Дали е добра работата на НБРМ

[nbrm]

Ако ги прочиташ линковите и мислењата претходно постирани кои не се прифатија него се отфрлија како мислења од неадекватни личности (меѓу редови оти се од одредени кругови)...една информација нарачана, друга банкарот бил со лошо минато, трета асистентката била од некој сомнителен факултет...само затоа што не се од опозиција. А истовремено лошото минато на гувернерот и дел од замениците се занемарува. Тоа за тебе не е чамче муабет...само малку.
Инаку се постира и за Авганистан иако не сме биле таму нит сме војувале со талибанците (паралела на потребата од "стручност" на одредени теми и наведување извори). Кој сфати сфати, кој не...

Барав образложение за тврдењата на спомнатите личности, а не рекла казала чаршиски муабет: „Ако се намали зад. резерва, ќе паднат каматите.“ (исто како да кажеш дека ако се зголеми нивото на кислород во воздухот на 80% полесно ќе дишеме? само што не е така?)

Лесно е да излезеш и да плукаш дека нешто не чини, без образложение. Јас ти кажав со факти што чини. Еве пак: цените се стабилни, курсот е стабилен...


Не ме мешај во позиција-опозиција муабети. НБРМ е секогаш во конфликт со тие што се на власт, па можеби затоа ти личи на опозиција. И СДС не мразат и овие од ВМРО не мразат, затоа што не им одговара стабилна, јасна слика за нивното работење кога се на власт. И ограничено трошење.


Авганистан го спомнав како пример за работа на Министерството за одбрана (кое ти го спомна прв!). Можеби не знаеш, ама ние имаме војници кои работат во Кабул (и кои примаат плата преку нбрм, а нбрм работи за да им го овозможи тоа). Сакав само да кажам, дека НБРМ освен што држи стабилни цени и создава вредност, за разлика од војниците на АРМ кои само држат стабилна состојба во Кабул, ама не уплатуваат во буџетот ништо. И напишав свака им част (што така добро не претставуваат пред светот во Авганистан). Тоа ми значеше дека јас не ни очекувам да градат патишта и да заработуваат од тоа, иако нбрм го прави тоа. А ова беше апропо твоето „чамче муабет“ (што и да значи тоа) дека во нрбм се работело теоретски, па да сум видел како е во пракса од некоја мала банка или штедилница...

 

[Lurtz]

Ок, ете постирав погоре за ревизијата. Ние обичните смртници немаме увид во работа на банка па ни на Народна Банка, што е нормално...затоа ти ги линкувам информациите.
Еве уште една
НБРМ со памфлет соопштение

Thursday, February 26th, 2009 НБРМ се огласи со соопштение. Малку ќе го коментирам соопштението со сина боја (видов на едно место па да пробам и јас).
НБРМ: Девизните резерви 1,44 милијарди евра, инфвлацијата 1,7 отсто
Скопје, 26 февруари (МИА) - Најновите макроекономски движења од првите два месеца од годинава што денеска ги усвои Советот на Народната банка на Република Македонија покажуваат дека инфлацијата бележи натамошно забавување и изнесува 1,7 отсто, а бруто девизните резерви се 1,442 милијарди евра и се пониски за 53,2 милиони евра во однос на крајот на минатата година.
Во соопштението од Народната банка на Република Македонија се наведува дека во јануари, НБРМ интервенирала на девизниот пазар со нето-продажба на девизи, во првата половина од февруари интервенциите биле помали, и дека во втората половина на февруари нема интервенции. Нема ништо околу тоа со колку евра се бранел курсот или како милуваат макроекономската стабилност. Девизните резерви се намалени за 53,2 милиони евра, но тиа може да се излеат на повеќе начини. Или треба да нагашаме оти НБРМ во Јануари фрлила на пазарот 45 милиони, за во Февруари да фрли само 8 милиони. Многу поважно за анализа или како информација е каде точно интервенирале. Со оглед на применуваната монетрана стратегија, НБРМ најавува дека ќе продолжи да интервенира на девизниот пазар доколку тоа биде потребно.Доколку???? Овие се луди ако мислат оти памфлетот “не берете гајле“ ќе пали. Знаеме оти ќе биде потребно. Од тоа како досега се однесуваа НБРМ и владата сигурно ќе биде потребно. Дали тие знаат?

