по триемсечна потрага уапсен Тетовскиот мевосек
Полицијата го уапсила напаѓачот во моментот кога тој се обидел со нож да нападне 14-годишно девојче, завчера на улицата „ЈНА“ во Тетово
Уапсен е тетовскиот насилник, кој го доби прекарот Џек Мевосек по серијата напади со нож на млади девојки во Тетово. По речиси три месеци бегство, полицијата го уапси Мустафа Д. (22) од Тетово. Напаѓачот бил уапсен веднаш откако се обидел со нож да нападне 14-годишно девојче додека стоело пред зграда на улицата „ЈНА“, завчера околу 21 часот.
Уапсениот Мустафа Д. од порано и' бил познат на полицијата. Тој бил регистриран уживател на дрога и досега бил пријавуван за разбојништва и за тешки кражби, како и за нарушување на јавниот ред и мир.
По целосното расчистување на случајот, полицијата против уапсениот ќе поднесе кривична пријава, а истражен судија ќе му одреди притвор.
Полициската истрага утврдила дека напаѓачот во мај годинава нападнал четири девојки. Во сите случаи, жртви на Мевосек биле млади девојки на возраст од 17 до 20 години. Во два случаја Мевосек прободе две девојки со нож, но, за среќа, тие не беа сериозно повредени. Заедничко во четирите напади е тоа дека напаѓачот не се обидел да ги ограби девојките ниту им се заканувал, туку директно ги напаѓал.
Три месеци тетовци живееја во страв, но и во надеж дека полицијата ќе го уапси напаѓачот. Родителите беа во страв да ги пуштат децата навечер во кафулињата, девојките што работат во ноќна смена работеле во страв дали безбедно ќе се вратат дома, а тетовскиот Џек Мевосек речиси три месеци беше недостапен за полицијата.
Министерството за внатрешни работи веднаш испрати засилување во Тетово, кое и' помогна на локалната полиција побрзо да го пронајде насилникот кој три месеци сееше страв низ тетовските улици. Веднаш по серијата напади врз девојките, во МВР најавија дека обрачот околу Мевосек се стега и оти набргу тој ќе се најде зад решетки. Тетовската полиција беше комплетно мобилизирна и во изминатиот период разговарала со повеќемина осомничени.
Првиот напад се случил вечерта на 30 мај на улицата „Благоја Тоска“. Насилникот ја нападнал Ева Которничева (17) кога се враќала дома и и' ја расекол раката. Тој ја следел Ева, го исклучил светлото во влезот и ја чекал да дојде. Во темницата Ева го извадила мобилниот телефон за да си го осветли патот. Тогаш била нападната, а во борбата со напаѓачот и се скршил телефонот. Таа се бранела и успеала да го одбегне ударот, но напаѓачот успеал да и го расече лакотот на десната рака.
Еден час откако била нападната Ева, на улицата „Предраг Јанчевски“ биле нападнати Даниела Петковска (20) и другарка и' С.А. (20). Улицата на која биле нападнати двете девојки е во т.н. Ајдучко Маало, каде што претежно живее македонско население и кое долго не е осветлено.
Двете девојки, кои се студентки на Тетовскиот универзитет, се враќале од работа во една локална телевизија. Напаѓачот со нож се обидел да ја расече С.А. (20), која успеала да побегне, но настрадала нејзината другарка Даниела, која при бегањето се сопнала, па напаѓачот ја пробол во рацете и во левата нога
