Прво, во интерес на темава (да не ја шириме) ќе избегнам да спомнувам историски филмови со вистински историски (политички) личности, воени филмови, Дистописки филмови (V for Vendetta etc...) и секако документарци (за овие би ве замолил строго да се придржувате зошто има цел жанр Политички Документарци и ако почнеме со тоа темава ќе изгуби смисла. Значи тоа во соодветната тема за документарци).
Можеби треба да се преименува во Политички драми за да го задржиме фокусот.
Убаво што се сети
Crazy in Love да ни отвори ваква тема тука има доста материјал за пишување.
Редоследов инаку не значи ништо, како ми текнуваат така ќе ги пишам:
Das Leben der Anderen (2006)
Германски филм добитник на Оскар. Еден млад брачен пар и еден припадник на тајната полиција задолжен да ги прислушува. Нема да пишам повеќе за филмов освен дека е must-see и една од најдобрите драми излезени од Европа.
Good Bye Lenin! (2003)
Уште еден германски филм додека ме држи сеќавањето. Источна Германија на преминот од еден систем во друг. Филмот го почитувам затоа што не зазема страни и ги критикува негативните работи во двата системи, но пред се е филм за љубовта на синот кон мајката. Препорака за гледање.
Year of the Gun (1991)
Нешто подзаборавено и потценето. Италија во 1970-те, Црвените бригади, Шерон Стоун...
Големата Вода (2004)
Сите наши филмови се политички... но овде се одлучив за овој наш филм кој сметам дека е потценет и станува збор за многу квалитетна драма и сурова приказна за децата на „домашните непријатели“.
Network (1976)
Голем филм. Филмиште. Пророштво за тоа како ќе изгледа телевизијата во рацете на корпорациите и политичарите. Пропагандата денес во филм од 1976. Задолжително!
Malcolm X (1992)
Освен што е предолг и многу од првиот дел на филмот е непотребно, одличен филм за Малколм Икс со Дензел во главната улога.
Diarios de motocicleta (2004)
Филм за младиот доктор Ернесто Гевара, неговата авантура низ Јужна Америка и работите кои ги обликувале неговите сваќања и она што тој ќе стане во иднина. Постои филм за возразниот Че меѓутоа многу лош според мене, а за жал Холивуд уште долго време нема да сними добри филмови за оние ликови од „левата страна“ кои тоа го заслужуваат.
Three Days of the Condor (1975)
Со Роберт Редфорд, политичко/шпионски филм, веројатно предходник на многу филмови од овој жанр.
Hitler: The Rise of Evil (2003)
Не е воен, ова е филм за Хилтер и неговиот подем до освојувањето на власта во Германија што подоцна ќе доведе до WWII. Одлична улога на Роберт Карлајл.
Mississippi Burning (1988)
Добриот стар ЏИн Хекман, Југот и неговите „симпатии“ кон црното население во средината на минатиот век.
The Sicilian (1987)
Before Godfather, there was The Sicilian... еден од моите омилени филмови и дебело потценет, филм за вистинскиот бунтовник Салваторе Џулијано, човек во војна со власта и мафијата. Кристофер Ламберт во главната улога. Да се гледа, за домашно.
Ќе продолжам подоцна или во друга прилика
Уште да кажам дека од поновите филмови
Ides of March заслужува внимание.
