Ајде уште едно добро обработено видео со факти, и јас мислам нема веќе потреба да се докажува, на сите ни е јасно која е вистината и која е целта.
Па ова и не е нешто ново.
Американците на сличен начин ги соборија Садам Хусеин во Ирак и Моамер Гадафи во Либија.
Од никаде се појавуваат докази и сведоци и сите посочуваат дека во таа и таа држава на власт се злосторници кои мораат да се симнат од власт, милум или силум.
Подоцна се докажа дека и доказите биле лажни и сведоците лажно сведочеле, но како што рекол Адолф Хитлер:
" Кога се започнува и води војна, не е важна вистината, туку победата " .
На крајот на краиштата, и Втората Светска Војна започнала со лажен инцидент.
Погубени затвореници биле облечени во полски воени униформи и оставени на границата помеѓу Нацистичка Германија и Полска, по што нацистичкиот министер за пропаганда Јозеф Гебелс објавил дека полски војници нападнале германски војници на границата помеѓу Германија и Полска. Останатото е веќе позната историја - Хитлер ја напаѓа Полска на 1 септември 1939 и со тоа започнува Втората Светска Војна.
Истото се случува и со уривањето на овој малезиски авион во источна Украина.
Настрана некои речиси апсурдни факти спомнати во видео клипот, како што е спомнувањето на бројот 7, глупавото мешање на Холандија со Белгија и фаталната грешка дека Брисел е во Холандија, додека во реалност Брисел е главен град на Белгија, сепак држи вода тврдењето дека е премногу сомнително тоа што толку многу докази со кои се осудуваат новоруските бунтовници во источна Украина, се појавија одеднаш на Интернет.
Но воопшто не треба да се изненадиме доколку американските политичари, а особено Барак Хусеин Обама, Џон Кери и Џон Мекејн, ги прифатат ваквите Интернет докази како веродостојни.
На крајот на краиштата, на 11 септември 2012, се случи терористички напад во американскиот конзулат во Бенгази - вториот најголем град во Либија, а при нападот беа убиени американскиот амбасадор во Либија - Кристофер Стивенс и уште 3 американски дипломати.
Во наредните 2 недели, американската федерална влада на чело со Барак Хусеин Обама, насекаде низ целиот свет, па дури и во Организацијата на Обединетите Нации, урлаше дека станувало збор за спонтани протести кои излегле од контрола, при што имало човечки жртви и материјална штета, а за сето тоа бил виновен видео клип на Интернет кој бил навредлив за муслиманите.
После тие 2 недели, истата американска федерална влада на чело со истиот Барак Хусеин Обама, конечно на светот му откри дека не станувало збор за спонтани протести, туку дека сепак станувало збор за организиран терористички напад.
Но останува фактот дека 2 недели обвинуваа видео клип на Интернет за трагедијата што се случи, наместо да ги обвинуваат радикалните исламисти кои го извршија ваквиот терористички напад.
Воопшто не треба да се изненадиме доколку и овие "докази" кои од никаде се појавија на Интернет во најкраток можен временски период после уривањето на малезискиот авион во источна Украина, бидат сериозно земени во предвид како веродостојни од страна на истата американска федерална влада на чело со истиот Барак Хусеин Обама и неговите двајца потрчковци, кои несомнено се ако не најголемите, тогаш едни од најголемите лобисти на американската воена индустрија во САД - Џон Мекејн и Џон Кери.
......