П
Паган-др
Гостин
Владо Јаневски подготвува голем есенски концерт во Скопје. Чаирскиот романтичар, како што се зборува во естрадните кругови, сака сите свои фанови да ги собере на едно место, а тоа најверојатно ќе биде спортската сала Борис Трајковски". Датумот се уште не е прецизиран, но пејачот заедно со организаторите, планира тоа да биде крајот на септември или почетокот на октомври.
Авалон продукција се споменуваат како организатори на спектакуларниот концерт на човекот кој ги има најубавите македонски балади. Тој беше специјален гостин на концертот на Каролина Гочева, која е ексклузивка на Авалонци, во мај во Скопје и заедно ја отпеаја дуетската Љубовта е моја религија", а своевремено и беше дел од ова јато. Според муабетите во естрадните кулоари, луѓето од Авалон добиле идеја и на Владо да му направат концерт во Борис Трајковски" кога виделе како публиката реагира на него и со овации го поздравува секогаш дистанцираниот музичар. Маската ја симнува само во песните, а хистеријата по него иако се држи на огромна дистанца со години веќе не стивнува.
Владо е можеби најтаинствениот естраден лик, но по многу нешта е уникатен и има публика која со душа чека да го чуе неговиот богат музички дневник, и тоа од последната "Булки", преку "Не зори, зоро", "Кој е крив", "Што и да е ќе помине", "Две души и месечина", но и "Нусе", "Мучо денаро"...
Владо пред неколку години успеа четирипати едно подруго да ја наполни Универзална, што значи дека "Борис Трајковски" е идеално место за да не ја цепка публиката и во една ноќ да ги задоволи сите.
извор
