Во Струмица, а и во цела Македонија ако некоја манифестација не заврши со тепачка исто како да немало манифестација. Истото се случувало и синоќа. Двете први вечери поминаа без инциденти и имаше ненормално јака журка, ама затоа пак синоќа се реваншираа и имало дури 11 тепачки. Од мои блиски извори дознав дека е претепан и е во тешка состојба млад Инспектор од Радовиш кој работи во СВР Струмица а бил претепан од 10тина Струмички "мачо-мени" кои знаат да се тепаат само цела група против еден или двајца, немаат газ да си ги измерат силите еден на еден. Најверојатно дечкото е пуштен на лекување во Скопје поради сериозноста на повредите. Наслушав дека имало повредени и Скопјани а и луѓе од другите градови.
Сабајле кога одев на работа во 6:30 часот пред градската болница во Струмица полицијата извади од комбе едно 7-8 млади со лисици на рацете ама сите облеани во крв, дури и полицајците беа целите црвени по кошулите.
Едно нешто само ќе прашам, дали тие луѓе што се тепаат на овој начин имаат мозок во главата што прават во тој момент и какви последици ќе има после тие тепачки? Дали навистина мислат дека се многу јаки мажи во тој момент кога десет души тепаат на еден? Станавме како некое варварско племе жедно само за тепање и крв, самите меѓу себе ќе се истепаме а не пак да чекаме некој од страна да не жали. Жално и страшно!