Вчера во седиштето на Третата фудбалска лига - југ во Прилеп беа извлечени составите на двете групи од по три екипи кои ќе играат во баражот за влез во третата лига јужна група.
Едната група ја сочинуваат: „Победа“ Валандово, „Дојранско Езеро“ од Нов дојран и екипата на „Марена“.
Во другата група ќе играат: „Црвена Ѕвезда“ од Јосифово, „Победа-Зорбас“ од Мрзенци и екипата на „Партизан“ од Обршани.
Само најдобрите екипи (по една од двете групи) ќе се изборат за пласман во третата лига!
Натпреварите од првата група ќе се играат во Неготино, а дуелите од втората во Росоман!
Првиот натпревар од „неготинската“ група во недела, на 01.06 од 17.30 минути ќе го играат „Дојранско Езеро“ и „Марена“. Потоа на 08.06. „Победа“ од Валандово ќе се сретне со поразениот од овој дуел...
Третото завршно бараж-коло е закажано за недела, 15.06!
