Лагана победа вчера.
Терен катастрофален за игра, но брзо ги скршивме. Два гола од Битолчани (Наумовски и Љамче), еден на Глишиќ.
Не го фатив голот на Наумовски, влегував во моментот кога го дадовме, но веројатно паднал по влез од лева страна и вратена топка во средината на шеснаесетникот.
Глишиќ имаше офанзивно одлична партија вчера. Одигра доста добро и постигна одличен погодок.
При постигнувањето на голот, го баци знакот на Вардар и се поклони пред Комити. Веројатно чин на извинување за „ружна прошлост“ со заминувањето во Слога.
Инаку, според мене Глишиќ е доста подобар офанзивно отколку во дефанзива. Штета што го имаме и Блажевски на таа страна. Во одбрана остава голема празнина и често не отвораат по таа страна.
Противникот не мрдна, најдобар поединец им беше голманчето, кој слободно може да го собереме место Илиќ. Илиќот пак имаше една нафрлена топка што му испадна од раце и еднаш го издриблаа при 1-0, ама топката се заглави во калта и ништо не направија во продолжение на акцијата.
Во второ полувреме видовме неколку замени. Мишковски беше заменет со Стојанов, Илиќ беше сменет со вториот голман. Искрено, не го знам детето (Лука Стојковски), а и немаше многу простор да покаже нешто. Вака немаше некоја завидна градба за голман. Знам дека ги има поминато сите категории на академијата на ФК Вардар. Немав поим кој ни е втор голман по заминувањето на Игески, мислев дека брани Матеј Андов од генерацијата на Али и Ибиши.
Во игра влегоа и Парталко и Филип Ѓорѓиевски. Искрено замениве не ни се баш на ниво.
Интересно беше што после натпреварот се испеја О Сузана, пееја сите играчи, а меѓу нив се најде и Љамче. Не знаеше што ќе се пее, скокаше прво и кога сфати, ги грабна Пеев и Петров и се паѓаше од смеење, овие го тераа да навива
Наумовски два натпревари по ред не' бојкотира поради анти-Битолско скандирање по натпреварите.
Мислам дека доволно се одморија дел од поважните играчи, така што одиме ол ин во Битола.
Ќе биде интересен натпреварот, а подеднакви шанси им давам и на двете екипи. Штета што играме без Вилдан Керим, а гледам дека некое време и Костовски го нема во екипата.
Убаво би било да се заврши полусезоната со обезбедено полуфинале во купот, иако фокусот сепак треба да ни биде пласманот во првата лига.
Полусезоната не беше најсјајна, од првото место секако се збогувавме, а останува со малку засилувања, да успееме да ја поминеме Воска на второ место. Мислам дека ако доволно се засилиме, нема да биде проблем тоа.
Во баражот, би вкрстиле со некоја екипа од Тиквеш, Скопје, Борец или Пелистер. Последниве две досега личат за најумрени, но не се знае, со малку паричка може да се смени ситуацијата.
Инаку, нашите младинци денеска ја осигурале есенската титула. Не знам дали меѓу нив има некој асален играч. Гледам Мирков го дал голот против Пелистер, а другите не ги познавам.
го викнале за у21 пријателските со Црна Гора
