Викендаши (сигурно со сопствен стан, зш нели скап е бензинот) со редици кон Скопје денес.На ‘семафорине‘ кај Ботун пола километар ред.Епа ако можат скап стан да си купат во скапиот Охрид со најскапи цени просек во цела СРМ (Сиромашна Република Македонија), можат и да не се жалат за цените.
A oвие странциве сите будали се, му го матат умот Охриѓани (додај во насловот: светот...АКО...на пример Ако ја сменат оваа општинска администрација и слично)
Рифаи: Охрид наскоро ќе биде една од најпознатите туристички дестинации во светот
Вести | Охрид | 28.07.2014 15:33Посети : 583
Во светот нема многу места каде што на ваков уникатен начин како во Охрид се испреплетени природната убавина, културно- историското богатство, убавината на планините и езерото. Затоа ова место заслужува да биде познато за остатокот од светот ,изјави генералниот секретар на Светската туристичка организација, Талеб Рифаи, кој во рамки на својата официјална посета на Македонија, денес оствари средба со претставници од охридската локална самоуправа.
Рифаи потенцира дека од страна на Светската туристичка организација ќе се преземат низа мерки со цел што поголема промоција на Охрид- градот, како што рече, кој наскоро ќе стане еден од најпознатите во светот.
-
Охрид е единствен по тоа што кога си овде, ти се испреплетуваат различни чувства- од една страна пресреќен си што можеш да го видиш ова уникатно место, а другото чувство е желбата цел свет да е со тебе и да го види. Треба да се поработи на неколку работи како што е инфраструктурата, но сигурен сум дека во многу скоро време Охрид ќе стане една од најпознатите туристички дестинации во светот, изјави Рифаи по средбата со заменик градоначалникот Ангел Јанев и раководителот на Секторот за туризам и локален економски развој, Ѓоко Апостолов.
Како што информира Јанев, средбата резултирала со низа заклучоци, меѓу кои и тоа да во наредниот период со подршка од Светската туристичка организација во Охрид да се одржи конгрес на кој би присуствувале голем број еминентни стручни лица од областа на туризмот.
-
Разговаравме за активностите кои општината ги презема во насока на промовирање на туризмот . Стана збор и за идејата за поврзување на Дубровник и Охрид, со што туристите кои престојуваат во Дубровник, да може на неколку дена да го посетат и Охрид. Рифаи се заложи за подршка при реализацијата на идејата, изјави заменик градоначалникот Јанев.
Посетата на секретарот на Светската туристичка организација Талеб Рифаи во Македонија се реализира на покана на министерот за надворешни работи Никола Попоски, со кој ќе се сретне утре. Предвидено е Рифаи да оствари средба и со премиерот Никола Груевски и да му предаде отворено писмо од кампањата на Светската туристичка организација „Глобални лидери во туризмот“, со кое се повикуваат шефовите на држави и влади да ги промовираат вредностите на туризмот при неговото унапредување и развој.
Т.К.
© 2014 Ohridnews.com. Сите права се задржани.
i bilo kade kade povike turisti minatite godini
