Одлична вест за Македониjа: Сименс ќе отвори софтверски центар во Скопjе

[wild_rider]

Економија

„Сименс интернешенел“ влегува во Македонија

Германската компанија планира да отвори софтверски центар во Скопје

МАЈА ТОМИЌ

Светски водечката информатичка компанија - германски „Сименс интернешенел“ наскоро ќе отвори софтверски центар во Скопје. Така беше договорено на вчерашната средба меѓу вицепремиерот Зоран Ставрески и Василиос Кастанис, регионален менаџер за развој на „Сименс“. Вредноста на инвестицијата засега не се обелоденува, освен што се кажува дека ќе се реализираат меѓу 10 до 20 вработувања во почетокот.

„Како резултат на повеќемесечните преговори, со задоволство информираме дека ’Сименс интернешенел‘ влегува во Македонија со отворањето на центарот за развој на софтвер. Тоа е потврда дека земјата е интересна дестинација за странски инвестиции и дека напорите на Владата за подобрување на бизнис-климата и за заокружување на реформските процеси дадоа резултат. Очекуваме софтверскиот центар да расте и во блиско време голем дел од софтверот на ’Сименс‘ да се изработува во земјава“, изјави Ставрески по вчерашните преговори со претставниците на „Сименс“.

Очекувањата на Владата се дека со „Сименс“ ќе се остварува долгорочната соработка во повеќе сектори, меѓу кои транспортот, железницата и здравството. „Очекувам дека влезот на ’Сименс‘ ќе биде позитивен сигнал за други странски компании да одлучат да инвестираат во Македонија“, рече Ставрески.

Според Костанис, инвестицијата во Македонија е само дел од глобалната мрежа инвестициите кои „Сименс“ ги има во 190 држави во светот. „Веруваме дека во Македонија ќе го најдеме потребниот квалификуван кадар за софтверскиот центар, веруваме дека земјата е со стабилно политичко опкружување и има знаци на економски раст“, изјави Костанис. Тој додаде дека в понеделник во македонските медиуми ќе биде објавен огласот за првите вработувања. Ќе стане збор за 10-15 лица кои, според Костанис, ќе бидат обучувани за работа во странство пред да се вклучат во производствениот процес. Овие вработувања ќе бидат реализирани во првата фаза од бизнисот на „Сименс“ во земјава, а подоцна ќе има и отворање повеќе работни места. Колкава ќе биде вредноста на оваа инвестиција на „Сименс“ во Македонија ниту вицепремиерот Ставрески ниту Костанис не дадоа одговор. Инаку, поранешната влада во повеќе наврати водеше преговори со претставници на „Сименс“ за инвестирање во земјава. Последните беа лани, кон средината на јуни, непосредно пред изборите. Тогаш се потпиша протоколарен договор со претставници на „Сименс“ без прецизни проекти, рокови и суми. Се верификуваа неколку проекти во медицината и во инфраструктурата, без да се прецизира кој од нив ќе добие приоритет.

Еден од плановите на владата беше „Емо“ и „Сименс“ да формираат заедничка компанија за обработка на софтвер и нова технологија.

http://www.utrinski.com.mk/?ItemID=10B891E1C747214795183C4185FDF701

 

[wild_rider]

Вести за уште некои нови инвестиции и сведоштва за подобрување на бизнис-климата во Македониjа. Потенцирам - не станува збор само за чиста економиjа, туку за општ економско-социjално-политички комплекс од случувања:


