Предлозите на Нимиц

[yin yang]

Значи сите сме еднакви на форумов, ама некои се поеднакви од другите.

Амин Администраторе.


п.с. тртење е некултурен, а флодирање е примерен збор. Не знам дали гледаш разлика?

 

[Мистичен]

Сите сте еднакви, администраторот кажува кој флудира, не обратно. Затоа е и администратор.

И прекини со иронијата, аминувањата...

Назад на темата.

 

[yin yang]

Банирај ме ако сакаш, ама навистина не можам да „молчам”.

Не може администраторот ДА КАЖУВА, што е флодирање, кога се знае што е.

И моето пишување надвор од темата и твоето, и моето четање и твоето. Флоод е флоод.

 

[Мистичен]

Може. И само тој кажува, исто како што и само тој банира.

А може бидејќи го избрале за администратор.

А го избрале за администратор бидејќи ги исполнува критериумите, значи меродавен е да каже кој флудира, кој оптеретува и кој ќе иде на бан.

Нешто друго да ти подобјаснам?

 

[yin yang]

Не фала... се видело...

 

[Мистичен]

За да не прашуваш другпат глупости повторно, да биде се у еден мах појаснето.

Значи се ти е јасно, да бидам спокоен.

 

[Profa]

Не станува збор тука за чукање во гради, сите сме за влез во EУ и НАТО. Иако, како поминува време мене се повеќе и повеќе не ми е јасно зашто толку пекаме да не пуштат. Прашањето е дали сте спремни да се натртите за да ве примат? Колку ќе беше фино доколку не моравме да се тртиме...

Предлогот на Нимиц би го споредил со тртење, ама онака културно, со кондом, навидум безгижно. Ама сепак е тртење. Ехеееј, чорбаџии, ви предвидувам прекрасна иднина. Девојка која еднаш ја тртеле - ќе ја тртат секогаш кога ќе им се присака. Знаат колку е лесна, па зашто да не.

More dve strani duri otisle so Balkanstinava nasa,tuku nazad na temata:
Kolku toa treba da se spremame za vlezeme tamu,i kako toa vie go zamisluvate biduvanjeto nase vo EU?
Ne valjda odma rabota u kancelarija i kolice dobro parkirano pred kancelarija
Nema se da sija ama ke ima promeni so bi trebalo da ni se svigjat na site.

 

[GUSAR-VMRO]

Ајјјј и оваа ли тема ја уништи Yin Yang??? Ејјјј За Нимиц правиме муабет, ЗА МАКЕДОНИЈА, а не за пиперките у Струмица дали ќе се родат оваа година или нема!!!
ПРЕДЛОГОТ Е ТАПА!!!
И знамето да ни се врати!!! НЕли на КАЈГАНА сме, паааа мора да покажеме и ЈАЈЦА!

 

[TripleH]

фЕРИД МУХИЌ - ВРЕМЕ




Име и претсказание

Колку добро го разбирам чудењето на Омар Хајам „Поетот на виното“, додека овие две-три недели читам се што се пишува за спорот со Грција за уставното име на Република Македонија. Откако конечно судбината и среќата му се насмевнале да го најде виното на својот живот, по какво што дотогаш само копнеел и мечтаел, тој не можел да му се начуди на сопственикот зошто воопшто му го продава виното. „Навистина, јас виното ти го плаќам со златни лири, но не ми е јасно што подобро можеш да купиш за нив од ова вино што веќе го имаш, а сепак го продаваш! Не ти го разбирам есапот?“

По еден век, по милениум или по милион години, сеедно, луѓето од овие простори најнакрај го најдоа виното по кое од векутум века копнееле, за какво што мечтаеле! Го најдоа најсоодветното име за својата држава: Република Македонија! И потоа, кој знае зошто и од кои соображенија, почнаа сериозни муабети со еден голем мераклија по истото вино, за колку златни лири (или кој знае што друго!) да му го продадат! За да се разбере нивниот есап, нема друго чаре туку да се праша оној винар што го продаваше најдоброто вино во светот, иако за добиените пари не можеше да купи ништо подобро од него!

За каква противвредност и противуслуга досега е продавано не е ни битно. И така нема зделка со продавање на сопственото име во која оној што го продал нема да биде зијан, а оној што го купил нема да биде ќар! Но согласноста да се прифати онаа прокоба и претсказание од името, онаа гнаса составена од буквите БЈРМ, или ПЈРМ, или пак, ФЅРОМ, тоа навистина не само што не може да се разбере, туку час поскоро, од овие стапки, треба да се укине и да се пристане на што било друго, провизорно. Се, само тоа никако и по никоја цена веќе - не!

