Гледам дека агенцииве во понуда за одмор ја имаат Коста Брава, па ме интересира дали некој има отидено таму, како е со цени, препорака за хотел, какви се плажите. Бидеќи би ми бил прв одмор во Шпанија ме интересира што треба да се знае за таму.
Јас бев лани Коста Дурада, поточно во околината на Реус, родниот град на Гауди во јули. Wizz беше ЕУР 300 за двајца, рент а кар од аеродромот во Барселона околу 350 ЕУР за 10 дена (тука влегува 100 ЕУР за дополнително осигурување на колата).
Првите два дена спиевме во Castelldefels, предградие на Барселона некои 10 км од аеродромот. Ако ти значи нешто, тука живее Меси. Наредните 8 дена на втората локација. Сместувањето најдено преку Booking, двете локации вкупно околу 700 ЕУР за двајца.
Генерално, многу слабо стојат со Англиски. Во помалите места рестораните работеа од 13 до15 и од 20 до 22-3 саат. Храната не е скапа, претежно имаат дневно мени со салата, главно јадење ,десерт и флаша поефтино вино за по 12-13 ЕУР по човек. Порција зајачко месо беше 7 ЕУР. Повеќе форсираат телешко него свинско по рестораните.
Плажите не се како во Грција. Огромни песочни плажи без сенка, многу малку барови или лежалки за изнајмување. Повеќето хотели имаат базени.
Патиштата се одлични. Ознаката AP значи дека се плаќа патарина. Секогаш има паралелен пат со ознака A кој е бесплатен и е подобар од бил кој наш автопат. Гориво на бензиска си точиш сам откако ќе платиш внатре на каса.
Во кратки црти тоа.