Австриска фирма ќе гради фабрика за рециклирање на отпад во Струмичко Претставниците на австриската фирма „Заубермахер“, кои деновиве престојуваа во работна посета на Струмица, изразија оптимизам дека по освојувањето на словенечкиот ќе влезат и во македонскиот комунален бизнис.
На средбите со градоначалниците на општините Струмица, Ново Село, Босилово и Василево, кои неодамна покренаа заедничка иницијатива оваа фирма да го собира, транспортира и преработува сметот во Струмичкиот регион, Австријците изразија целосна подготвеност да го преземат стопанисувањето во оваа област и да инвестираат во изградба на фабрика за рециклирање на комуналниот отпад.
Досегашните позитивни искуства на повеќе општини од Република Словенија во соработката со „Заубермахер“ се надеваме дека успешно ќе ги примениме и кај нас и дека конечно и во Струмичко целосно ќе го решиме прашањето со комуналниот отпад, што ќе значи голем исчекор во напорите за надминување на натрупаните еколошки проблеми, а за доброто на сите граѓани, изјави за МИА градоначалникот на Општина Струмица, Зоран Заев.
Во врска со иницијативата за регионален пристап кон прашањето за стопанисување со комуналниот отпад засега постои заедничка согласност на сите политички партии, а до крајот на март се очекува за понудата на Австријците позитивно да се изјаснат и советите на четирите општини од регионот.
Сега сме во фаза на изнаоѓање модел како фирмата „Заубермахер“ најрационално да го опфати собирањето и транспортот на комуналниот отпад во целиот регион и колку тоа ќе ги чини граѓаните. Извесни тешкотии очекуваме во населените места каде што сметот не се собира организирано и граѓаните досега не издвојувале средства за таа намена. Но, се надеваме дека еколошката свест на повеќето наши сограѓани е на задоволително ниво и дека на крајот ќе надвладее разумот за почиста и поздрава животна средина, вели градоначалникот на Општина Босилово Ѓорги Манушев.


Италијанска компанија сака да инвестира во хидросистемот Оризарска река Претставиници на италијанската инвестициска компанија Ковер во минатата недела ја посетиле општината Кочани и изразиле интерес да инвестираат во изградба на хидросистемот Оризарска река, изјавија претставници на локалната власт во Кочани.
Италијанските бизнисмени изразиле интерес да вложат во изградба на хидросистемот. Тоа вклучува изградба на брана на реката, како и инвестициски зафат за извлекување на водата од реката во фабрика за преработка на вода и систем за наводнување. Според анализите кои ги има направено општината Кочани, вкупната инвестиција би чинела 57 милиони евра.
Според планот што општината го има направено за Оризарска река, предвидена е и изградба на две хидроцентрали, за што италијанските бизнисмени биле посебно заинтересирани.
Ковер е италијанска инвестициска компанија која во моментов работи во Софија, а со оглед на тоа што Бугарија влезе во ЕУ, тие сега бараат нови поисплатливи пазари.



Почна изградбата на фабриката на Џонсон контролс Изградбата на фабриката на Џонсон контролс во слободната економска зона Бунарџик почна денеска. Објектот ќе го гради домашната компанија Маврово инженеринг, која треба да го заврши во рок од седум месеци.
Според најавите, градителот до 30 август треба да го заврши погонот за производство на внатрешна електронска опрема, пред се, за автомобилската индустрија, и да го предаде во употреба.
Во септември, според лобистот за оваа инвестиција Ристо Гуштеров, инвеститорот треба да започне со монтирање на опремата, а во декември се очекува почеток на редовното производство. Гуштеров се надева дека и владините институции ќе ги испочитуваат договорените термини за подготвување на инфраструктурата за инвестицијата вредна околу 6 милиони евра. Електрична енергија и водоводна мрежа до зоната треба да бидат донесени најдоцна до средината на годинава, а проектот за гасификација на Бунарџик треба да заврши до октомври.
Инфраструктурата во зоната е обврска на Владата, не само поради Џонсон контролс, туку и поради другите странски инвеститори кои треба да ги привлече да изградат свои погони во Бунарџик.


