Одбојка

[Anonymus1]

"Само Брокинг нека спие на тоа уво дека ќе биде прв"

Ја освојува земјата на ветерниците и оваа година. Со својот Орион блеска во една од најсилните европски одбојкарски лиги, им пркоси на сите искушенија во еден тим во кој дојде со скромни амбиции, а годинава е на добар пат да стигне и до врвот. Гордо кажува дека е Македонец, ја предводи екипата која е сплет на младоста и искуството, незаменлив на примачката позиција, суров во нападот.

Горан Алексов, капитен на македонската одбојкарска репрезентација, од Дотинхајм за "Македонски спорт", направи анализа на групата во која се најде нашиот национален тим за следните квалификации за ЕП 2007, во кои за противници ќе ги имаме Холандија, Словенија и подобриот од двомечот Шведска/Грузија.

Како ти изгледа групата, еве неколку недели по ждрепката. Имаше време да легнат работите, да видиш малку и пореално на противниците?

"Не само за групата, туку и за целиот дел од квалификациите мислам дека ќе ни биде ист како пред две години. Не ми се верува. Па, ги добивме и Холандија и Словенија, со кои веќе имаме негативно искуство. Третиот ривал ќе биде различен, а можеби и не, ако Швеѓаните ја победат Грузија. Значи, повторно 'старо друштво'... О. К., силна група, со познати ривали. Холанѓаните се фаворити за првото место, но тоа не значи дека и останатите три репрезентации ќе бидат во сенка. Ние со Словенците и Швеѓаните ќе се бориме за второто место. Ќе биде голема борба."

Ако Холандија е фаворит, тоа значи дека ние ќе се "тепаме" со Словенија за втората позиција која води во баражот?

"Па, словенечката одбојка е на доста добро ниво. Знаејќи дека имаат две екипи кои играат во таа средноевропска лига и дека имаат еден куп интернационалци кои играат во реномирани екипи од Франција, Австрија, па и Италија, јасно е дека се квалитетен состав. Репрезентацијата, покрај тоа, веќе неколку циклуса игра во А-дивизијата, тоа само по себе кажува дека имаат искуство од вакви средби, но и квалитет. И ние тоа го видовме пред еден циклус."

Што велат Холанѓаните за групата. Имаше реакции?

"Сметаат на сигурен пласман на ЕП. Нема некои посебни реакции, како да се пласираа на ЕП пред време. Сметаат дека групата е лесна и дека ќе ја поминат."

Реално, имаме шанси против "лалињата"?

"Не се непобедливи. Не се она што некогаш беа. Мое лично мислење е дека ќе има некое изненадување. Можеби во Холандија, но многу поверојатно во Скопје."

Нивниот селектор не е омилен кај новинарите и воопшто во одбојкарската јавност?

"По доаѓањето на Хари Брокинг се сменија и работите во репрезентацијата. Сега истата се подмладува, има нови играчи, но нема резултати. Не се задоволни многу на резултатско ниво, но упорно форсираат подмладување на тимот. Мислам дека и до дуелите со нас ќе има нови промени. Брокинг се најде на удар на јавноста со неколку потези, особено со враќањето на ветеранот Клок и покрај тоа што се бореше за шанса на помладите."

Со Орион имаше неверојатно добра сезона. Втори сте зад Неселанде. Изненадени сте или...?

"Не би рекол дека сме изненадување. Минатата година овој тим имаше значителен пораст на квалитетот. Амбициите беа и сега се за да се најдеме меѓу првите четири. Искрено, во клубот се задоволни и со третото место. Останува да продолжиме како што почнавме и да видиме што ќе биде на крајот."

Можна е титула?

"Подобро да кажам дека очекувам финале, во Купот или во првенството. Ако тоа го реализираме, потоа с$ е можно."

Ти си таму до јуни. Потоа?

"Имам договор на 1+2 години. Завршувам со обврските во јуни, па потоа седнувам на маса со управата. Ако се задоволни од мене, останувам уште една или две сезони."

Лани во репрезентацијата имаше улога на капитен, но не влезе на турнирот во Скопје. Догодина ќе мора да помогнеш со искуството.

