Трамп
Од 11-9 и фрејм за 12-9...
Ваква прилика за титула никогаш веќе нема да има.
Млад е` Џад Трамп, иднината е пред него.
Проблемот на Трамп во четвртина финалето на Светскиот Шампионат во Снукер 2018 беше тоа што за свој противник го имаше Џон Хигинс, кој секогаш најдобро игра кога е` под притисок, односно кога губи.
Трамп водеше со 4:1, па 5:3 во првата сесија од мечот во вторникот, 1 мај 2018.
Потоа, вчера, среда, 2 мај 2018, во пладневната сесија Трамп водеше со 7:3, за потоа Хигинс да поведе со 8:7, по што на крајот од сесијата Трамп израмни на 8:8 .
Потоа, вчера, среда, 2 мај 2018, во вечерашната сесија Трамп поведе со 10:8, по што Хигинс го намали водството на Трамп на 10:9, по што Трамп повторно го зголеми своето водство за 2 фрејма, овој пат на 11:9 .
Потоа Хигинс ги освои наредните 3 фрејма и по втор пат во мечот воспостави водство над Трамп, овој пат на 12:11, по што Трамп го освои 24-от фрејм и израмни на 12:12, по што следуваше последниот одлучувачки 25-ти фрејм, кој беше освоен од страна на Хигинс со резултат 84:0 .
Откако помина можноста за финалето на Светскиот Шампионат во Снукер 2018 да се одигра помеѓу Англичанецот Рони О'Саливен и Шкотланѓанецот Џон Хигинс, сега фаворити за финалето се Велшанецот Марк Вилијамс и Џон Хигинс, кои заедно со Рони О'Саливен доминираа оваа снукер сезона 2017/2018, поради што финале помеѓу Вилијамс и Хигинс не би било шлагот врз тортата за оваа сезона како што ќе беше финале помеѓу О'Саливен и Хигинс, но затоа би било одличен прелив врз сладоледот - и онака веќе е` лето, пролетта помина пред да трепне човек.
Хигинс и самиот потврди дека сеуште е` во шок откако извојува победа над Трамп во четвртина финалето на Светскиот Шампионат во Снукер 2018 со резултат 13:12 .
Откако извојува победа во осмина финалето на Светскиот Шампионат во Снукер 2018 против Роберт Милкинс со резултат 13:7, Вилијамс вети дека доколку успее да се пласира во финалето и доколку победи и ја освои титулата Светски Шампион во Снукер по трет пат во својата професионална снукер кариера, ќе ја одржи прес конференцијата разголен.
Откако извојува победа во четвртина финалето на Светскиот Шампионат во Снукер 2018 против Али Картер со резултат 13:8, Вилијамс изјави дека ќе се држи до дадениот збор и неговото ветување сеуште важи.
Истовремено, доколку Вилијамс успее да се пласира во финалето на Светскиот Шампионат во Снукер 2018 и извојува победа против Хигинс или Кајрен Вилсон, ќе биде вториот најстар светски шампион во снукер на 43 годишна возраст од кога турнирот се одржува во англискиот театар Крусибл во Шефилд од 1977 година па наваму, после неговиот сонародник, шест кратниот светски шампион во снукер, Велшанецот Реј Риердон, кој по шести и последен пат во својата професионална снукер кариера ја освои титулата Светски Шампион во Снукер на 45 годишна возраст во финалето на Светскиот Шампионат во Снукер 1978, каде што извојува победа над Јужноафриканецот Пери Манс со резултат 25:18 .
За волја на вистината, истото важи и за Хигинс, кој на 18 мај 2018 ќе го прослави својот 43-ти роденден, но и како 42 годишен Светски Шампион во Снукер 2018, Хигинс сепак би бил вториот најстар Светски Шампион во Снукер после Реј Риердон, а истото ќе важеше и за 42 годишниот О'Саливен, кој ќе го прослави својот 43-ти роденден на 5 декември 2018, доколку успееше да се пласира во финалето на Светскиот Шампионат во Снукер 2018, и доколку победеше во финалето, се разбира.