Полирање и чистење на делови од хром

[A__]

Имам неколку парчиња (браници, шипки и слично) кои не се кородирани само го изгубиле сјајот и горе долу не се оштетени за годините кои ги имаат, 20 и нешто. На некои места се валкани, како рѓа да има ама не е навлезена, сигурно ќе излезе.

Ме интересира, дали некој знае како да ги очистам убаво, и после убаво да ги исполирам, со некоја паста или нешто за да ги заштитам за во иднина?

 

[Струмикс]

Вака:
Најпрвин убаво ќе ги измиеш, вода и некој детергент.
Потоа, она што останало со циф или нешто слично ќе го исчистиш, со сунѓерче на пр. ама нежно, без премногу грубост.
Потоа, откако ќе се исуши, ќе земеш „Пурол“ паста и ќе ги полираш со неа до совршенство. Додека да добијат длабок убав сјај. Со тоа се средени и заштитени и изгледаат прекрасно хромираните делови.

 

[Dzish]

Тоа пурол паста... Обична паста за полирање возила е или... И каде би можела да се најди?

 

[A__]

Со пастата Пурол, да ги полирам со крпа рачно или да земам некоја бор машина, да ставам четка и да ја исполирам така? Површините не се големи, браници се од мотор, не знам што би било подобро.

Каде можам да најдам Пурол, по продавнициве за авто делови?

 

[TrTe-MrTe]

Мој совет е да ги полираш со ЛЕСКИН,се полира рачно ама го добиваш првобитниот сјај на материјалот.

 

[Струмикс]

Пурол пастата е посебна паста за полирање месинг, хром, бакар и сл. метали...
Се наоѓа во секоја подобро снабдена продавница за бои и лакови.
Полирањето, сакаш машински, сакаш рачно...Разликата е во времето кое е потребно за да се заврши работата.
Ако се работи машински, препорачливо е да се работи на што е можно помал број вртежи на машината.
Не препорачувам полир паста за боја, стриктно за метал. Тоа се посебни пасти.

 

[Dzish]

И така е отворена темава па би прашал... На Ескордот имам алуминиумски бандажи, ама некако во последно го загубија сјајот, а и по ќошињата се напика ѓубре кое е закоравено и дури ни на перална неможат да го извадат.
Прашањето ми е... Ако би ги полирал дали ке излезат тие ѓубрињата? И со што да ги полирам? Овај пуролот би бркал работа или да барам нешто посебно за алуминиум?

 

[Струмикс]

И така е отворена темава па би прашал... На Ескордот имам алуминиумски бандажи, ама некако во последно го загубија сјајот, а и по ќошињата се напика ѓубре кое е закоравено и дури ни на перална неможат да го извадат.
Прашањето ми е... Ако би ги полирал дали ке излезат тие ѓубрињата? И со што да ги полирам? Овај пуролот би бркал работа или да барам нешто посебно за алуминиум?

За тебе вака:
Убаво ќе си земеш едно сунѓерче, оние за во кујна што се, и со остриот (зелениот) дел и со Циф или сл. ќе ги стругаш машки. Тоа ѓубрето ќе мора да падне.
Потоа ако е оштетен лакот, ќе го истругаш и него со некоја шмиргла, ама не многу остра.
Потоа, водена П 2000 фино ќе го изработиш. Потоа со Пурол ги полираш до висок сјај, и кога нема веќе да биде мрсно од пастата, значи, со повеќе суви крпи работиш многу долго време, до висок сјај и земаш безбоен лак и ги лакираш.
Бандашите се како нови

Ако лакот не е оштетен и пуролот врши гооолема работа, се разбира после миењето.

 

[Dzish]

Па капачињата (оние што ги покриваат штрафовите) тие се малку подизгребани. Инаку бандажите се во одлична состојба. Капачињата можам да ги истружам и прелакирам. А има посебен лак за алуминиум или...

 

[Струмикс]

Нема посебен лак, ама само капачињата ако се, не чепкај, само исчисти и исполирај, бидејќи ќе делат капачињата према остатокот

 

[A__]

Заборавив да прашам, со водена крпа треба да полирам или нема потреба?

 

[Струмикс]

Заборавив да прашам, со водена крпа треба да полирам или нема потреба?

Полираш со сува крпа, откако претходно со сунѓер или крпа (суви) си нанел од средството.
Јас сум ептен олд скул на пр. и користам стари волнени ткаенини за таква намена и презадоволен сум.
Работам исклучиво рачно, мерак ми прави. Знам да забегам со саати

 

[Пелистерка]

Purol пастата е убава работа. А и да има фатено корозија ќе си земиш железно сунѓерче од оние за во кујна за мрсотии ваѓање. Со многу вода и тоа и сува крпа ќе ги исчистиш сите тие делови. Потоа убаво избриши ги со сува крпа. Потоа со паста пурол ја намачкуваш површината, ќе добие една матна нијанса (како да го губи сјајот) и после тоа машки ќе почниш да триеш дур не светни како огледало. Што повеќе триеш и посилно толку поубав сјај. Волкси кога ја зеде бубата (претходната оваа уште ја нема средено како што сака тој..а многу сака ) со полир пастата кога му влеговме сите хромирани површини ги направивме како нови.

 

[Струмикс]

На хромот, обично, но не секогаш, корозијата се нафаќа површински, ретко оди во длабочина, за да го оштети самиот слој хром.
Инаку, Пелистерка, поарно оние зелените за мрснотии, како пластини отколку класика железни, заедно со некое абразивно средство како циф, арф...за да не се ишара површината со гребнатинки...Сепак внимателно треба, нели?

 

[A__]

Какви движења аплицирате за подобар ефект, кружни, линиски или триете на секоја страна како ќе ви дојде? Триете силно или сепак треба понежно, како кај бојата?