Ако се влезе во јануари со овој ист вајб, оваа енергија и ваква позиција на табелата, мислам дека Елиот нема да си дозволат да не ја искористат ситуацијата. Мислам дека без разлика колку пари останале од Пакета и Сусо, ако треба ќе вбризгаат уште некоја инекција, ама ќе пробаат да извлечат максимум од секоја ситуација којашто би се појавила на меркатото. Имаше Скарони една интересна изјава вчера, рече дека во буџетот за оваа сезона не го проектирале ни 4то место, а камо ли евентуално Скудето. Затоа мислам дека ќе напраат се што можат за да го искористат моментот, секако ако тимот и играчите го задржат и продолжат, а засега делува стабилно и одлично.
Ова е сега и добра ситуација за продолжување на договорот на Донарума пред сите. Во една ваква позиција на Милан му се сечат рацете на Мино којшто пробуваше да вметне клаузула во договорот која би важела ако не се пласираме во ЛШ, сега Милан е во добра позиција за тоа, а Мино нема изговор за таква клаузула, еве Милан расте, настојува да е конкурентен, има некаква гаранција за тоа.
Битен јануари ќе биде следниов, којзнае од кога не сме биле во ситуација да купуваме во јануари, а тоа да не биде панично за спас на сезоната. Ако ситуацијава и позицијата на Милан остане ваква ќе мораат мирно и паметно да вклопат уште 2-3ца квалитетни играчи во овој тим, макар било и само на обична позајмица, да помогнат и придонесат колку можат до крај на сезона, па после тоа се ќе зависи од многу работи.
Се уште е многу рано и не смееме да летаме со мозокот, ама ваква енергија околу Милан немало богтепита од кога и тоа мора да се искористи. Засега нека го издржат ова до јануари, после тоа стапуваат Малдини и Елиот на сцена да покажат колку научиле и колку се сериозни, па здравје понатаму. Нека си повторуваат дека всушност се бориме за ЛШ, нема потреба од други притисоци, па сеа здравје.
Се плашев од утакмицата со Фиорентина посебно поради тоа што беше фино коло и некои од фаворитите кикснаа, ама она беше далеку полесно и подоминантно отколку што очекував. Онака треба да се влага во секоја утакмица. Мислам дека сличен притисок ќе има и пред следната утакмица со Сампдорија затоа што Милан игра последен, во недела навечер. Без разлика дали конкурентите ќе киксаат или ќе се доближат, притисокот ќе биде на Милан како последна утакмица и мора да се има истиот пристап како против Фиорентина.
Ајде сега и Селтик прво да го тепаме, за да не му ја мислиме таму на последната утакмица во Прага, па една по една утакмициве, полека идемо даље. Форца!