продолжение на линкот. Видувања од разни извори.

 

[nbrm]

А ќе го задржите ли интегритетот откако на Гошев ќе му помине мандатот? Колку што знам за една година му истекува мандатот и можеби баш овој Томе Неновски, или некој сличен ќе го стават преродбениците, имајќи во предвид колкав апетит имаат за пари, па да предизвикаат девалвација.

Колку законот не штити од евентуално неодговорно работење на НБРМ? Односно од влијанието на дневната политика врз работата на НБРМ.

Добор прашање. Ќе видиме? Тоа зависи од новиот Гувернер, кој зависи од парламентот што ќе го бира, а парламентот вие сте го избрале.

Законот има повеќе заштити да не може да дојде лош Гувернер, но може и да се смени законот во парламент (како што пред малку се смени законот за присклушкување и сега сите сме потенцијални мети). Според овој закон Томе не може да биде гувернер, бидејќи е осуден за кривично дело. Заштити има и на многу други места (легални и тајни), не би смеел сите и да ги наведам. Еве само да го споменеме ММФ, од кој сега сме „независни“, ама нашиот народ рекол - друг бунар копај, на стариот не плукај. Па ако има нормални луѓе во парламентот, не би требало да има проблем.

Инаку Закон не може да ве заштити од неодговорно работење на друг начин, освен со казна за одговорното лице - гувернерот. Ако се случи лошо работење, тогаш може да кажеме дека сме имале лоша среќа (како на пример србите) и да си губиме вредност секој ден/месец на денарите кои ги имаме или кои треба да ги добиеме.

--- надополнето ---

Инаку оф топик, и од кичма и од зглобови мора да бараш да трчаат заедно со мускулите...пробај на слаби зглобови и кичма истрчај ќе видиш како ќе ти се распадне телото.

Не сум видел некој да му се распаднало телото од лоша кичма, можеби поради некоја бактерија - ок.

Ако под распаѓање мислиш дека ќе бидеш уште поспор (ама не распаднат) - во ред, така е. Само што овде се бара НБРМ да пушти повеќе пари (значи кичмата да се клати повеќе, по можност да го опушта тонусот на мускулите и човекот да паѓа од време на време).

Кичмата не трча со мускулите. Мускулите трчаат и тие ја носат кичмата, а таа само им го затегнува тонусот за да стојат исрпавени. Големиот мозок се треба да координира и да не се вади дека не може да постигне резултат затоа што кичмата стои исправено.

Еве можеби и овој текст е интересен за коментирање

За грабежот во Народната Банка
продолжува на линкот

Што те интересира конкретно?

Еве некои од грешките на авторот:

1. Авторот пишува: „.. некој се однесувал како во самопослуга и цели 15 години ги заобиколувал сите возможни контроли.“

НБРМ ги зема трезорите под своја контрола во декември 2001 година.
Текстот е пишуван во 2007, а грабежот е откриен пред тоа.

Значи во најлош случај:
2007-2001=6 години
15-6=9 години.
Тоа значи дека најмалку девет години пред добивање на трезорот во наследство на НБРМ настанал грабежот. Претходно трезорите беа отцепени од НБРМ во 1961 во државен кој се викаше „Служба за општествено книговодство“ (СОК), кој подоцна се раздели на повеќе органи (под политичка контрола од новите влади), меѓу кои УЈП, „Заводот за платен промет“ (ЗПП) итн. Трезорите беа во надлежност на НБРМ. НБРМ од 1993 година се бори да се расформира ЗПП, но од политички причини законот за расформирање се одложува се до декември 2001 година. Конечно во 2002 НБРМ го зема платниот промет кај себе (и тоа не е целосно како што бара нбрм) и почна да открива повеќе дубиози меѓу кои и оваа.