Б како бивша, П како поранешна, Ф како формер означуваат атрибут на негација, на отсуство, на непостоење. Ако прашате кој е оној човек, па ви го претстават како „Бивш (поранешен итн.), директор, бивш светски првак, бивш министер... едноставно не ви ни одговориле на прашањето. Тие само кажале што тој човек бил, но не што е сега! Ова јасно се гледа од тоа што на дополнителното прашање „Добро, но што е сега?“, без промашување, стопроцентно, ќе добиете ист одговор: „Сега? Ништо бе!“.

Иако македонските политичари го прифатија терминот што навестува, и дури го претскажува најлошото (според онаа латинската Номен ест омен! Името е претсказание!), по некое чудо и за голема среќа, Македонија се уште опстојува. А придавката, ознаката, „бивша/поранешна“ и понатаму формално јазички, и уште поформално логички, како зол пришт го нагрдува и го негира сето она што е содржано во преостанатите три одредници. Така оној што ќе рече дека оваа држава е БЈРМ/ПЈРМ, всушност соопштува дека таа сега не е ниту југословенска, ниту република, ниту е Македонија, бидејќи дисквалификативот бивша/поранешна се однесува на трите преостанати ознаки од името!

Ај добро, сето тоа беше, но што е таа држава сега? Ништо бе! Не ќе може тоа така! Со таа прокоба дека сме само бивши и дека сме сега едно обично ништо бе!, дека државата е едноставно Онаа Што Веќе Ја Нема, опстојуваме, се мачиме, трпиме веќе 15 години. Што да правиш сестро златна!? Пусти таксират!

Но прифаќањето (макар и во редуцирана комуникација, и во околности што до денес останаа неразјаснети) на тоа име што содржи толку лошо претсказание, никако не значи камен околу вратот! Денес, веднаш, може официјално и сосема легитимно да се замрзнат, односно, запрат и прекинат сите понатамошни преговори околу уставното име на Република Македонија. Едноставно се донесува законски акт изгласан од највисоките политички институции, дека за името веќе нема основа да се разговара. Со никого, под никакви услови, врз основа на ничии предлози.

Што би се случило? Би се урнал светот? Некој би прекинал политички, културни, и економски односи со нас!? Би не нападнал или би вовел санкции? Се разбира, ништо од тоа. Толку смешен сепак никој не би сакал да се покаже! Ние и вака веќе имаме на своја страна 100 држави што го прифатија уставното име и врз кои можеме да се потпреме, и наместо Онаа Што Ја Нема, останавме до денот денешен Држава Што Ја Има!

Единствена вистинска штета во таквиот расплет, би ги снашла оние кои сепак гледаат некаков свој есап во тоа на првиот мераклија со длабоко ќесе, да го продадат најубавото вино (читај: името на државата), без оглед што за тие пари не може никаде во светот да се купи ништо поубаво, ни повредно!

А во однос на предлогот од г. Метју Нимиц: 1. Грција го вратила предлогот без да го разгледа; 2. приказните за придавките и супсидијарните форми на името „Македонија“, што ќе ги регулирал Прилогот од договорот, односно, во непредвидени околности, генералниот секретар или негов претставник (точката Б); како и ставот 9. дека ниту една држава нема да тврди дека има исклучиво право врз терминот „Македонија“ или „македонски“, во историска, географска или во комерцијална смисла... и така никој никогаш нема да ги смета за сериозни!

Ниту една држава нема да тврди дека има исклучиво право... А што ќе се случи доколку една или повеќе држави има да тврдат дека имаат исклучиво право? Или доколку едноставно, без да тврдат или негираат било што во врска со името Македонија, почнат да го користат. Реков ли „почнат“? Да! Требаше да речам, доколку „продолжат“ да го користат колку што сакаат и каде што сакаат!?

Како што прави, на пример, веќе 130 години производителот на мојот омилен тутун за луле, Балкан Собрание! Направен од тутуните од Балкан, во лондонска компанија, тој е познат како еден од најдобрите светски тутуни. Притоа, сербез се рекламира и со суверена употреба на „Македонија“ и „македонски“ (интерминглед њитх тхе финест Мацедониан леаф…анд тхе пицк оф алл Мацедониа!). Еве, да ги кодошиме Британците на Грција, па нека ги тужат и нека се закануваат со вето!