"Се вратив во репрезентацијата и тоа со капитенската улога. Не играв од тактички причини, што не значи дека не бев подготвен. Ако требаше, ќе дадев с$ од себе. Знаете дека секогаш сум тука за националниот тим. И следнава година ќе бидам на располагање на селекторот."

Те чекаме дури за подготовките во мај. Годинава ни требаат ли посилни контролни средби?

"За ваков вид натпревари ќе ни требаат добри контроли со добри репрезентации, но не се исклучени ниту некои силни екипи. Мислам дека ни требаат уште малку поорганизирани подготовки. Мислам дека и ОФМ го знае тоа и ќе го оствари."

С. Кузмановски


ЦИТАТИ:
"Велат дека имаат лесна група и сигурно ќе одат на ЕП, што е шанса за нас и да ги изненадиме, па ако е можно и на нивни терен на првиот турнир"

"Овде одбојката е пасија. По фудбалот таа е број 1. Првенството е силно, салите се полни"



Алек ме следи на секој натпревар

"Мојот син Алек има само 20 месеци, но не пропуштил ниту еден меч на Орион оваа година. Редовно е со мојата сопруга Марија на трибините и, верувајте, тоа е само мотив повеќе да играм добро. Мислам дека како тргнал со спортот, најверојатно ќе го наследи татко му..."

Холанѓаните се подмладија со 36-годишниот Клок!?

"Медиумите и тоа како му забележаа на селекторот Брокинг за состојбата во репрезентацијата. Почна да ја подмладува, да носи нови играчи и цело време играше на таа карта. На крајот го викна во овој подмладен тим 36-годишниот Марко Клок. Можете само да претпоставите што пишуваше по весниците."



С$ ќе се "скрши" на првиот турнир

"Најбитен, според мене, за пласманот на првите две места ќе биде првиот турнир. Јасно ми е дека ќе биде тешко бидејќи ќе се игра во Холандија, но мислам дека многу зависи и од тоа во кој град ќе се игра. Ако овде направиме добар резултат, шансите за ЕП ќе бидат и реални и големи."

 

[Anonymus1]

РАБОТНИЧКИ Ф. ДЕНЕСКА ЗАМИНУВА ЗА ПОЖАРЕВАЦ ОД КАДЕ В СРЕДА ОДИ ЗА НОВИ САД НА ПРВИОТ ДУЕЛ ОД ТОП-ТИМ КУПОТ
"Коректорски" главоболки пред дуелот со Војводина
Марко Бајиќ отпаѓа од комбинација и за двете средби со Војводина во 1/4 финалето од Топ-Тим купот поради повреда.

Денеска одбојкарите на Работнички Ф. заминуваат за Пожаревац, каде вечерва ќе го одиграат последниот тест-дуел пред дуелот со екипата на Војводина од четвртфиналето во Топ-Тим купот во машка конкуренција. По одличниот контролен двомеч со ЦСКА од Софија, шампионот заминува во Србија и Црна Гора, каде в среда го очекува еден исклучително тежок меч со освојувачот на Купот на нашиот северен сосед и екипа со моментно најдобриот состав во последните неколку сезони во првенството на оваа земја. За да биде работата покомплицирана за нашиот првак, се погрижи Марко Бајиќ, коректорот на Работнички Ф., кој поради повреда на грбот и дефинитивно отпадна од списокот на патници за Нови Сад. Веќе една недела тимот работи без него, а Миленковски во последен момент бара решение за пополнување на испразнетото место.

"Имаше надежи дека може да ни помогне, но Бајиќ и дефинитивно отпаѓа, не само за овој дуел туку и за реваншот во Скопје. Ќе мора да побараме начин на кој ќе ја пополниме празнината на оваа позиција. Тоа го правевме и на контролните средби со ЦСКА, а тоа ќе го пробаме и на пријателскиот меч со екипата на Бамби М. Р. утревечер (денеска н.з.)", ни изјави вчера тренерот на нашиот првак, Јошко Миленковски, пред почетокот на последниот тренинг во Скопје.

Загриженоста поради промените во играчкиот состав се чувстува и пред заминувањето, но Миленковски вели дека надежта за добар резултат во Нови Сад ја враќаат одличните партии со софиска ЦСКА.