Заклучок - НБРМ не била одговорна за тие пари кога настанала кражбата. НБРМ ја откри, како и повеќе други.


2. Авторот пишува: „...Како е можно еден вака “прост“ грабеж да не биде откриен од страна на екстерните ревизори толку долг период. “
Кражбата (јас не би го нарекол грабеж, затоа што асоцира на нешто да грабнеш и бегаш, а ова е потајно направено) е откриена од вработени на НБРМ, не од екстерните ревизори и соодветно заменета е ревизорската куќа и директорот на дирекцијата. што да се прави друго?

3. На неколку места авторот спомнува некаква самопослуга: „Доколку навистина, “самопослугатата“ непречено работела 15 година“. Најверојатно мисли на оние самопослугите на Центро и Славија кои работеа до раните 1990ти години, а после тоа се затворија ( и запоустеа), затоа што после тоа НЕМАЛО кражба. (барем не е откриена) И тоа било еднократна кражба во ЗПП и толку. Нема тука самопослуга. Тоа е врѓање за да се привлече внимание на неукиот народ.

4. „Но 15 години да се врши ревизија и да не се открие најобечен кусок на пари ,... “ Не се врши 15 години. НБРМ почнаме порано да бара независна екстерна ревизија, ама државната институција ЗПП не правеше ревизија од независен орган. Тука не би се сложил дека е најобичен кусок на пари, затоа што трезорите на НБРМ не се трафика (каде што авторот може броел?) туку имаат маааалку повеќе хартија (не емитирани пари). Авторот претходно сугерираше дека ревизорот треба да биде тука кога се бројат парите. Сега, со намалени трезори (пр. проблематичниот во Куманово е укинат) парите се бројат од десетици луѓе. колку што нашиве експерти од ревизори немаат заедно со сите партнери во околината

Инаку целта на авторот е неколку пати потенцирана - зошто се бара да се врши ревизија од реномирана ревизорска куќа, кога подобро би било од некоја македонска (по можност неговата)...


--- надополнето ---

Ок, ете постирав погоре за ревизијата. Ние обичните смртници немаме увид во работа на банка па ни на Народна Банка, што е нормално...затоа ти ги линкувам информациите.
Еве уште една
НБРМ со памфлет соопштение

продолжение на линкот. Видувања од разни извори.

еве твојот џаман што напишал во февруари 2009та, пред година и пол (ова е битно за точка 3 подолу):

1.
Нема ништо околу тоа со колку евра се бранел курсот или како милуваат макроекономската стабилност.
Како што ти кажав повеќе пати, нбрм и тоа како врши трансакции (значи практично работи) и ако земеме да елаборираме кои се трансакции се направени ќе отупат сите што читаат. целта на соопштенијата е да се кратки, а кој што има потреба (што значи и право) може да дојде и да се информира детално.

2.
Многу поважно за анализа или како информација е каде точно интервенирале.
Да знаеше џаман нешто, немаше ова да го напише. НБРМ интервенира на девизниот пазар во РМ (кој е единствен во РМ и кој е една од работите кои добро функционираат и кој ги има направено нбрм - го немав напишано погоре, тој е во „итн“).

3.
„Со оглед на применуваната монетрана стратегија, НБРМ најавува дека ќе продолжи да интервенира на девизниот пазар доколку тоа биде потребно.“Доколку???? Овие се луди ако мислат оти памфлетот “не берете гајле“ ќе пали. Знаеме оти ќе биде потребно. Од тоа како досега се однесуваа НБРМ и владата сигурно ќе биде потребно. Дали тие знаат?
Како што излезе потоа, „памфлетот“ не берете гајле, не бил памфлет, туку стварано не сте требале да берете гајле. Дококлу и сега важи, само што неколку месеци по ова соопштение,НБРМ почна да интервенира на обратната страна (со откуп на евра).

А Џаман уште се прави паметен дека „сигурно ќе биде потребно“, претпоставувам предвидува депресијација? Ама депресијацијата не му се оствари!


И те молам не ме заморувај со некои си таму џаман анонимци и асистентки прошетани до Лондон.
Дај кажи ми кај работиш, па да напишам и јас некој глуп блог за твоето работење, па ти да ми одговараш малку.... се уморив.