Верувајте ми, колку што на Британците ништо не би им можеле, толку и на нас не ќе можат. Само уште да видиме што со тие од наша страна што би да го продадат виното!




Авторот е универзитетски професор

 

[yin yang]

Авторот е универзитетски професор

По филозофија

 

[Divider]

Платон, великанот на античката философија изјавил во своето дело, капитално дело "Држава" дека дрѓавата треба да се состои од три касти, едната е војничка, која ќе се грижи за безбедноста на држвата, другата работничка т.е. составена од имотните лица кои ќе обезбедуваат благосостојба, т.е доволно за сите (војниците, работниците, државниците), третата државниците, кои ќе бидат философи како единствени уќени, интелигентни личности што можат и умеат да владеат правилно донесувајќи вистински и мудри одлуки.

Платон е исто така Философ и Учител!

П.С. Јин Јанг, не ти држи вода забелешката дека ако Мухиќ (со кој јас лично честопати се препирам и не се согласувам) е Униоверзитетски професор по Философија не е умен и образуван човек. PhD = Philosophy Doctor чинам е титулата. Значи, инвестирал барем постдипломски, магистерски и докторски студии повеќе од мнозинството кое во моментов не владее како апсолутисти и велможи од средновековието, а ние како крепосни лица, мораме да слушаме за да не не набркаат од сопствената сермија за која плаќаме секојдневно (не десеток) деветнаесеток.

П.С. И? Што ако е по Философија? Треба да биде по што? Кажи Јин јангче, кажи ми те молам? Ебаго. Пишување паушално ме вади од кожа, Иако лично се препирам со Мухиќ повеќепати одошто се сложувам со него и неговите ставови. И? Или пишуваш колку да негираш? И? И?

Името беше темава чинам, или грешам?

Предлогот, иако отфрлен од Нимиц, сепак е последна, основна платформа за преговори од која понатаму ќе се продолжи, како патоказ. Кога веќе еднаш се лизнавме, самите, дозволивме да се дискутира за името, направивме компромис, тешко е да се вратиме на предкомпромисното стојалиште. Воедно, да прашам кој ја утна работата со името? Кој преговара и прави компромис за своето со некој, кому тоа му е тушо, несвое.
Тоа е како да дојдам кај тебе дома, во твојот дом и да преговарам колку ќе биде мој. Кога еднаш ќе се согласиш на преговори готова е работата, можеш само да изгубиш. Кај нас е таква работата. Губиме, наше е да не изгубиме се, туку што помалку, а дека губиме нешто, губиме. Вака како што сме тргнале, со т6воине умници (кои не се Философи, нели).

 

[yin yang]

П.С. Јин Јанг, не ти држи вода забелешката дека ако Мухиќ

.....


Предлогот, иако отфрлен од Нимиц, сепак е последна, основна платформа за преговори од која понатаму ќе се продолжи, како патоказ. Кога веќе еднаш се лизнавме, самите, дозволивме да се дискутира за името, направивме компромис, тешко е да се вратиме на предкомпромисното стојалиште. Воедно, да прашам кој ја утна работата со името? Кој преговара и прави компромис за своето со некој, кому тоа му е тушо, несвое.
Тоа е како да дојдам кај тебе дома, во твојот дом и да преговарам колку ќе биде мој. Кога еднаш ќе се согласиш на преговори готова е работата, можеш само да изгубиш. Кај нас е таква работата. Губиме, наше е да не изгубиме се, туку што помалку, а дека губиме нешто, губиме. Вака како што сме тргнале, со т6воине умници (кои не се Философи, нели).

Не беше забелешка. Само констатација.


А ти мислиш мене ми се допаѓа ситуацијата? Така ги поставивте работите во темава (а најверојатно сум јас најповеќе виновна за тоа) како јас да се радувам затоа што мораме да преговараме за името.

Во паралелен свет, би предпочитала да немаше ваков проблем, со кој би изгубиле толку години и наместо да се занимаваме со тоа, да се занимававме со други работи, да стигневме со решавање на економските прашања.

Ама никој не ја праша Јин Јанг, ниту некој (како што испадна) ја праша Македонија дали и се допаѓа или не да преговараме за името.

Проблемот дојде, наметнат, НО ТУКА Е. Нема бегање, нема заобиколување. Колку подолго ќе се пролонгира решавањето, толку подолго ќе трпиме последици НИЕ, како народ, како држава.

