Гледав пред извесно време еден филм (се натерав сосила оти не гледам филмови) во кој што се најдоа 10 луѓе заклучени во една куќа од која нема излез. Им беше кажано дека од нив ќе преживее само 1, ќе добие торба со милион долари и ќе излезе надвор.
На крајот на филмот, сите ќе се испоубијат еден со друг и ќе остане една девојка која што ќе се насочи кон “светлината на излезот“ но всушност ќе прејде во следно “ниво“ и ќе види уште 10 како нејзе со торби. Следната мисија е тие да се испоубијат па тој што ќе преживее, добива 10 милиони долари и “излегува надвор“.
Малку изгледа драстично и нереално но ќе се сложите дека не е без ич. Сите во животот сме биле помалку или повеќе нечовечни. Не коментирам ништо повеќе освен тоа дека нечовечноста треба да се сведе на минимум кога веќе не може да се искорени од нашите животи целосно. Вечна хармонија и совршеност нема никаде.
P.S Се интересираше некој како се вика филмов, сега дознав, "House Of 9" e.