 

[Lurtz]

Кичмата не трча со мускулите. Мускулите трчаат и тие ја носат кичмата, а таа само им го затегнува тонусот за да стојат исрпавени.

Не ама... затоа земаа два-тројца дилбери после 2 одења у теретана стероиди и си ги пукнаа зглобовите (ова е чисто за физичка активност, нема поврзаност со темава).

Туку, ок...не треба да се нервираме...мислев дека одредени видувања ќе се интересни за оваа институција ама нема проблем...не те замарам више.
Секое добро нбрм и имај добар одмор, прости што те навредив :smir:

 

[nbrm]

Туку, ок...не треба да се нервираме...мислев дека одредени видувања ќе се интересни за оваа институција ама нема проблем...не те замарам више.
Секое добро нбрм и имај добар одмор, прости што те навредив :smir:

Нема проблем. Не си ме навредил. Само си праиме муабет. Таков е стилот на зборување на балканов, па многу често кога ќе дојдат странци (особено скандинавци) и кога на состанок ќе им речеме да почекаат затоа што имаме нешто да дискутираме на македонски пред да им одговориме, ним им се чини дека сме се испокарале, а ние си праиме обична дискусија.

А за работата на НБРМ не ни може да ме навредиш. Не сум јас Гошев, па да одговарам за НБРМ. Дури има и работи со кои јас не се сложувам со НБРМ, ама тоа е друга тема.

Извини и јас ако сум те навредил нешто !

 

[^X^]

@nbrm
Ќе го искористам твоето присуство на форумов за некои информации околу курсот на денарот. Дали може да ни се случи девалвација и кој е тој што носи таква одлука? Гувернерот во соработка со владата, или само гувернерот...?

Дали можеме да очекуваме промена на курсот на денарот? Денес очигледно е дека нема да има, но би сакал едно подолгорочно предвидување. Минатата година бевме под опасност од присилна девалвација... Сега немаме такви закани и нивото на девизните резерви расте, но може ли да се очекува промена на курсот како дел од некоја идна владина политика?

Србија на пример уште далеку пред кризата премина на флексибилен курс и изгледа многу погрешиле, имајќи во предвид тоа што им се случува... Но таму е барем јасно, додека ние си штедиме во денари и може еден ден да се разбудиме со променет курс.

Можно ли е врз основа на некои макроекономски показатели (пред се нивото на девизни резерви, трговски дефицит, јавна потрошувачка и сл.), обичен граѓанин да препознае кога може да се случи девалвација и навреме да реагира да ги префрли штедните влогови во девизи?

Исто така ме интересира дали е подобар фиксен или флексибилен курс? Очигледно фиксниот курс е добар за во кризни времиња (не спаси од поголема криза), но за поголеми стапки на раст на економијата не е ли подобар флексибилен курс и дали некои мерки би предходеле пред евентуална идна промена на курсот на макроекономската политика?

 

[concrete]

А ќе го задржите ли интегритетот откако на Гошев ќе му помине мандатот? Колку што знам за една година му истекува мандатот и можеби баш овој Томе Неновски, или некој сличен ќе го стават преродбениците, имајќи во предвид колкав апетит имаат за пари, па да предизвикаат девалвација.

не сум оџата од Битола , ниту паk кракенот Пол , па за сигурно да тврдам , ама гледајќи кои вуцибатини се местат ...МИСЛАМ НЕ!!!! т.е. дури тогаш ни се е..а матер!!!

 

[nbrm]

@nbrm
Ќе го искористам твоето присуство на форумов за некои информации околу курсот на денарот. Дали може да ни се случи девалвација и кој е тој што носи таква одлука? Гувернерот во соработка со владата, или само гувернерот...?

Може да има и депресијација (но и апресијација) на денарот. Но само теоретски со оваа НБРМ. Може да изгубиме контрола, исто како што може и возач на градски да се бапне во ивичњакот пред банкава (како што направи пред некој месец, ама тоа е многу неверојатен настан). Но имаме многу механизми да не го направиме тоа, ама ако запне шоферот - може. Мислам дека нема.