 

[TripleH]

добро а што мислите за ова[/COLOR]

Време- Игор Јанев

Време е за правна битка за името

Најновиот предлог на посредникот Метју Нимиц содржи воспоставување на уставното име на Р. Македонија во ООН, по 2008 година. Дотогаш, нашето име би било напишано на македонски на латиница, т.е. Република Македонија, наместо Уставно име на РМ напишано на англиски јазик, односно Републиц оф Мацедониа. Грците ќе можат да го користат називот Република Македонија-Скопје, а државите што не признале под уставното име него би користеле како и досега, но надвор од ООН.

Ваквиот предлог е исклучително поволен за Македонија, меѓутоа не претставува решение на проблемот зашто во старт може да биде, а веќе и е, одбиен од грчка страна.

Во неколку мои труда, објавени во врвни научни списанија, покажувам дека не постои заемно прифатливо политичко решение на овој проблем. Проблемот има претежно правна природа и треба да се решава со правни средства на местото каде што настанал, а тоа е во ООН. Во моите трудови докажувам дека Македонија е примена со два дополнителни и незаконски услова, кои се косат со членот 4 од Повелбата на ОН, каде што се дефинирани условите за прием на држави во ОН.

Уште во 1999 година подготвив Предлог-резолуција што требаше македонската држава да ја стави на дневен ред на Генералното собрание на ОН и со тоа да покрене постапка, во која ова Собрание поставува прашање до Меѓународниот суд за правда за легалноста на овие дополнителни услови и обврските што произлегуваат од овие услови. Земајќи предвид дека во дамнешната 1948 година слична постапка е веќе направена и дека од страна на Судот е заклучено дека дополнителни услови не смеат да се поставуваат, ниту за нив може да се гласа, мошне е извесно дека и во македонскиот случај би се покажало истото и дека Македонија може да ја почне вообичаена процедура за прием во ООН.

Поранешниот претседател Киро Глигоров во октомври 1999 година беше спремен да го стори тоа, меѓутоа целата акција се одложи поради разни квазимислења и влијанија од некои луѓе од кабинетот и надвор од него. Подоцна претседателот Глигоров во македонското собрание изрази став дека, кога би имало повеќе време, ваква акција би била покрената во Генералното собрание на ОН. За жал, досега ниту една власт не покажа добра волја ниту адекватно знаење да работи на овој план.

Покрај сите објаснувања дека проблемот е од правна природа, сегашниот состав на МНР и составот на кабинетот на премиерот и понатаму не ја разбираат, или не сакаат да ја разберат, правната основа на проблемот. Речиси сите сметаат дека проблемот е претежно политички. Ако ги анализираме ставовите на поранешните министри за надворешни работи и македонските експерти што сега се објавуваат во весниците по повод предлогот на Нимиц, ќе заклучиме дека сите без исклучок го третираат проблемот само како политички и не ја разбираат неговата правна страна. Токму оваа ситуација, во која македонската страна со години е пасивна и нема обучен кадар за правно решавање на проблемот, упатува на заклучок дека предлогот на Нимиц е добар и треба да се прифати.

Во 1998 година, работејќи во архивата на ООН во Виена, пронајдов исклучително битен документ врзан за проблематика со името. Врз основа на овој документ, заведен како УН доц.С/1466 од 1950 година, направив стручен труд, кој е објавен во 1999 година во Америцан Јоурнал оф Интернатионал Лањ (АЈИЛ), во кој е докажан принципот дека државите немаат ексклузивни права на имиња. (Патем, овој мој личен придонес во целиот случај официјалните власти ниту го регистрираа, ниту пак, скраја да е, ми се заблагодарија). Врз база на теоријата на дополнителните услови, што претходно ја елаборирав, Кризната група во својот Извештај од 2001 година зазеде став дека во македонскиот случај се работи за прием во ООН под незаконски услови. Токму овој принцип на непостоење ексклузивни права на имињата лежи во основата на признавањето на името Република Македонија од страна на САД, како и на сегашниот нов Предлог на Нимиц.

Во гореспоменатиот документ е покажано дека државите при приемот во ООН не можат да бидат условувани со претходно признавање на правната личност или на елементите на правната личност. Овој став е од далекосежно значење во врска со нашето уставно име. Името на државата е правниот идентитет во меѓународно-правната комуникација. Правниот идентитет, понатаму, е основен елемент на правната личност на државите. Оттука произлегува дека поставувањето барања врзани за името на државата, независно дали државата се согласила со тоа или не, е поставување услови. Поопшто, условите се дефинирани како барања врз кои апликантот не може да влијае.

