Ѓорги Петрушев, градоначалникот на Богданци, проневерил 4,5 милиони денари општински пари и бил осуден на 2 години условен затвор, но се уште е на чело на општината, што е спротивно на законот за локална самоуправа, дознава „Време“. Петрушев бил осуден за злоупотреба на службената положба и овластувања затоа што незаконски потрошил 4.446.190 денари, пари за обесштетување на земјоделците чии посеви настрадаа во катастрофалните поплави во 2004 година. Пресудата станала правосилна на 18 октомври 2007 година и против неа не била поднесена никаква жалба. Според член 54 од Законот за локална самоуправа, на градоначалникот му престанува мандатот доколку е осуден на казна затвор во времетраење од 6 месеци. Петрушев, кадар на СДСМ, ни изјави дека не бил информиран за случајот ниту за одредбите од Законот за локална самоуправа. Тој одби да одговори дали бил осуден за кривично дело злоупотреба на службена положба и овластувања.
- Не знам. Првпат слушам дека не треба да бидам градоначалник и дека ми престанал мандатот. Не е баш дека ненаменски сум трошел пари. Дали сум осудуван? Тоа не знам, ќе треба сами да си проверите - изјави тој.
Во МВР само потврдија дека Петрушев бил обвинет дека ненаменски потрошил 4,5 милиони денари.
- Го обвинивме затоа што парите што ги доделила Владата за обесштетување на земјоделците Петрушев ги префрлил на синдикална сметка на јавното претпријатие, а оттука ненаменски ги трошел за разни потреби. Пресудата е правосилна. Таа воопшто не била обжалена ниту од Петрушев, ниту од Обвинителството - изјави Иво Котевски, помошник-министер во МВР задолжен за односи со јавноста.
Во Владата изјавија дека не биле информирани за случајот и останаа без коментар.
Гордана Силјановска, професорка на Правниот факултет и експерт за локална самоуправа, изјави дека мандатот на градоначалникот мора да му престане по автоматизам.
- Законот е јасен и тука нема потреба од никакви процедури, посебни органи или Уставен суд. Градоначалничкиот мандат престанува доколку носителот е осуден со правосилна пресуда на најмалку 6 месеци затвор. Тој е должен пресудата да му ја достави на општинскиот Совет и веднаш да се констатира престанок на мандатот - изјави Силјановска.
Во општината велат дека Петрушев не му ја доставил пресудата на Советот.
Илија Карагошев, пак, претседавач на Советот, завчера нервозно изреагира на новинарското јавување.
- Што ако си новинар. Кој ти дозволи да ме вознемируваш за време на работното време. Имам работа и немам никаков коментар - изјави тој.
Парите кои ги одобрила Владата од државен буџет биле наменети за обесштетување на земјоделците чии посеви настрадаа во катастрофалните поплави во 2004 година. Истите биле префрлени на наменска сметка на општината чиј потписник бил Петрушев. Иако парите биле строгонаменски, Петрушев во 2005 година ги префрлил на сметката на синдикатот на Јавното претпријатие „Водовод Богданци“. Оттука ги пренасочувал на повеќе разни сметки. Со овие пари тој исплатувал плати за ракометарите на „Младост“, ноќевања во хотел Полин во Стар Дојран, ги користел за учества во јавни наддавања за градежни земјишта, плаќал регистрации за ракометари.
Министерството нема поим за случајот
Министерството за локална самоуправа не било известено за правосилната пресуда против градоначалникот на Богданци, тврдат од Министерството.
- До нашето министерство досега не е стигнато известување за таков случај. Според законот за локална самоуправа мандатот на градоначалникот му престанува ако е исполнет кој било услов за тоа. Ако станува збор за правосилна пресуда, Советот е должен во рок од 15 дена од правосилноста на пресудата да го извести Министерството за локална самоуправа - изјавија вчера во Министерството.
Време
- Не знам. Првпат слушам дека не треба да бидам градоначалник и дека ми престанал мандатот. Не е баш дека ненаменски сум трошел пари. Дали сум осудуван? Тоа не знам, ќе треба сами да си проверите - изјави тој.
Во МВР само потврдија дека Петрушев бил обвинет дека ненаменски потрошил 4,5 милиони денари.
- Го обвинивме затоа што парите што ги доделила Владата за обесштетување на земјоделците Петрушев ги префрлил на синдикална сметка на јавното претпријатие, а оттука ненаменски ги трошел за разни потреби. Пресудата е правосилна. Таа воопшто не била обжалена ниту од Петрушев, ниту од Обвинителството - изјави Иво Котевски, помошник-министер во МВР задолжен за односи со јавноста.
Во Владата изјавија дека не биле информирани за случајот и останаа без коментар.
Гордана Силјановска, професорка на Правниот факултет и експерт за локална самоуправа, изјави дека мандатот на градоначалникот мора да му престане по автоматизам.
- Законот е јасен и тука нема потреба од никакви процедури, посебни органи или Уставен суд. Градоначалничкиот мандат престанува доколку носителот е осуден со правосилна пресуда на најмалку 6 месеци затвор. Тој е должен пресудата да му ја достави на општинскиот Совет и веднаш да се констатира престанок на мандатот - изјави Силјановска.
Во општината велат дека Петрушев не му ја доставил пресудата на Советот.
Илија Карагошев, пак, претседавач на Советот, завчера нервозно изреагира на новинарското јавување.
- Што ако си новинар. Кој ти дозволи да ме вознемируваш за време на работното време. Имам работа и немам никаков коментар - изјави тој.
Парите кои ги одобрила Владата од државен буџет биле наменети за обесштетување на земјоделците чии посеви настрадаа во катастрофалните поплави во 2004 година. Истите биле префрлени на наменска сметка на општината чиј потписник бил Петрушев. Иако парите биле строгонаменски, Петрушев во 2005 година ги префрлил на сметката на синдикатот на Јавното претпријатие „Водовод Богданци“. Оттука ги пренасочувал на повеќе разни сметки. Со овие пари тој исплатувал плати за ракометарите на „Младост“, ноќевања во хотел Полин во Стар Дојран, ги користел за учества во јавни наддавања за градежни земјишта, плаќал регистрации за ракометари.
Министерството нема поим за случајот
Министерството за локална самоуправа не било известено за правосилната пресуда против градоначалникот на Богданци, тврдат од Министерството.
- До нашето министерство досега не е стигнато известување за таков случај. Според законот за локална самоуправа мандатот на градоначалникот му престанува ако е исполнет кој било услов за тоа. Ако станува збор за правосилна пресуда, Советот е должен во рок од 15 дена од правосилноста на пресудата да го извести Министерството за локална самоуправа - изјавија вчера во Министерството.
Време