Гувернерот ја носи таа одлука. Теоретски не смее да има соработка со владата, бидејќи по закон нбрм не прима и не бара насоки од владата. мора да е независна нбрм. практично, може ќе се договорат нешто, иако одлуката (и одговорноста) останува на гувернерот.

Дали можеме да очекуваме промена на курсот на денарот? Денес очигледно е дека нема да има, но би сакал едно подолгорочно предвидување. Минатата година бевме под опасност од присилна девалвација... Сега немаме такви закани и нивото на девизните резерви расте, но може ли да се очекува промена на курсот како дел од некоја идна владина политика?

Ако некој мисли практично, не би требало да има промена на курсот на денарот. Ние сме мала земја, зависна од извоз/увоз и не ни одговара уште една непредвидлива работа.
Да не зборуваме за тоа дека ќе треба да печатиме нови пари кои се трошок
Има и други причини зошто, ама да не трошиме меморија на дисковиве на форумов

Минатата година не бевме во опасност од девалвација. Имаше уште многу до границата. (како и што пишуваше во соопштението на НБРМ од пред 1,5 година кое некој го нарекол тогаш „памфлет“, ама ете - се исполни.

Поради она погоре, не би требало ниту една идна влада (како што ниту една мината) да запне да го менува курсот, но што знам - може некој ќе проба да биде „памтен“ монетаред, како што видовме паметни урбанисти во центарот на градот.

Србија на пример уште далеку пред кризата премина на флексибилен курс и изгледа многу погрешиле, имајќи во предвид тоа што им се случува... Но таму е барем јасно, додека ние си штедиме во денари и може еден ден да се разбудиме со променет курс.

И ние и Србија имаме флексибилен курс, кој го контролира централната банка. За разлика од Бугарија и БиХ, каде што курсот на локалната валута е фиксиран во однос на еврото.
За разлика од Србија, нашата централна банка го контролира на фиксно ниво преку пазарни операции, а кај нив на паѓачко (или им бега од контрола?).

Можно ли е врз основа на некои макроекономски показатели (пред се нивото на девизни резерви, трговски дефицит, јавна потрошувачка и сл.), обичен граѓанин да препознае кога може да се случи девалвација и навреме да реагира да ги префрли штедните влогови во девизи?

Да беше така лесно да се предвидуваат односите помеѓу валутите, немаше Џорџ Сорос да се збогати. И воопшто пазарите (валути, пари, хартии од вредност, ...) се непредвидливи, бидејќи зависат од многу фактори. Значи - не не може, иако со логично размислување може повеќе да се погоди крајниот исход. Исто така, со оглед дека зависи од политичка волја (не е само пазар), може да се промени, а да нема реална потреба, а тоа пак уште потешко се предвидува (психоанализа на Гуверерот?).

Исто така ме интересира дали е подобар фиксен или флексибилен курс? Очигледно фиксниот курс е добар за во кризни времиња (не спаси од поголема криза), но за поголеми стапки на раст на економијата не е ли подобар флексибилен курс и дали некои мерки би предходеле пред евентуална идна промена на курсот на макроекономската политика?

Напишав погоре, под вториот цитат, дека е подобар контролиран курс (значи флексибилен, ама НБРМ (ако може) со пазарни операции да го одржува околу некој фиксен износ, а не со сила). Тоа дека неконтролираниот флексибилен курс ќе предизвикал раст на економијата е само теорија која можеби важи за Америка, Кина и евентуално други големи земји. Ние не сме светски играч, па со контрола на курсот да контролираме нешто.

--- надополнето ---

не сум оџата од Битола , ниту паk кракенот Пол , па за сигурно да тврдам , ама гледајќи кои вуцибатини се местат ...МИСЛАМ НЕ!!!! т.е. дури тогаш ни се е..а матер!!!

Јас мислам ДА: НБРМ ќе го задржи интегритетот, ама ќе оставиме на времето да каже.

