- Член од
- 20 март 2005
- Мислења
- 163
- Поени од реакции
- 1
Македонската економија лани пораснала за 3,6 проценти
Нашите власти заедно со ММФ проектираа пораст на БДП од 3,8 отсто, но министерот Поповски очекуваше дури и економски раст од 4 отсто
Оптимизмот на министерот за финансии, Никола Поповски, дека македонската економија минатата година ќе остварела раст меѓу 3,8 и 4 отсто, сепак, не се оствари. Како што јави МИА, податоците на Државниот завод за статистика покажуваат дека брутодомашниот производ лани забележал реален пораст од 3,6 проценти во однос на претходната година.
Ова значи дека на нашата економија, сепак, не Ј одело толку добро како што прогнозираа македонските власти. Кога го договараа аранжманот со Меѓународниот монетарен фонд, за 2005 проектираа пораст на БДП од 3,8 проценти. Но, министерот Поповски заедно со целиот тим во владиниот кабинет беше уште похрабар, најавувајќи дека е веројатно ланската година да заврши дури и со економски раст од 4 отсто. Првиот финансиер и јавно го кажа тоа од собраниската говорница во своето експозе кога го бранеше буџетот и економската политика на власта за оваа година. Сепак, она што го објавуваат статистичарите сега покажува дека биле преценети владините предвидувања. Инаку, оптимизмот на нашите власти, најверојатно, се темелеше на одличниот "скор" во вториот квартал од 2005, кога порастот достигна дури 4,7 отсто наспроти 4,4 проценти колку што беа планирани.
Најголем реален пораст на додадената вредност лани е забележан во секторите вадење руди и камен за 30,6 проценти. Поголем раст има и во сообраќајот, складирањето и врските за 8 отсто, трговијата на големо и мало, поправката на моторни возила, мотоцикли и предмети за лична употреба и за домаќинствата за 7,3 проценти и во преработувачката индустрија за 7 отсто. Опаѓање е проценето во секторите градежништво, финансиско посредување и други комунални, општи и лични услужни активности.
Индустриското производство, пак, ги натфрли проекциите, но и тоа не ги достигна високите вредности на раст од околу 8 отсто, колку што очекуваа во Владата на крајот на 2005. Имено, индустријата во Македонија минатата година споредена со 2004 бележи пораст од 6,7 проценти. Производството е зголемено во 12 оддели споредено со претходната година. Такви се продукцијата на прехранбени производи и пијалаци, тутунски производи, облека, крзно, кокс, деривати на нафта и производи од други неметали минерали. Во оваа група се и производството на основни метали, метални производи во металопреработувачка фаза, освен машини и уреди, електрични машини и апарати и снабдување со електрична енергија, гас, пареа и топла вода, кои во структурата на индустриското производство учествуваат со 75,4 проценти. Во другите оддели производството е под минатогодишното ниво. (Н. Н. Ф.)
Нашите власти заедно со ММФ проектираа пораст на БДП од 3,8 отсто, но министерот Поповски очекуваше дури и економски раст од 4 отсто
Оптимизмот на министерот за финансии, Никола Поповски, дека македонската економија минатата година ќе остварела раст меѓу 3,8 и 4 отсто, сепак, не се оствари. Како што јави МИА, податоците на Државниот завод за статистика покажуваат дека брутодомашниот производ лани забележал реален пораст од 3,6 проценти во однос на претходната година.
Ова значи дека на нашата економија, сепак, не Ј одело толку добро како што прогнозираа македонските власти. Кога го договараа аранжманот со Меѓународниот монетарен фонд, за 2005 проектираа пораст на БДП од 3,8 проценти. Но, министерот Поповски заедно со целиот тим во владиниот кабинет беше уште похрабар, најавувајќи дека е веројатно ланската година да заврши дури и со економски раст од 4 отсто. Првиот финансиер и јавно го кажа тоа од собраниската говорница во своето експозе кога го бранеше буџетот и економската политика на власта за оваа година. Сепак, она што го објавуваат статистичарите сега покажува дека биле преценети владините предвидувања. Инаку, оптимизмот на нашите власти, најверојатно, се темелеше на одличниот "скор" во вториот квартал од 2005, кога порастот достигна дури 4,7 отсто наспроти 4,4 проценти колку што беа планирани.
Најголем реален пораст на додадената вредност лани е забележан во секторите вадење руди и камен за 30,6 проценти. Поголем раст има и во сообраќајот, складирањето и врските за 8 отсто, трговијата на големо и мало, поправката на моторни возила, мотоцикли и предмети за лична употреба и за домаќинствата за 7,3 проценти и во преработувачката индустрија за 7 отсто. Опаѓање е проценето во секторите градежништво, финансиско посредување и други комунални, општи и лични услужни активности.
Индустриското производство, пак, ги натфрли проекциите, но и тоа не ги достигна високите вредности на раст од околу 8 отсто, колку што очекуваа во Владата на крајот на 2005. Имено, индустријата во Македонија минатата година споредена со 2004 бележи пораст од 6,7 проценти. Производството е зголемено во 12 оддели споредено со претходната година. Такви се продукцијата на прехранбени производи и пијалаци, тутунски производи, облека, крзно, кокс, деривати на нафта и производи од други неметали минерали. Во оваа група се и производството на основни метали, метални производи во металопреработувачка фаза, освен машини и уреди, електрични машини и апарати и снабдување со електрична енергија, гас, пареа и топла вода, кои во структурата на индустриското производство учествуваат со 75,4 проценти. Во другите оддели производството е под минатогодишното ниво. (Н. Н. Ф.)
