Комита Ултрас
Модератор
statusQuO напиша:По барање на Комита Ултрас, отворена е нова тема за фотошоп туториали од почетнички ранг. Темата ќе биде апдејтувана еднаш до двапати неделно со нови содржини притоа останувајки во read only мод (забрането постирање освен нови апдејти од страна на Комита Ултрас). Сите дискусии за сугестии и прашања во врска со туториалите ќе се одвиаат тука
Лекција бр 1: Запознавање со алатките во Фотошоп
Ајде малце подетално да се запознаеме со палетата на алатки, а подетално со првите 6 алатки од таа табела. Како што е вообичаено подесено во Photoshop кога се стартува програмата палетата со алатки (обележана со цвено) е поставена на левата страна од прозорецот, но вие може да си ја поставите таму каде што најмногу ви одговара. То може да го направите со кликање и држење на левото копче на глувчето на делот кој изгледа како да е покриен со многу мали точки или темниот дел десно од двојните стрелки веднаш над првата алатка која изгледа како црн курсор на глувчето.
Првата алатка (
На пример за алатката бр. 2 (Селекција) се појавуваат 4 поттипови и тоа Rectangular Marquee Tool, Eliptical Marquee Tool, Single Row Marquee и Single Column Marquee Tool. Со првата се прави правоаголна селекција, со втората елиптична, а со останатите две се селектира само една хоризонтална или една вертикална линија. Кога се прават селекциите на листот изгледаат како една анимирана испрекината линија. Ако не сте задоволни од тоа како изгледа селекцијата едноставно ја поништувате со правење друга селекција или притискате Ctrl+D на тастатурата. Она што е битно да се спомене е дека за секоја алатка која е моментално активна (кликната) горе над палетата, а под палетата со менија се појавува нова палета која е различна, зависно од активната алатка. Таму има повеќе дополнителни опции со кои ќе се запознаеме кога ќе прикажеме конкретни примери за цртање.
Со клик и држење на следната алатка се појавуваат и нејзините подтипови. И оваа алатка служи за селектирање, но малку посложено, кое не може да се направи со претходните поедноставни алатки како Rectangular или Eliptical Marguee Tool. Алатката Lasso Tool едноставно кажано прави селекција како да цртате со слободна рака на лист хартија. Со клик и држење на притиснато копче може да направите селекција по ваш избор, но оваа алатка е малку незгодна за користење бидејќи работите со глувче, а не со вистински молив, па тоа “цртање со слободна рака“ најчесто не излегува баш онака како што сакате. Следниот поттип е Polygonal Lasso Tool. Оваа алатка е доста лесна и елегантна за користење и едноставно не можете да погрешите. Со оваа алатка едноставно кликате на точки како да се темиња на многуаголник, а селекцијата автоматски се исцртува. Со клик на точката од каде што сте почнале се затвора многуаголникот и се претвора во анимирана испрекината линија која ја означува вашата селекција. Последниот поттип е Magnetic Lasso Tool. Оваа алатка е многу интересна за користење. Имено со оваа алатка само кликате на почетната точка и го движите глувчето по рабовите на на што сакате да селектирате и линијата едноставно се лепи за рабовите. Пак со клик на точката од каде почнавте се добива вашата селекција. И следната алатка е за селектирање, но функционира на сосема различен начин. Има два поттипа на алатки (Quick Selection и Magic Wand Tool). Овие алатки се многу добри кога сакате да селектирате површини кои по боја се различни од соседните. Имено ако имате еден правоаголник малку покомплексно обоен со црно и црвено како на сликата и да речеме сакате да го селектирате само црвениот дел. Со првата алатка ( Rectangular или Eliptical) нема шанси тоа да го направите, а со Lasso Tool би било многу тешко и најверојатно неточно. За ваков проблем тука на помош доаѓа алатката Magic Wand Tool.
Само кликате било каде на црвениот дел и оваа алатка автоматски го селектира САМО црвениот дел. За да функционира добро оваа алатка мора да има значајна разлика (како во случајов црно-црвено) меѓу посакуваниот дел и оној соседниот кој не ви треба.. Другата алатка Quick Selection Tool функционира слично како и Magic Wand само што на некој начин рачно ја правите селекцијата. Со кликање на одредени делови на црвената површина правите мали селекции во облик на кругови кои доколку се допираат се спојуваат во поголема селекција и е малку потешка за користење. Алатката Crop Tool и нејзините поттипови служат за отфрлање/отсекување на несакани делови од сликата. Најчесто се користи Crop Tool и тоа доста лесно бидејќи изгледа како да се црта правоаголник кој го означува делот кој по завршувањето на акцијата ќе остане додека другиот дел надвор ќе биде избришан.
По димензионирањето на тој правоаголник и со притискање ентер останува само тој дел што бил внатре, а остатокот се брише. Следната група алатки како Eye Dropper Tool и Color Sampler Tool се користат за брзо селектирање на боја со која ќе работите. Ако имате веќе употребено некоја боја во сликата, и подоцна имате потреба пак да ја користите, најлесно е со Eye Dropper Tool да кликнете на таа боја и следно таа боја ќе ви биде активна за цртање, боење се додека не ја смените. Во оваа група на алатки спаѓаат и Ruler Tool и Note Tool кои служат како што самото име кажува за мерење на димензии на објекти на цртежот или за оставање некои пораки како потсетник што треба следно да направите. Толку за овој напис, во следниот ќе се запознаеме и со останатите алатки кои се и покомплексни и со тоа имаат и повеќе опции кои ви нудат многу можности за цртање, обработка на фотографии и слично...
