Сега ќе ти кажам впечатоци од школото за овие 3 години поминати таму, оваа ми е веќе 4та.
Почнувајќи од професорите, секако зависи кај кој се погодиш. Има некои се разбираат од збор, на некои мораш да им се качуваш на глава за пуста информација да извлечеш од нив, некои се тотално неодговорни и како класни и како професори, има некои што врска немам ни како ги примиле. Како што кажа гладиус, тебе мислам дека ти се падна построга постава на професори, со познатите Ачкоска и Олга во комбинација. Ачкоска за многу е ѓавол, ваква таква, но жената сите ја почитуваат затоа што кај неа нема врски, ако немаш врска од предметот ќе те остави на полагање без око да и трепне. Син му на Црвенкоски кај неа на крај година имаше 2ка, па сега види
Кај Олга добро ќе ти биде само ако ти е класна, ако не, сочувство, ѓавол од жена. За овие години што сум јас таму многу професори од построгите отидоа во пензија па сега се се` помлади и помлади и некако како да расте слободата кај учениците слободно да се искажуваат, да контрираат и слично.
Од моја гледна точка би ти кажала нешто. Ако си спортист и ако мислиш дека ќе наидеш на разбирање од професорите, барем малку, си се излажал, затоа што за ова време мене само 2-3 од нив дали ми честитале за успесите кои ги имам, а никој не ме прашал ни до каде сум.
Така да, ако мислиш дека ќе имаат разбирање за тебе за тоа што имаш помалку време да научиш од другите, тешко. Досега само една професорка мене ми помогна во врска со тоа, ќе ја споменам јавно, Катерина математика и затоа многу ја почитувам и како професорка и како човек пред се`.
Што се однесува до организацијата од школото, директоркава верувам ја виде сабајлево. Нареден пат ќе ја видиш кога ќе матурираш, зошто жената само тогаш се појавува на работа. Во текот на школската година, сменоводителите се директори. Се губат многу часови, можеш кај повеќето професори и да си излегуваш од час, да правиш што сакаш, да одмараш, да спиеш. До последно се чека на секоја одлука, во 5 до 12 ги средуваат сите работи. Значи ЈБТ е тотално дезорганизирано школо. Освен за екскурзии, многу нормално.
Децата се како деца, ги има секакви, нема врска тоа што викаат во ЈБТ оделе вакви, такви. Сега сите сме различни и сите си наоѓаме слични со нас со кои подоцна се здружуваме, така да сигурно ќе најдеш ново друштво ако веќе имаш и од основно некои другари. Ако мислиш дека не ти е погоден класот, уживај, во трета година пак ќе ве промешаат по насоки.:wink:
Во врска со персоналот не се согласувам со гладиус, затоа што некои од хигиеничарките не се ни воспитани како што треба. И јас мислев исто како него додека еден ден не отидов да го барам проф. по спорт во сала и стоеше една на врата. И велам Добар ден се извинувам и уште не сум дорекла ми вика КАЖИ ДЕВОЈКО :nerv: како да сум и убила фамилија. Не ги заклучуваат соблекувалните, па кај мене во клас често се крадеа работи од соблекувални, мобилни, пари, така да би те советувала паричникот и мобилниот да ги носиш со тебе во сала и да ги оставиш на клупа кај професорот.
Една хигиеничарка, познатата Цаци која воедно е и портпарол на ЈБТ
, бара цигари од тие кај мене што пушат за да ни отвори побрзо вратата од сала да излеземе, да не го чекаме професорот.
Тоа што е средено школото, средено е, ентериерот е среден, како што можеше да видиш денес, клупите, столчињата, компјутерите се здрави, кабинетите се средени и очувани, тревата се коси чатпат (кога нема да го фати мрза Никола).
Ама знаеш, не жалам што се запишав таму. Запознав прекрасни личности и odmazni4ka. Поминав и верувам дека ќе поминувам прекрасни моменти, незаборавни и да можам пак да се запишам во средно, пак би го одбрала ЈБТ.
Друго нешто ако те интересира тебе и новите што сте, пишете
П.С. Која ти е класна?