Декс...дали е тоа кога разликата во брзина се превзема преку мобилниот оператор?
незнам на кој начин можат на бакар да ја зголемат брзината? јас имам 2 ресивери, и ако едниот е на ХД канал, интернетот не е повисок од 4-4,5 мб/с
Брзината преку бакарната телекомуникациска мрежа не зависи само од каблите, баш напротив, каблите се пасивна опрема, исто како автопат, а како што знаеме, на автопатот брзината зависи претежно од моторното возило и неговиот мотор.
Истото важи и кај телекомуникациите, брзината на Интернетот зависи од квалитетни и добро поставени кабли, исто како што и кај автопатот е важно да е добро асфалтиран, но главниот фактор кај Интернет брзината е опремата која се користи, исто како што кај автопатот главниот фактор кај брзината на движење е моторното возило и неговиот мотор.
На кабелскиот Интернет постојано му ја зголемуваат брзината, порано беше новост да достигне брзина помеѓу 1 и 2 мегабајти во секунда, а денес достигнува брзини и до 10 мегабајти во секунда.
Истото е и кај DSL Интернетот, сегашниот ADSL 2+ Интернет достигнува брзини до 24 мегабита во секунда, односно 2.4 мегабајти во секунда, додека VDSL Интернетот кој Македонски Телеком почнал да го воведува од 2016 година па наваму, достигнува брзини до 52 мегабита во секунда, односно 5.2 мегабајти во секунда. Каблите си остануваат исти, единствено се менува опремата во централата од каде што доаѓа сигналот и кај корисникот кој го прима сигналот. Ново возило на стар автопат.
Се разбира, ова не е замена за оптичката телекомуникациска мрежа на Македонски Телеком, која нуди многу повисоки, а истовремено и симетрични Интернет брзини, и се разбира многу поголема стабилност на сигналот. VDSL Интернетот ќе се користи како алтернатива во подрачјата во кои сеуште не е достапна оптичката телекомуникациска мрежа на Македонски Телеком.
Ако под 4-4.5 мб/с мислиш на 4 до 4.5 мегабита во секунда, односно 400 до 450 килобајти во секунда реална брзина кога се вклучени IPTV рисиверите за MaxTV, тогаш сигурно е потребно ограничување на Интернетот за IPTV рисиверите. За решавање на ваквиот проблем, треба да пријавиш дефект во Македонски Телеком - слаба брзина кога се користи MaxTV, поради што треба да дојде техничка екипа кај тебе дома за да ја тестира линијата, или можеби ќе им текне компјутерски од централа да ја тестираат.
Ако дојдат кај тебе дома, ја тестираат линијата и откријат дека е стабилна, тогаш треба да им кажеш да стават капаче на Интернетот, односно да го ограничат Интернетот на IPTV рисиверите за MaxTV.
А ако компјутерски ти ја измерат линијата од централа, можеби уште од таму ќе им текне да стават капаче на линијата и од таму да го ограничат Интернетот на IPTV рисиверите за MaxTV, па ќе те контактираат телефонски за да провериш дали сеуште го имаш проблемот, па ако сеуште проблемот не е решен, да дојдат кај тебе за да ја проверат домашната бакарна телекомуникациска инсталација.
Можеш и кога ќе им се јавиш на 122 за да пријавиш дефект, да им кажеш да проверат дали е ставено капаче на IPTV рисиверите за MaxTV, па ако не е ставено нека стават. Со ограничување на Интернетот на IPTV рисиверите за MaxTV би требало да ти се нормализира Интернет брзината.