Државното земјиште кочничар за словенечка инвестиција од 50 милиони евра Словенечката компанија Терме Олимија не може да ја почне изградбата на бањскиот комплекс во Гевгелија, во кој планира да вложи 50 милиони евра, заради бавната администрација.
Дел од земјиштето кое Терме Олимија го купила за реализирање на проектот е во државна сопственост, па поради тоа словенечката компанија се обратила до Министерството за транспорт и врски од каде што сеуште го чекаат одговорот.
Терме Олимија планира да гради голем бањски комплекс кај местото Смоквица на 15 километри од Гегелија. Веќе е формирана и мешовита компанија која ги поседува концесиите за експлоатација на водите.
Терме Олимија својот бизнис план го презентирала и во општина Гевгелија од каде што добиле подршка.
Според бизнис планот, ќе биде изграден голем бањски комплекс со капацитет од 400-500 легла, конгресен центар, воден забавен парк, сауни и џакузи и други објекти.
Терме Олимија веќе има вакви луксузни бањски комплекси во Хрватска и Словенија.


Австрискиот осигурител Граве доби дозвола за работа во Македонија Австриската осигурителна компанија Граве доби дозвола од Министерството за финансии за работа во Македонија. На домашниот пазар Граве ќе работи како акционерско друштво.
Членови на Управниот одбор на АД Граве се: Марко Микиќ, кој во Македонија доаѓа од српската филијала на осигурителната компанија, Георг Шнајдер и Вофганг Гошник, двајцата од седиштето на Граве во Австрија.
Граве во Македонија доби дозвола за осигурување на живот и осигурување на несреќен случај.
За уписот во трговскиот регистар на Македонија, компанијата Граве плати 750.000 евра на име акционерски капитал, како и уплатени парични средства во износ од 100.000 евра на име организационен фонд.
Според законската регулатива, по добивањето на дозволата за работа, Граве во земјава треба да почне со работа најдоцна шест месеци.


На Кожуф ќе биде монтирана првата жичарница со шест седла во Македонија Скијачкиот центар Кожуф по еден и пол месец ќе монтира жичарница со шест седла, прва од таков вид во земјава. Опремата за жичарницата, која е набавена од Австрија, чини три милиони евра, информираат од ски центарот Кожуф.
Жичарницата има должина од 1.200 метри со висинска разлика од 484 метри. Она што е типично за оваа жичарница е нејзината брзина од пет метри во секунда.
Во центарот веќе е монтиран еден ски лифт.
Според плановите, кога овој скијачки центар ќе биде завршен, капацитетот на ски-лифтовите и жичарниците ќе биде околу 14 илјади скијачи на час, а колку за споредба, сегашниот максимум на Маврово и Попова Шапка заедно е околу пет илјади скијачи на час.
Според анализите на изведувачите на овој голем проект, во шпицевите на скијачката сезона, особено за викендите, во овој центар би требало да престојуваат повеќе од 10.000 гости дневно.


Интерконтинентал гради хотел-казино на граничниот премин Богородица вреден 50 милиони евра Светскиот хотелски бренд Интерконтинетал ќе гради хотел на граничниот премин Богородица на македонско-грчката граница. Хотелот ќе се гради веднаш наспроти хотел-казиното Фламинго. Изградбата на новиот хотел ќе чини 50 милони евра, а изградбата ќе почне напролет.
Хотелот ќе се гради на локација од 26.000 квадратни метри, а ќе биде на 4 ката. Од општината Гевгелија потврдуваат дека оваа локација е купена и за неа се платени сите комуналии.
„Инвеститорот ги поседува сите дозволи и најавено е дека напролет ќе почне изградбата„, велат од општината. Хотелот ќе биде суперлуксузен со 6 ѕвезди. Изградбата е оставена за напролет заради тоа што во моментов се гради хотел во Киев, а според правилата на компанијата не се граделе два објекти во исто време.
Локацијата прво ја купил турскиот хотелски бренд Принцес. За кратко време Принцес склучил договор за спојување со Интерконтинентал со што сите хотели на Принцес ќе се ребрендират со новот лого. Хотелот во Македонија ќе го носи логото на Интерконтинентал.