Има многу механизми пред некој да почне да прави самостојни егзибиции. Има стручни служби кои сервираат податоци на редовна основа и ако некој ги занемарува тие, туку прави свои одлуки, базирани на своеволи, може и ќе одговара за злоупотреба на службена должност, што е кривично дело.

 

[leandra]

Гувернерот ја носи таа одлука. Теоретски не смее да има соработка со владата, бидејќи по закон нбрм не прима и не бара насоки од владата. мора да е независна нбрм. практично, може ќе се договорат нешто, иако одлуката (и одговорноста) останува на гувернерот.

Провери го ова уште еднаш.

 

[nbrm]

Напишано од nbrm
Гувернерот ја носи таа одлука. Теоретски не смее да има соработка со владата, бидејќи по закон нбрм не прима и не бара насоки од владата. мора да е независна нбрм. практично, може ќе се договорат нешто, иако одлуката (и одговорноста) останува на гувернерот.


Провери го ова уште еднаш.

Зошто ваква мистичност?

Може нешто сум пропуштул. Пиши. Објасни ми.
Кажи ми директно во кој член од законот за проверам.


Еве го линкот за законот за НБРМ: http://www.nbrm.gov.mk/?ItemID=41166BFCDFE66D4D8871397B99FFCE2B

Еве го делот за политика на девизен курс:


2.1. Политика на девизен курс

Член 20
Народната банка ја утврдува политиката на девизниот курс на денарот.
Народната банка ја спроведува политиката на девизниот курс на денар
во согласност со остварувањето на основната цел.

Член 21
Народната банка ја спроведува политиката на девизниот курс на денаро
преку :
- купување и продавање, девизи, хартии од вредност во странска валута
благородни метали и
- банкарски операции со домашни и странски институции.

Член 22
Народната банка, во свое име и за своја сметка, може да се задолжува во
странство со краткорочни кредити до една година, до 3% од висината на нето
девизните резерви.
Народната банка во свое име, а за сметка на Република Македонија, може
да се задолжува само врз основа на закон.

Член 23
Заради одржување на ликвидноста во плаќањата спрема странство,
Народна банка може да пропише обврска на овластените банки да држат
определен износ на ликвидни девизни средства и други мерки за кои е овластена
со закон.

Член 24
Народната банка врши надзор на девизното работење на банките и
менувачките работи на менувачниците.
Народната банка врши посреден надзор и на другите резиденти, согласно
со Законот за девизно работење.
Доколку преку надзорот се утврдат незаконитости и неправилности во
работењето на субјектите од ставовите 1 и 2 на овој член, Народната банка
презема мерки согласно овој и друг закон.



А еве го делот за примањето совети од Владата:


Член 4


Народната банка е независна во остварување на функциите доверени со овој и други закони.
При остварувањето на функциите Народна банка и членовите на органите
надлежни за донесување на одлуки не бараат и не добиваат инструкции од
органите на државната власт и органите на државната управа.


Може нешто и да сум се пренесол на новиот предлог закон. Осум години спремаме нов закон за Народната банка и владите (и на СДСМ и на ВМРО - некој тука индиректно ме нарече политикант, па да му потенцирам) не бојкотираат и го држат овој стар закон кој може уште многу да се поправа во насока на поголема независност и прецизирање на улогите.

 

[cige]

Во кого веруваш ти си бираш.
Може да веруваш на поединци (т.н. од новинарите: „експерти“) или на институција со вистински експерти. многу повеќе и многу повеќе обучени.

Патем кажано, завчера слушнав на вести дек „универзитетот“ на ассистентката е на листата на Министерството за образование дека не работел согласно законите.
Па би било добро таа да се погрижи за нејзината институција, наместо да шета по Лондон и да измислува проблеми против нбрм.

