Јас кога аплицирав за пракса/работа, искрено немав сработено ништо надвор од факултетот. Немав читнато НИШТО настрана од факултетот, нула.
Аплицирав прво за Graduates програма на Ендава. Поминав ок на сите технички интервјуа, и паднав на менаџерско интервју. Дали се става бе џуниор на менаџерско интервју? Ден искуство немав со работа, ме прашува како ќе реагираш ако цел тим ти замине на одмор а ти треба да деливираш нешо на клиентот? Која е идеалната распределба на сениори/џуниори во една компанија? Ми дадоа некој use case и ме оставија во канцеларија 10 мин, као еве ти оставаме време малце да размислиш. Кој qr. Не влегов на позицијата.
После неколку месеци ми се отвори шанса за влез во поголема компанија и имав прекрасни ментори кои навистина ми помогнаа и ме донесоа каде што сум денес. Мислам дека "ми падна секирата во медот", бидејќи ми помогнаа да ја пополнам таа "дупка" што ја имав од факултетското знаење до знаењето потребно за индустријата. Тука влегуваа работи од гит па се до архитектури. Седнав да работам на клиентски проект, не знаев како да креирам пост реквест. Не знаев дека има рест клиенти, за постман немав ни слушнато. На факултет никогаш не беше спомнато, како што кажав надвор од факултет јас сама ништо не чепкав, преку лето не одев на пракса туку работев во други сектори. И не ми е срам да го кажам тоа, не знаев, научив.
Морам да кажам дека и фирмата кај што започнав беше посветена на едукација на џуниорите, и од оваа гледна точка и тоа игра огромна улога во напредокот. Од прв ден започнав на клиентски проект, ама имав секојдневен надзор од ментор. Не бев фрлена на некој рандом проект со уште 10 џуниори да си куцкам глупости. Си јадев шамарчиња на ПР, имав киксови, си плачев дома, ама така се научив. Имав слобода да поставам какво било прашање, и таа атмосфера многу значи за некој кој штотуку почнува и се осеќа изгубен. За жал, кај нас најчесто кога се објавува оглас за џуниори, се бара некој со добро потковано ИНДУСТРИСКО знаење кој ќе работи за мали пари. Велам индустриско, пошо има разлика од факултетското знаење со кое излегува секој џуниор, и знаењето потребно за да се работи во ИТ индустријата. Не се гледа на оваа позиција како долгорочна инвестиција, во која свој удел ќе имаат и сениори, и менаџери, и рандом колеги. Реалноста е дека на тој кадар треба да му се посвети внимание за да се има поврат на инвестицијата. Многу мал број фирми се спремни да понудат вакво нешто.
Од моето искуство сметам дека треба да се даде шанса. Дали знаев да ги објаснам ооп на интервју? Ги пеев како песна. Дали ги сфаќав ? Меееех. Кога веќе почнав да работам и имав hands on искуство со големи проекти, тогаш навистина почнав да ги сфаќам бенефитите на ооп и солид принципите.
Доволно е за џуниор малку да му фаќа кликерот и да има волја за учење и напредок. Прашања од типот архитектури, оптимизации, асинхрони процеси, справување со одредени ситуации ....