Веќе два месеци сме во константен пад на формата. Мотивација немаат изгубено, ама голем дел од играчите ја имаат изгубено формата која ја имаа во првата половина од сезоната. Последен добар натпревар беше против Свонси на 17ти јануари и тоа и тогаш колку што беа Челзи добри, толку и они беа лоши па успеаа да ги демолираат. Од тогаш, двете против Ливерпул во кои и не бевме нешто многу подобри, мизеријата против Барнли, три ептен тешки минимални победи против Евертон, Вила и Вест Хем, и финалето против Тотенхем кое беше тактички добиено, пак без некоја ептен добра игра.
Тоа вчера беше дното. Мизерии. Ептен сакам да ги мразам сите после такви изданија. Секако дека не можам, ама можам воопшто да не ги жалам поради тоа што им се случи. Изгубени на терен сите до еден. Наместо надигрување против 10 играчи, повеќе време се жалеа на повреди и се расправаа со противнивничките играчи. Епа после таква мизерија, воопшто нема да земам да ги жалам сега.
Реков веќе, ЛШ секако знаев дека нема шанси да се освои сезонава, само подобро ќе беше да испаднеме со добра игра, а не онака. И покрај феноменалниот старт на сезоната, се осеќа дека тимов уште не е способен за доминација во сите натпреварувања. Уште го нема тој голем шампионски менталитет со кој во секој натпревар ќе влегуваат победнички и ќе им внесат страв на противниците уште од почеток.
Ама ете, еден трофеј е освоен, а на добар пат сме да го освоиме и вториот кој е апсолутно најбитниот сезонава и јавно се кажува уште од почеток дека тоа е приоритетот. Нејќам ни да помислувам дека има некакви шанси да се прокоцка и лигата затоа што тоа ќе боли премногу. Мора Мурињо да им внесе дополнителна мотивација сега, а играчите мора да си ја вратат формата за да може до крај да се изигра како што треба. Уште 11 натпревари ни остануваат за играње сезонава. Мора на сите да се пристапува како финале.
Е после освојување на лигата, ќе може да се создаде тој менталитет кој е потребен. Секако, еве нема да заборавам и Мурињо да го спомнам. За мене, а и за повеќето он е над се и имам потполна доверба во него. Ама знае да биде ептен претпазлив, во секој натпревар да влага премногу тактички, пробувајќи некако да го надмудри противникот и да дојде до победа, најчесто со еден гол предност. Често и му функционира тоа, ама мора некогаш да го искористи целосниот потенцијал на тимот. Мора со играчи како Хазард, Фабрегас, Оскар, Вилиан, Коста да излезе и едноставно да ги пушти да се надигруваат со противникот. Го имаат квалитетот за такво нешто.
Тоа е тоа. Одиме на лигата, мора да се освои. Се надевам дека во сабота против Сотон ќе видиме тим желен за победа и дека ќе видиме повторно супериорност над противникот, а не мачење до последна минута. Секако дека ќе биде тешко, ама мора да се вратат со многу повеќе мотивација после тоа вчера.