Истото го проверив сега и на сајтот на надлежната институција - Министерство за образовани и наука:
http://www.mon.gov.mk/index.php?opt...06-21-12-25-16&catid=67:novostimon&Itemid=128





1. Сите имаат минато. За жал некои уште живеат од тоа и за тоа. Да пробаме да видиме што не чини кај НБРМ и да се поправи. Тоа што цените се стабилни, не е лошо. Да беше асистентката од нелегалниот факултет гувернерка, сигурно евра по улици ќе се менуваа, а кредити ќе се даваа по пријателски врски на некој кој сигурно нема да ги врати. На крај сето тоа народот ќе го платеше преку девалвација на валутата....

2. Гошев не учествуваше во приватизацијата. Напротив, кога му понудија да формира Влада која ќе ја украде Македонија, тој ја одби. После Бранко стана премиер....


Една нива во Гевгелија да не може да купи Гувернер е смешно. Реално - за колку пари зборуваме? 100.000 или 200.000 евра? Па макар и да беше вистина - јас би му ја опростил.

Ама многу интересно е што таа информација се појави баш кога им ја затвори банката и тоа беше пласирана од страна на виновниците (за да си добијат нешто ако го уплашат).

А најбитно е дека до сега не е осуден, што за мене значи дека е невин.



1. Оваа информација на Канал 5 е најверојатно нарачана од газдата (да биде против НБРМ) и согласно тоа е НЕТОЧНА. Обична дезинформација на Канал 5.
Еве што вика Канал 5: „Огромни 125 милиони евра вложија банките во НБРМ, денеска преку новата аукција на благајнички записи...:“
а еве што вика НБРМ: http://www.nbrm.gov.mk/?ItemID=D9684C4D7F325341B01FF948EB5898A1

Не знам кому ќе му веруваш, ама јас и верувам на НБРМ. Банките на тој конкретен ден „вложиле“ 7,67 милијарди, ама НБРМ „вратила“ 7,6 милијарди, така да вложени се смешни 70 милиони денари повеќе (да бевме физичари тоа ќе беше статистичка грешка и занемарено).

2. Ова што си го напишал е застарена информација: Еве ти ја најновата.
http://www.nbrm.gov.mk/?ItemID=F762E74DD408764D9B0F2A9728AFCCD6
Ако внимателно читаш ќе видиш дека не се земени 4,4, туку се вратени 2,3 милијарди денари.


Сите овие парцијални информации насочени да го нарушат угледот на НБРМ во јавноста во конкретниов случај се поради тоа што Канал 5 е во сопстветност на една фамилија, која исто така има и штедилница, која сака да биде банка без да ги исполни сите услови (ова не ми е инсајдерска информација. ова го имаше и на дебата на една собраниска комисија помеѓу пратеникот Стојменов и гувернерот Гошев пред околу 6 месеци)

Пак ќе повторам - НБРМ работи за Народот, а Канал 5, штедилниците, банките и сите други приватни компании си работата за профит на совите газди.
Утре НБРМ да и попушти на штедилницата, ќе слушнете пофални вести за гувернерот на канал 5. Ама задутре ако им пропаднат пари на луѓето таму - ќе трпи тој дел од народот.



1. (види со болд погоре)
Од кога банкарите и владата се „сите“??? Ние другите што не сме банкари (од текстот се гледа дека се мисли на приватни банкари, оние што работат за газди) и не сме влада (од текстот се гледа дека се мисли на централна влада, т.е. на извршната власт формирана согласно член 88 од уставот, а не на монетарната власт (НБРМ) формирана согласно член 59 од уставот, ниту на судската власт итн --- но да не навлегуваме) не се броиме???

Јас пак лично сметам дека не треба. И уште повеќе сметам дека државава си формирала институција за тоа, си назначиле граѓаните одговорно лице на таа институција и зошто сега сите се плеткаат таму, наместо да си ја вршат својата работа: банкарите (првиатни) да се занимаваат со банкарство, а владата со управување на тоа што и е доделено (како на пример намалување на трговскиот дефицит и намалување (а не зголемување) на задолжувањето? и уште многу друго). Банкарите може да се жалат ако некоја банка добие преференцијални услови од НБРМ, АМА такво нешто нема. А не да измислуваат проблеми, таму каде што не им е местото, само за да ја дефокусираат јавноста.

