќе остане и годинава - ќе можете да гласате за минимум 1 а максимум 3 возачи за кои вие ќе навивате.
Soooooo...