 

[wild_rider]

Уште позитивни вести:


ЌЕ СЕ ГРАДИ ХОТЕЛ СО ПЕТ ЅВЕЗДИ

„Радисон сас“ ќе никне спроти „Холидеј ин“

Хотел со пет ѕвезди ќе се гради на локација помеѓу Македонската опера и балет и Мостот Слобода, спроти „Холидеј ин“ . Инвеститор е компанијата „Балкан хотелс енд ресортс“ од Луксембург. Локацијата е купена од австриската компанија „Алпина“, која од одамна е сопственик на актрактивното земјиште во строгиот центар на Скопје. - Можам само да ви кажам дека преговорите завршуваат и очекуваме деновиве да го потпишеме договорот со „Алпина“ за купување на земјиштето. Преговараме со хотелите „Радисон сас“, „Хајат“ и „Шератон“ за земање лиценца - изјави Аријан Реџепи, еден од партнерите во „Балкан хотелс“.

Најдалеку се отидени преговорите со „Радисон сас“. Се очекува хотелот да почне да се гради кон средината на годинава.

- Хотелот во Скопје ќе биде прва наша инвестиција на Балканот, а планираме уште еден во Црна Гора. Инвестицијата овде ќе чини 37 милиони евра. Ќе го ангажираме најпопуларниот архитект во хотелиерската индустрија - најави Реџепи.

„Балкан хотелс“ е инвестициски фонд од Луксембург. Се занимаваат со изградба на хотели. Според Реџепи, поседуваат повеќе хотели во Франција и на Алпите, а како актуелна интересна дестинација за инвестирање го гледаат Балканот.

„Балкан хотелс“ се познати и по тоа што беа еден од заинтересираните учесници на лицитацијата за Светскиот трговски центар во Скопје. Се откажаа во последен момент, како што велат, поради технички пропусти во целиот процес.


СТРУМИЦА

Грци ќе градат четири фабрики

Грчката компанија „Селектед индустри стиафилко“ ќе гради четири фабрики во Струмица за преработка на памук, текстилни производи, електроматеријали и за конзервирање зеленчук. Инвестицијата е вредна 30 милиони евра, а се предвидува вработување на 3.000 лица.

Парцелата од 40 хектари е обработливо земјиште од прва класа. Грчката компанија и Владата веќе склучиле преддоговор за предност при јавната лицитација, оти Грците доставиле деловни планови.

Од Институтот за јужни и земјоделски култури во Струмица реагираат бидејќи ова земјиште го користат за производство на семенска пченица.

- Земјиштето е од прва категорија и не верувам дека Министерството за земјоделство ќе издаде дозвола за пренамена. Мора да се престане со узурпацијата на најквалитетното земјиште во струмичкиот регион - изјави директорот на Институтот, Душко Спасов.

Градоначалникот на Струмица, Зоран Заев, се надева дека инвестицијата нема да биде закочена од институциите бидејќи земјиштето воопшто не се обработувало.

 

[Jakov]

Poleka be so ovie odlicni vesti, ne znam dali mozeme da podneseme tolku dobri vesti odednas.

 

[mRnO]

Се ветувале и други работи но не се остварувале,пример ветувањето на Гуевски дека ке го донесе Интел,ама ајде да не се сомневаме во сериозноста на компанииве

 

[Bacillus gagous]

Се ветувале и други работи но не се остварувале,пример ветувањето на Гуевски дека ке го донесе Интел,ама ајде да не се сомневаме во сериозноста на компанииве

Абе што е битно кого ќе навлечат поволните услови, буитно е да се создаваат нови работни места.

 

[другарче]

Старите викаат прво рипни па речи оп

 

[Jakov]

Се ветувале и други работи но не се остварувале,пример ветувањето на Гуевски дека ке го донесе Интел,ама ајде да не се сомневаме во сериозноста на компанииве

:ija: :ija: :ija: :ija: :ija: :ija:
Плиззз гад ноу.
Само него нека не го носат се друго може само него немој.

:ija::ija::ija::ija::ija: