Ај нека ми каже некој што е работава, кој сакал да замине друг? Не ми отвора странава ме заебава нетов.
Топ за Снајдер, побрзо од што очеувавме ќе се врати, само да не се искомплицира уште нешто...
ШПАНСКИОТ ПРВАК ВО ПРЕМИЕРАТА ВО НОВАТА СЕЗОНА ГИ ПОКАЖА СВОИТЕ ГРЕШКИ ОД ТРАНСФЕР ПОЛИТИКАТА
Калдерон ја утна целата трансфер стратегија
Претседателот на Реал (М), Рамон Калдерон, се чини, е единствениот кој с$ уште смета дека неговиот тим е еден од најсилните во Европа. Вистината, сепак, е дека место да се засили и годинава да биде двојно подобар, Реал (М) е послаб од лани. Хаосот со трансферите се чини си го направи своето, а 90% од планираните нови засилувања останаа нерешени. Калдерон евидентно ја нема силата на парите која ја имаше лани и пред таа година. Почна со неколку кандидати кои требаше да го облечат белиот дрес, но на крај остана без ниту еден од нив. Прашање е дали "Кралскиот клуб" тотално ја утна трансфер стратегијата или фудбалерите не го преферираат Мадрид како клуб за сериозна фудбалска иднина?
Лоша трансфер стратегија
Кристијано Роналдо, Давид Виља, Санти Казорла, Диего Капел, Луис Фабијано, Карим Бензема, Клас Јан Хунтелар - списокот на неуспешните трансфер цели на Калдерон и неговиот компањон Мијатовиќ. Може да биде и подолг, но ова беа најзвучните кои Реал (М) од јули ги преферираше да ги донесе на "Бернабе".
Претседателот и извршниот директор изградија стратегија која предвидуваше само еден голем удар - Кристијано Роналдо. И тука се чини погрешија. Додека другите бараа начин како квалитетно да засилат повеќе линии во својот тим, "галактикоси" останаа свртени само кон едно име, кое на крајот им го сврте грбот. По два месеци преговарање, сагата за Португалецот заврши неуспешно за Реал (М). Резервен план, ниту Калдерпон, ниту Мијатовиќ немаа. А беше се чини и предоцна да се менува.
Првпат фудбалери сакаа да си одат
За првпат во клупската историја на Реал (М) се случи тројца фудбалери јавно и отворено да изјават дека не сакаат да играат за овој тим(немам појма за кои станува збор). Ваков удар за еден од најголемите светски фудбалски состави не очекуваа ниту нивните најголеми противници. Сепак, последната продажба на Робињо, кој јавно се изнаплука на својот екс-клуб, покажа дека во Мадрид шампионот го губи "тлото под нозете". Играчите незадоволни во збирот на ѕвезди без вистинска можност за докажување полека својата иднина ја гледаат надвор од Мадрид, па макар тоа бил и далеку помал и понеафирмиран тим од големиот "Кралски клуб".
И кој е крајниот резултат на целата летна епизода со Реал (М)? Шустер остана со 24 фудбалери. Нешто нечуено за овој клуб досега.
Шустер остана без резервен напаѓач
"Сантијаго Бернабе" како излезна врата ова лето го видоа Балбоа, Баптиста, Робињо и Солдадо, откако претходно со своите довчерашни колеги се поздравија и Пабло Гарсија и Антонио Касано. Дојдоа Ван дер Варт, Де ла Ред и Хави Гарсија. Ако на крајот не успеаја да го донесат и Ван дер Варт и Калдерон и Мијатовиќ ќе беа исплукани од фановите уште пред официјалниот старт на сезоната.
Сепак, срамот не им избега уште во првото коло. По поразот од Депортиво во Ла Коруња, Шустер не случајно изјави дека на клупата немал напаѓач за да го стави во игра. Да, тоа е вистината. Еден Реал (М) се доведе во ситуација да остане без резервен напаѓач.
Без сомнение, голем "кикс" на Калдерон и Мијатовиќ е тоа што не успеаја да најдат варијатна за резерва на Руд ван Нистелрој. Продажбата на Робињо го остави тимот со само едно класично крило во името на Робен. Калдерон неколкупати изјави дека се чувствува "горд и многу задоволен" од начинот на кој функционира тимот. Адвокатот исто така не заборава да потенцира колку биле добри економските резултати на Реал, само за да го тргне вниманието од квалитетот на тимот со кој почнува одбраната на титулата. "Кралевите" потрошија 33,7 милиони евра за нови имиња, а добија 59 милиони.
Сепак, на овие факти најмалку им се радува предводникот, Шустер. За него нема никаква промена (односно има промена, ама на полошо) од минатата сезона. Шпанските весници веќе најавија дека тој се подготвува да си замине од "Бернабе". Прашање е кога ќе го стори тоа.
