Iron Maiden - Zagreb Arena - 31.07.2013

[ancient Mariner]

Вистина е дека озвучувањето беше прегласно за салата, додуша можно е и салата да не акустично изведена. Да не заборавиме дека ниеден концерт не поминува без некој проблем. Мене искрено ми сметаше тоа првите три секунди, потоа се вклопив во амбиентот и до крај на концертот уживав. Од видеата на youtube тешко дека може да се долови (со скромни зборови) атмосферата на концертот. 20.000 луѓе во транс ги пеат до збор текстовите, а дополнително атмосферата се подгреваше со сценографијата која изобилуваше со светлечки ефекти како и богат огномет. Конечно, бендот го доживеав (ова уште од првата секунда па се до крајот) како професионалци на кои не им е ни потребно да си сигнализираат ниту пак да се пратат еден со друг, едноставно знаат дека се на свое, а своето го даваат максимум. Се согласувам со Hurin дека вредеше секој потрошен денар како и поминатата километража за да се доживее таков спектакл.

Пивото го купив во центар на Загреб во Rockmark, продавничката одвај ја најдовме. Цената му е 35 куни (4,6 Eu)

Еве и една фотка од мојата позиција

 

[dzonyb]

Еве и една фотка од мојата позиција

Ако не се лажам според фотографијата си бил на трибините така да сигурно таму „можело„ да се дише. Доле на партерот едноставно беше претесно мене ми се случуваше да ги дигнам рацете и да неможам да ги вратам назад. На моменти бев буткан од позади од напред од лево и десно луѓе постојано ми дишеа во врат , чат пат судири со глави и слично. Несакам да знам што ќе се случеше ако на некому му станеше лошо. Дефинитивно за вакви концерти е потребна подобра и посигурна организација а не буткање на народ без усул и тоа во сала, патем доле на партерот можеше секој да се симне без разлика каква карта има немаше никаква контрола.

 

[ancient Mariner]

Сум бил на други концерти во партер и верувај знам каква џунгла е доле, поготово за овој концерт мислев дека уште пожестоко ќе биде. И не само затоа туку и поради тоа што го носев детето земав карта за на трибина. На трибините да, имаше одредена контрола и во делот каде што бев беше полно па сепак без инциденти. Инаку контролата беше само на влезовите од трибините, а горе приметив еден куп луѓе како се преместуваа но редот во ниеден момент не беше пореметен. Друг пат за памет, само на трибина земај карта.

п.с. Некои од нашиве се симнаа и во фанпит. Наш народ и обезбедувањето го заобиколува без проблем