Сега ќе бидам еден од оние типови што многу ме нервираат...
Уште од почеток на сезона пишувам за тие слабости на Тео, но не смееше ништо лошо да се напише за него. Некои работи мора да ги поправи... иако од некои навики тешко ќе се отараси, како што ќе биде тешко да научи кога да додаде.
Инаку кога ќе се разочарам, секогаш ми текнува дека на почеток на сезона мислев дека ќе биде и полошо и поголемо мачење. А плус, да ми кажел некој дека вака ќе се мачат со повреди, не би се надевал на ништо.
Ќе пишам нареден период малку повеќе за тимот, за тоа што направија до сега и за тоа што треба да се случи во нареден период.
Во наредните две години мора да има доста промени и да погодат скаутите. Напаѓач, две крила, двајца нови централни дефанзивци (ако не остане Томори). Ова е минимум...
А треба да бараат и голман, затоа што големи се шансите да останат без Донарума. Само никако без оштета.
Мора да проценат добро дали и кога ќе ги продадат Донарума, Леао, Бенасер, Кеси, Чалханоглу. Од овие може да се заработи повеќе, па затоа ги спомнувам. Одредена улога ќе има и платата.
За три години, дали двајца ќе останат од овие во Милан. Затоа сега треба секој преоден рок да се земе еден (или двајца) млади и талентирани кои можат да бидат првотимци. Треба да сме си свесни дека Милан треба да прави тим подолг период, а не да прикрпува.
Од летово, малку ја сменија стратегијата. Се понадеваа дека можат да освојат титула, затоа Ибра остана (не дека Милан имаше и друга опција), затоа и Манџукиќ сега зимово го донесоа.