Статусот на професионалните војници во АРМ

[Стрелец]

Достоинство најавува протест и бојкот на изборите ако не се реши статусот на професионалните војници

Професионалните војници од Владата бараат да им се реши социјалниот статус, зошто како што велата на 38 години повеќето од нив стануваат се социјални случаи. На денешниот состанок на Здружението “Достоинство“ во Скопје, се договориле за одржување на протест и за евентуален бојкот на изборите доколку не се најде решение за нивниот проблем.
Најверојатно протестот во униформи ќе биде одржан идната сабота на седми март.
Стојанче Ангелов рече дека на денешното состанок се разговарало за нивните понатамошни активности околу протестот и предлог за бојкот на изборите. Имаат намера уште еднаш да се соберат и да го изразат своето незадоволство.
“Бараме професионалните војници да останат во армијата се до исполнување на условите за пензија. Доколку некои од нив не се во можност да работат во своите матични единици поради возраста, за нив бараме да бидат распоредени во логистички и други единици каде што нивната возраст нема да им смета. Доколку нема простор за останување во армијата, бараме да бидат вработени во други буџетски институции, судска полиција, полиција“ вели Ангелов.
Џемал Мифтари професионален војник од Велес, вели дека министерството им рекле дека биле свесни дека кога го потпишувале договорот на три години, знаеле што потпишуваат.
“Кога ние сме подготвени да одиме во мисии во Авганистан, Ирак, дотогаш како ние не сме подготвени да останеме во единиците во кои работиме и да земеме една пензија да не останеме во пензија“ рече Мифтари.
Тие изразија незадоволство од работата на армискиот синдикат дека недоволно се ангажира.

[youtube]pImaDZHLCMs[/youtube]

 

[RAYTHEON23]

а да постира некој како ова се ресава во соседните земји или пак некоја друга земја може...во интерес на дискусијата:smir:

 

[Стрелец]

а да постира некој како ова се ресава во соседните земји или пак некоја друга земја може...во интерес на дискусијата:smir:

Знам како е регулирано само во три земји (кои што не се соседни)!

Во САД војниците потпишуваат договори на определено време, кои се обновуваат. Една година пред заминување, војниците пополнуваат прашалник според кој бираат идна професија и, со посредство на армијата, бираат можни работни места. Додека се на служба, меѓу другите бенефиции, можат да го продолжат образованието и да стекнат стручни квалификации кои ќе им помогнат да добијат подобра работа во цивилниот живот.

Британската армија, меѓу другите можности, нуди и можност за непрекинати 22 години служба почнувајќи од 18 годишна возраст, по што војникот стекнува право на пензија, но во висина од 30 отсто од платата. Полна пензија се стекнува со 35 или 40 години служба во вооружените сили. И во таа војска има можности за преквалификација и дошколувања кои ќе помогнат во избор на цивилна кариера, но и можности ислужени војници да се вратат во воена единица на активните, територијалните или резервните сили.

Најголемиот дел од трупите во германската армија се регрути кои го служат воениот рок. Професионалните војници, кои ги има во мал број, потпишуваат договори во вкупно траење од најмногу 12 години. Тоа служи како база за промовирање подофицери или специјалисти, кои кариерата можат да ја продолжат до 50-годишна возраст. Но, за оние кои ја напуштаат војската Министерството за одбрана има договори со фирми кои ги подготвуваат за цивилна работа, за што се издвојуваат големи суми од буџетот на одбраната.

 

[Macedonia>>Europe]

Добро бе како така ве интересира доброто на Македонија само пред избори? Триста теми отвори во рок од недела, а пред тоа те немаше едно година дена. Знам пошто секој ден висам на форумов.

 

[Стрелец]

Каква врска има твојов пост со темава?
http://forum.kajgana.com/showthread.php?t=32681

 

[realen_07]

Добро бе како така ве интересира доброто на Македонија само пред избори? Триста теми отвори во рок од недела, а пред тоа те немаше едно година дена. Знам пошто секој ден висам на форумов.

Доколку тебе те интересираше доброто на Македонија а не само доброто на ДПМНЕ (впрочем како и многумина на форумов), ќе изразеше барем ронка револт спрема оние кои не сакаат да го решат нивниот проблем.

Подршка до бранителите. Се надевам дека во блиска иднина конечно ќе се изборат за своите права, кои по сите норми и стандарди им следуваат.

 

[Чак Норрис]

Абе нека земат оружје в раце-милум гледаат не бива...

 

[Macedonia>>Europe]

Доколку тебе те интересираше доброто на Македонија а не само доброто на ДПМНЕ (впрочем како и многумина на форумов), ќе изразеше барем ронка револт спрема оние кои не сакаат да го решат нивниот проблем.