2. Пак да повторам: Задожителната резерва има друга намена. Не да го поттикнува кредитирањето, туку напротив - да го ограничи. За да бидат цените стабилни. Ако при вакви услови, каде граѓаните не заработуваат, а сакаат да трошат (воглавно увезена стока од странство и одмори во Грција, Турција, Египет, Шпанија итн.) им се дадат кредити: и нема да ги вратат (па тек после ќе има криза) и уште повеќе ќе ни се зголеми дефицитот.

Пак да повторам: Кам. стапки во Македонија се одраз на ситуацијата и такви се во сите околни земји. Проверете, немојте само да верувате на нарачани текстови.


Имам мое мислење за сите поединечно. Ама мислам дека овде не е тоа тема. Отвори си нова тема, елаборирај малку, па ќе ти пишам и мое мислење на таа тема.

--- надополнето ---


Не сакам да ти расипам брак ама пробај да го видиш полето во кое работи жена ти. потпрашај ја нешто: зошто служи задолжителна резерва, дали имаат повеќе или помалку благајнички записи сега или пред 6 месеци итн. Можеби (работејќи една специјализирана работа на ситно) не може да ја согледа целината? И провери да не сме и пишале некоја казна (нејзе или на шефот нејзин), па да не е задоволна од тоа, па за се да е контра

Инаку немам шанси да бидам во право, ако жена ти вика нешто друго... Таа може да ти даде нешто што јас не можам, па да ти го помати здравиот разум



Сите овие подвлечените ти се тези од извртопереното и потплатено новинарство...
Вака стојат работите:
1. Парите кои нбрм ги зема од банкарскиот сектор - не се за пласирање во стопанството. Тие се вишок, кој ако остане кај луѓето тие лажно ќе се чуствуваат дека имаат пари (ќе ги потрошат) и на крај ќе има проблем со економијата...
2. НБРМ не „дава“ добри услови. НБРМ ги гледа условите на пазарот и им дава фер компензација за повлечените вишок пари од оптек. Да не е преку БЗ, ќе ги повлече на друг начин.
3. Банките не ги „пласираат“ парите во НБРМ. НБРМ им ги зема. За да нема вишок пари.

Парите што им остануваат на банките се сосема доволно за да има кредити за успешни проекти. Нека вратат банките нешто од еврата кои ги чуваат во странство на пример.
Пак ќе повторам: не е проблем за висината на каматната стапка дека нема пари за успешни проекти. Проблем е што земјата е нестабилна (а и регионот) и токлку се каматите насекаде. Не знаеш ако дадеш 100 денари, дали ќе ти вратат 110 или 0. Ако дадеш 10 пати по 100 и ако 9 ти вратат по 110, ќар си или зијан? јас мислам дека 990 < 1000. Затоа се пази кому се дава, а пазењето ЧИНИ ПАРИ кои треба да се надокнадат преку камата.


Дека тие твои „експерти“ не се во право, еве еден факт од поблиската историја:
Сите викаа дека ако падне каматната стапка на БЗ од 9% (сега на 5%) ќе имало (евтини) кредити. Пак нема. Никој не ја спомнуваше ЗР. Сега сите викаат дека ако падне стапката на ЗР ќе има (евтини) кредити. Верувај ми - пак ќе нема да има. Само може да им останат пари на банките и да купат со нив евра и да депресира денарот. Ако поубаво размислам, можеби во оваа каша во која сме, на некој депресиајцијата на денарот му одговара, бидејќи ќе се релативизираат сите цицања на денари од буџетот кои не се 100.000 или 200.000 евра еднократно, туку се милиони и милиони евра месечно, земени во денари и одма претворени во евра и изнесени.


Во банкарскиот сектор има најголема конкуренција од сите други сериозни сектори во Македонија и си работи по пазарни принципи.

Ако не ти чини, ти оди побарај пари на друго место. Еве на пример: распиши ИПО на нова серија акции или издади обврзници на македонската берза, или побарај кредит од странска банка?

Тоа што не може секој да земе кредит не е поврзано (само со) записите на нбрм. Записите се само последица на ситуацијата.