Традиционалност или современост во новата архитектура?

[Serpico]

Во последниве месеци се водеше активна дебата околу (ре)изградбата на офицерскиот дом и стариот театар во строгиот центар на Скопје на брегот на реката Вардар.

Една струја го застапуваше мислењето дека теба да се (ре)изградат онакви какви што некогаш биле, а нивните опоненти тврдеа дека изгубените архитектонски дела и припаѓаат на историјата.

Колку што сум информиран, за офицерскиот дом градот веќе донесе одлука да биде изграден по пример на старата градба, која постоела на истото место. Деновиве беа и објавени имињата на добитниците на конкурсот за проектот.

Конкретно, за овие две градби и пошироко за сите останати... Каков архитектонски лик би сакале да гледате во просторот околу Вас? Дали строго треба да се користат примери од минатото во романтичарски и помалку еклектичен занес, или треба на новата генерација да и се овозможи да го каже својот став, да го крене својот глас и да создаде своја, нова архитектура?

 

[Crazy in Love]

E па вака јас не се разбирам многу во архитектура, али што знам мислам дека може да се направи како спој на традиционалното со современото...е сега може некој нема да ме сфати што сакам да кажам

 

[glufce]

Традиционалност дефинитивно... кога се работи за културно уметнички објекти... тоа му дава душа и обележје на градот. Современа архитектура да, но кога се работи за објекти за друга намена.

 

[Serpico]

Традиционалност дефинитивно... кога се работи за културно уметнички објекти... тоа му дава душа и обележје на градот. Современа архитектура да, но кога се работи за објекти за друга намена.

Kaко на пример?

И каде би ги сместиле општествените објекти како собрание, влада, судови, болници....?

 

[glufce]

Kaко на пример?

И каде би ги сместиле општествените објекти како собрание, влада, судови, болници....?

Објекти како што се болници, деловни згради, банки итн спаѓаат во оние објекти за друга намена... Е сега собрание и влада ако би требало одново да се изградат мислам дека би требало да бидат изградени според традиционална архитектура бидејќи тие се исто така обележје на државата (не претставуваат на некој начин)... но сепак мислам дека би можело и спој од современо и традиционално...

Да се навратам на традиционална архитектура. На пример камен мост ако не се лажам, го "реставрираа" или барем си мислеа дека го прават тоа... и нажалост мостот сега на ништо не личи...

 

[Razorblade Kiss]

Зависи од градбата и нејзината намена.За реставрирање на некоја стара куќа,мост како што рекоа погоре,треба да се задржи изгледот кој го поседувала,иако знаеме дека никогаш нема да биде иста како што некогаш била.
А за нови проекти,нормално-што посовремено,пофункционално и поквалитетен материјал,зошто сум приметила дека овие нови проекти некако ги следи лоша репутација поради неквалитетните материјали што ги користат при изградбата.Но се разбира,се зависи од фирмата и луѓето поставени на таа функција.
Совршена комбинација-спој на двете работи

 

[Serpico]

Нема реставрација во случајот на офицерскиот дом. Домот не постои, освен во сеќавањето и желбите на одредени "стари" скопјани и историчари.

Дали при повторената градба треба да се задржи повтори неговиот лик како првиот пат?

 

[glufce]

Не, ако не постои објектот нема потреба зошто да се задржи неговиот лик... бидејќи и кога за првпат бил правен тогаш било препуштено на тогашните архитекти да направат нешто современо, модерно (во тоа време), па зошто да ги лишуваат денешните. Е сега и зависи и од местоположбата на објектот ако се наоѓа помеѓу објекти со традиционална архитектура нормално дека не смее да отскокнува дури и да се гради наново надворешниот изглед барем треба да биде во склоп на другите.

 

[зунза]

Јас сум за традиционален екстериер,а современ или футуристички ентериер.
Макар што не ми сметаат големите згради цели од стакло. Мора да има и тоа и тоа,ама под услов! да не се руши традиционалното,за да се гради ново. Тоа не,никако.
Инаку без современото па се традиционално да биде,некако..ту мач калчрл херитејџ. Да има некој склад меѓу двете,да се има способноста да се постигне тој склад,а верувам дека имаме многу млади и иновативни архитекти..не се ваљда сите ограничени абдали.

 

[ABC]

Секој објект што не постои односно е урнат од некаква причина,не би требало да се врати со неговиот првобитен облик,тоа е тотална грешка и типично непознавање на современата архитектура.Можеби во новиот објект изграден на иста локација треба да се вметнат одредени елементи кој биле пепознатливи на стариот,но никако не треба да се прави копија на нешто за кое немало перспектива да биде зачувано.