Подршка до бранителите. Се надевам дека во блиска иднина конечно ќе се изборат за своите права, кои по сите норми и стандарди им следуваат.

Е ова е врв на лицемерие. Учите од вашите господари европски а? Ти ако си загрижен за нив јас уште одма ќе се прекрстам. Мене како Македонец најмногу ме боли што имаме терористи во владава, а нашите бранители се ставени на најниско ниво на приоритет од страна на ДПМНЕ, ама во исто време ми е јасно дека другава опција е па во никој случај прифатлива така да во недостаток од опции се одлучувам за помалото зло. btw и јас гласав Не.

 

[realen_07]

Е ова е врв на лицемерие. Учите од вашите господари европски а? Ти ако си загрижен за нив јас уште одма ќе се прекрстам.

Веднаш да се прекрстиш.

Мене како Македонец најмногу ме боли што имаме терористи во владава, а нашите бранители се ставени на најниско ниво на приоритет од страна на ДПМНЕ,

Па тогаш зошто ти смета темата ?

 

[Струмикс]

Стрелец погоре се потрудил да најде податоци за решенија на правата на професионалната војска во државите малку подалеку од Балканот.
Ако споредиме со нашиот Закон, се доаѓа до заклучок дека нашиов закон има празнина, токму во делот „што потоа?“
Тој проблем елегантно би се решил со една квалитетна измена и дополнување на истиот.
Останатото е само политикантство, предизборие и очајна борба за политички поени.

 

[realen_07]

Стрелец погоре се потрудил да најде податоци за решенија на правата на професионалната војска во државите малку подалеку од Балканот.
Ако споредиме со нашиот Закон, се доаѓа до заклучок дека нашиов закон има празнина, токму во делот „што потоа?“
Тој проблем елегантно би се решил со една квалитетна измена и дополнување на истиот.
Останатото е само политикантство, предизборие и очајна борба за политички поени.

Мислиш дека на бранителите им е дојдено до политички поени ?

 

[Струмикс]

Мислиш дека на бранителите им е дојдено до политички поени ?

На бранителите не, воопшто, но на некои други кои упорно се обидуваат да профитираат на грбот на луѓето кои можат да останат без леб, да.
Дури е лицемерно.
Политиката е бескрупулозна ороспија...

 

[realen_07]

На бранителите не, воопшто, но на некои други кои упорно се обидуваат да профитираат на грбот на луѓето кои можат да останат без леб, да.
Дури е лицемерно.
Политиката е бескрупулозна ороспија...

Токму така. Исто како што првите, 4 години политички профитираа на нивен грб, за да сега им кажат дека нема решение за нивниот проблем.

 

[Струмикс]

Токму така. Исто како што првите, 4 години политички профитираа на нивен грб, за да сега им кажат дека нема решение за нивниот проблем.

Јас повеќе би рекол дека некој кога го правел Законот не си ја гледал баш работата, оставил вакуум, не го дорекол како што треба, а за чудо, Уставниот суд не се позанимавал со истиот, дали немало кој да покрене иницијатива пред Судот, или по службена должност сметал дека е во ред законот... а што е уште поинтересно, оние кои го носеле законот, сега се обидуваат да ќарат.
Зборуваме за оние лица кои служат во АРМ, бранителите се друга категорија.

 

[Стрелец]

На бранителите не, воопшто, но на некои други кои упорно се обидуваат да профитираат на грбот на луѓето кои можат да останат без леб, да.
Дури е лицемерно.
Политиката е бескрупулозна ороспија...

Струмикс, овој проблем е сега актуелен... И не е лицемерно ако сега се отвори прашањето... Лично јас го отворив прашањето од некои мои сопствени побуди кои што немаат врска со тоа кој е на власт... Не ми е јасно на кого мислиш кога велиш дека некој сака политички да профитира, бидејќи во овој случај никој досега не се обидел тоа да го стори... Ниту сум прочитал од СДСМ дека побарале решавање на проблемот (иако и такво барање не мора да се оквалификува како лицемерие)... Во краен случај, проблемот на засегнатите професионални војници е многу побитен од тоа дали ти сметаш дека некој друг е лицемер или не... И темава е за тие професионални војници, а не за евентуалните лицемери!

А зошто велам дека е актуелен проблем? Во септември премиерот им вети на луѓето од здружението 'Достоинство' дека нивниот проблем ќе биде разгледан, но притоа ги упати решението да го бараат во надлежното министерство... Се покажаа како јалови сите обиди да се договори средба со министерот Коњановски... Не е објавено во јавност, но знам дека се испратени точно 12 официјални писма до министерството... И одговор добија само на последното писмо во кое што се вели дека министерот нема намера да потклекне на ултимативни барања!?

Кај кого ти гледаш лицемерие?