Втор дел од докажувањето дека се работи за неправни услови е докажувањето дека условите се дополнителни во однос на тие предвидените во Повелбата на ОН. Овој доказ е добиен преку анализа на Советодавното мислење на Меѓународниот суд на правдата од 1948 година, во кое е утврдено дека условите кои не се експлицитно содржани во чл. 4 од Повелбата не смеат да се поставуваат, ниту за нив смее да се гласа. Од наведениот документ УН доц.С/1466, произлегува дека условите за Република Македонија се дополнителни, бидејќи се врзани за барања кои се надвор од контрола на апликантот.

Услови кои и се поставени на Република Македонија при приемот, надвор од Повелбата на ООН се два: да носи деноминација во ООН, се додека траат разговорите за името, и да разговара за името со членка (која не го признава нејзиното уставно име). И двата услова временски траат по приемот и се поставени на неопределено време.

Другите мои трудови, објавени во странски научни списанија, објаснуваат дека всушност не постои заемно прифатливо политичко решение. Единствен начин да се разреши проблемот со името е следниот: Генералното собрание на ОН, по предлог од македонската влада, да постави прашање до Меѓународниот суд во Хаг дали условите за приемот на нашата држава во ООН се дополнителни во однос на пропишаните егзостивни услови од чл. 4.од Повелбата на ООН. По добивање на Мислењето од Судот дека специфичните критериуми се дополнителни

(исто како и во погореспоменатиот документ од 1948 година), Генералното Собрание на ОН би можело да примени стандардна практика и да дозволи прием под уставното име на Република Македонија.

Треба да се спомне дека во 2002 година, како советник на министерот за надворешни работи Слободан Чашуле, јас лично испратив писмо со ваква Предлог-резолуција до ООН. Таа акција во голема тајност беше стопирана од страна на МНР во ОН, под изговор дека не е упатено писмо од соодветен орган. Од друга страна, на практично идентично писмо, но без Предлог-резолуција, испратено од пратеникот Тито Петковски, му беше одговорено од ООН. Во Одговорот пишуваше дека политички орган на ОН треба да постави прашање до административен или судски орган на ОН. Ова беше најголем придонес на еден претставник на Република Македонија во врска со името. Овој придонес може да се доведе во врска со сегашното отстапување од страна на Нимиц од тврдата линија.

Многу скоро ќе стане сосема очигледно дека „заемно прифатливо политичко решение не постои“ и ќе мора да се почне да се работи на правно решение, а тоа значи дека ќе мора да се подготви предлог, сличен на тој што беше поддржан своевремено од Глигоров. Доколку „правната“ идеја не се прифати од страна на Владата, може да се предвиди дека патот до ЕУ ќе биде исклучително долг и нејасен, а победа со името многу неизвесна. Се надевам дека овојпат Владата ќе реагира брзо.

Авторот е виш научен соработник на Институтот за политички студии во Белград и поранешен советник во МНР

 

[OBDN]

По филозофија

Off topic ama moram.

KOnstatacija samo a? Laicka i nepotrebna odma da ti kazam. Posto Ferid Muhic ima diploma po filozofija, no ako trknesh do filozofiski ili ako si imala sansa da go gledas po svetskite univerziteti ke znaese dek Muhic ne predava samo filozofija, tuku i antropologija, i politika, se fokusira na demokratija i demokratski procesi, sistemi i ja da da da da - da sekogash so primesi na filozofskite pogledi i filozofskite klasici, bidejki toa mu e osnovata.
Ova samo konstatacija - a ja pravam posto pocnaa na nervi da mi idat prosto-edvaj ponekogash prosireni recenici, koi se ete neshto da se kaze, a ne menuvaat i neznacat nishto za temata.
Ako sakashe da kazesh deka Ferid e filozof i kako takov ne merodaven da dava mislenje na temata - togash ke ti vratam deka 90% od vas ovde ne ste merodavni za da zborite, sem jas diplomiran politikolog i mozda use eden dvajca.
A ako sakash samo da konstatirash ko shto rece -- lisi ne -- ne trosi server mesto. Ako ima nekoj koj neznae shto e Ferid ondak ima problem so informiranost, i ne bi bil na ovaa tema -- bar ne bi trebal da bide.

Ajt. Odam jas da go procitam filozofot.

 

[yin yang]

Што се запнавте за тоа. Само надополнував. Не знам што е проблемот сега?