LepiDzoni
Profesionalen ulichen cigan
- Член од
- 25 јули 2014
- Мислења
- 1.338
- Поени од реакции
- 3.310
По три недели поминати во кома по доживеан мозочен удар, популарниот саксофонист и кларинетист Ферус Мустафов (72) ја изгуби битката за живот. Негови колеги и почитувачи на неговата музика се простуваат со него на социјалните мрежи, и потсетуваат на неговата големина како талентиран музичар, но пред се како човек.
Мустафов, кој е роден во Штип и таму ги помина последните години од животот заедно со сопругата Јелена и ќеркичката Мелек (11), помеѓу блиските беше познат како сочувствителен и скромен човек, посветен на семејството, но и на музиката.
До последен момент тој настапувал, а во последното интервју за ,,Фокус” од пред три години, во ек на пандемијата со Корона вирус, и самиот раскажуваше дека секогаш достоинството му е на прво место, па колку и да е тешка состојбата во која тогаш се најдоа музичарите, тој никогаш јавно не би се жалел и не би барал помош.
-Јас примам минимална пензија, сопругата Јелена не е вработена, иако веќе подолг период бара работа. Ја имаме ќеркичката Мелек која има девет години, се снаоѓаме како умееме. Минималната пензија е доволна да се платат сметките, но не се жалам. Имам помош од семејството, толку години сум настапувал, сум заработувал, срамота е сега да излезам во јавност и да барам помош од државата-раскажуваше музичарот.
Откри дека не добил ниту денар од државната помош која тогаш поради кризата беше одобрена за неговите колеги, бидејќи како на пензионер не му следувала, и изјави дека не ни планирал да седи со скрстени раце и да чека пари од буџетот.
-Познавам многу колеги, музичари, кои си имаат и друга работа покрај музиката, ама беа најгласни да добијат парична помош и од државата. Не го оправдувам тоа, класична злоупотреба е. Посебно оние младите кои бараа помош, не знам зошто не се снаоѓаат, не може така да се седи и да не се работи ништо друго, пандемијата може да потрае со години, на товар на државата ли да бидат цело време?
Каде е инстинктот за преживување, мора да се работи нешто, а не да се чека некој да ти даде. Јас на моја возраст не се откажувам, јасно ми е дека мора сам да се снаоѓам за да си ја гледам фамилијата, а од друга страна гледам како млади, во свои 30-ти или 40-ти години чекаат друг да ги помага.
Нека ми простат, ама кога гледам дека нешто не е во ред, не можам да премолчам, исто како со ситуацијата со музичарите од странство. Музика е ова, уметност, кој има дарба и квалитет, ќе си најде начин да си живее од музицирање, кој не, од друго место нека си бара леб. Сепак, не можеме да одиме едни против други, потребно е да се има разбирање за сите кои се од нашата бранша, сеедно од која земја доаѓаат – раскажа музичарот по последното интервју за ,,Фокус”.
Музичарот има син и ќерка од првата сопруга Лиле, со која се разведе во 2007 година, по околу 35 години брак. Неговиот внук Ферчо тргна по неговите стапки и веќе подолг период активно се занимава со музика. Со сопругата Јелена ја имаат ќерката Мелек, а кога ја добија Ферус имаше 62 години. Често раскажуваше дека е горд на своето семејство и се радува кога куќата му е полна со луѓе.
