Контингент на АРМ од составот на 2. механизирана пешадиска бригада (МПБР) денеска во касарната „Кузман Јосифовски - Питу“ во Тетово во присуство на претседателот на државата и Врховен командант на оружените сили, Ѓоге Иванов, замина во мировната мисија ИСАФ во Авганистан.
Во осмата ротација на мировната мисија ИСАФ во која АРМ учествува со механизирана пешадиска чета, во Авганистан ќе заминат 149 припадници на 2. МПБР кои заедно со најстариот национален претставник и двајца штабни офицери ќе бидат распоредени во главната команда на ИСАФ во Кабул.
Претседателот Иванов по овој повод нагласи дека македонските мировници се во Авганистан со задача да им помогнат на граѓаните полесно да изградат демократска и слободна иднина.
- Република Македонија донесе одлука за учество во мисија во далечна земја свесна за нејзината сериозност. Но денешните ризици јасно покажуваат дека не постои изолирано и затворено место.
Македонија и самата била изложена на закани и знае да ја цени безбедноста и сигурноста. Затоа и се решивме во оваа мисија да дадеме исклучително значаен придонес споредено со нашата реална моќ и големина, рече Иванов.
Македонските војници своите обврски ќе ги извршуваат во рамките на контигентот на Армијата на Обединетото Кралство.
Припадниците на Втората механизирана пешадиска бригада - Леопарди во следните шест месеци ќе бидат задолжени за обезбедување на главната команда на силите на ИСАФ во Кабул. Покрај ова тие ќе обезбедуваат и воени бази и објекти од витално значење за животот на населението во Авганистан.
- Ми претставува голема чест и одговорност да го предводам овој состав кој во текот на подготовките постигнаа високи резултати во обучувањето за извршување на задачи за поддршка на мирот. Постигнатите резултати и залагањето и посветеноста на работата ми дава за право да верувам во подготвеноста на припадниците на контигентот за извршување на задачите кои произлегуваат од поставената мировна мисија.
Подготвени сме да докажеме дека припадниците на оваа единица се рамноправни со своите колеги од другите армии кои моментално се во мисијата ИСАФ, рече командантот на контигентот, мајор Блажо Николовски.
Во мировната мисија ИСАФ во Авганистан, предводена од НАТО, македонската армија учествува од јуни 2006 година. Припадниците на АРМ за досегашното извршување на задачите од командата на ИСАФ добива највисоки оценки.
На денешната свеченост во тетовската касарна присуствуваа и началникот на Генералштабот на АРМ генерал потполковник Мирослав Стојановски, заменик - министерот за одбрана Емил Димитриев, како и други високи гости.
Извор: Сител ТВ
Нека се чуваат добро и да ни се вратат сите на број!
Во осмата ротација на мировната мисија ИСАФ во која АРМ учествува со механизирана пешадиска чета, во Авганистан ќе заминат 149 припадници на 2. МПБР кои заедно со најстариот национален претставник и двајца штабни офицери ќе бидат распоредени во главната команда на ИСАФ во Кабул.
Претседателот Иванов по овој повод нагласи дека македонските мировници се во Авганистан со задача да им помогнат на граѓаните полесно да изградат демократска и слободна иднина.
- Република Македонија донесе одлука за учество во мисија во далечна земја свесна за нејзината сериозност. Но денешните ризици јасно покажуваат дека не постои изолирано и затворено место.
Македонија и самата била изложена на закани и знае да ја цени безбедноста и сигурноста. Затоа и се решивме во оваа мисија да дадеме исклучително значаен придонес споредено со нашата реална моќ и големина, рече Иванов.
Македонските војници своите обврски ќе ги извршуваат во рамките на контигентот на Армијата на Обединетото Кралство.
Припадниците на Втората механизирана пешадиска бригада - Леопарди во следните шест месеци ќе бидат задолжени за обезбедување на главната команда на силите на ИСАФ во Кабул. Покрај ова тие ќе обезбедуваат и воени бази и објекти од витално значење за животот на населението во Авганистан.
- Ми претставува голема чест и одговорност да го предводам овој состав кој во текот на подготовките постигнаа високи резултати во обучувањето за извршување на задачи за поддршка на мирот. Постигнатите резултати и залагањето и посветеноста на работата ми дава за право да верувам во подготвеноста на припадниците на контигентот за извршување на задачите кои произлегуваат од поставената мировна мисија.
Подготвени сме да докажеме дека припадниците на оваа единица се рамноправни со своите колеги од другите армии кои моментално се во мисијата ИСАФ, рече командантот на контигентот, мајор Блажо Николовски.
Во мировната мисија ИСАФ во Авганистан, предводена од НАТО, македонската армија учествува од јуни 2006 година. Припадниците на АРМ за досегашното извршување на задачите од командата на ИСАФ добива највисоки оценки.
На денешната свеченост во тетовската касарна присуствуваа и началникот на Генералштабот на АРМ генерал потполковник Мирослав Стојановски, заменик - министерот за одбрана Емил Димитриев, како и други високи гости.
Извор: Сител ТВ
Нека се чуваат добро и да ни се вратат сите на број!