"Двапати одигравме по пет сета со ЦСКА и двапати победивме со по 5:0. Одлично се снајдовме без Бајиќ на коректорското место, со тоа што мораа Милков и Ристоски да повлечат дел од товарот на коректорското место, а и младите Симовски, Гинов и Трајчевски влегуваат во комбинација за оваа позиција. Но, ќе мора да се бара комбинација за ова место бидејќи немаме единствено решение", дополни Миленковски.

Војводина, пак, со сите сили се подготвува за првиот дуел. Новосаѓани имаат одлични резултати во првенството и влегуваат во голема форма пред дуелот со нашиот првак. Мечот в среда ќе биде исклучително важен и за двата тима, а тоа им е добро познато и на избраниците на Радован Дабиќ.

С. Кузмановски


Вечерва последен тест со Бамби М. Р.

По пристигнувањето во Пожаревац, вечерва најверојатно по 19 часот, нашиот првак ќе го одигра и последниот контролен меч пред дуелот в среда со Војводина. Оваа средба Миленковски и неговите помошници ќе ја искористат за последна проверка на силите пред првиот четвртфинален дуел од Топ-Тим купот.


Војводина во дербито одобра од Ц. Звезда

Противникот на нашиот шампион во последната фаза до Фајнал-форот во Топ-Тим купот имаше одличне проверка пред дуелот в среда. Во првенството на СЦГ, Војводина викендов ја совлада екипата на Ц. Звезда со 3:1 во дербито на колото. Најдобар играч на Војводина на оваа средба беше Јовановиќ со 14 поени, а 13 реализираше Бојовиќ. Тренерот дабиќ по мечот изјави дека оваа средба била одлична увертира за неговиот тим пред дуелот со Работнички Ф. в среда.

 

[Anonymus1]

ПОСЛЕДНИТЕ АНАЛИЗИ НА ВОЈВОДИНА ПОКАЖУВААТ ДЕКА ТИМОТ ОД СЦГ ЌЕ БИДЕ СЕРИОЗНА ПРЕЧКА ЗА НАШИОТ ПРВАК

Блокот ја краси играта на Војводина

Иако има релативно млад состав, во целина екипата на Војводина е моќен и компактен тим кој ќе биде екстремно тешко да се изненади сред "Спенс" во Нови Сад. Стартната шесторка на Војводина, гледано според возраста на одбојкарите, е постара, па и меѓународно многу поискусна од оваа на Работнички Ф. и оттука ни оддалеку не треба да се залажуваме дека новосаѓани имаат тим од млади надежи кој може лесно да се изненадат. Последната анализа на играта на Војводина нашиот шампион ја продолжи и вчера во СЦГ на гостувањето во Пожаревац, каде екипата ан Бамби М. Р. ја "играше" улогата на Војводина во последниот тест-дуел пред утрешниот меч. Стручниот штаб на нашиот првак, вели дека сериозно ја имаат сфатено секоја точка во играта на противникот, а за конечниот епилог на средбата главен сегмент ќе биде нашата игра.

"Без разлика на тоа што Војводина навидум изгледа млад и неискусен состав, работата е сосема спротивна. Ако ја погледнете стартната постава на новосаѓани, тие дури на четири позиции имаат постари и поискусни одбојкари од нас. Само Ристоски и Модев се повозрасни од свотите опоненти на спротивната страна. Затоа не треба да не залажуваат просечните бројки, ако се погледнат носителите на играта во екипата на Војводина. Јас добро знам колкав е квалитетот на овој тим и мислам дека ќе биде многу тешко", ни изјави првиот човек на клупата на нашиот првак, Миленковски.

Војводина во првенството на СЦг доминира на блокот. Велат, кога ќе профункционира овој дел од играта на противниците им нема спас. Бојовиќ и Наранџиќ играат беспрекорно на сервисот и во нападот, па од нив се очекува главна опасност на средбата. Иако, вниманието сигурно не смее да се оддалечи ни од Јовановиќ, Рољиќ или Подрашчанин, кои исто така се одбојкари за кои допрва ќе се слуша и на европските манифестации. За успешно да се мине првата четвртфинална пречка на Работнички Ф. ќе му треба многу храброст, но и многу среќа. Мотивите ќе играат главна улога во "Спенс" утревечер, а барем кај нашиот тим нив вообичаено ги има и тоа со особен интензитет

 

[Anonymus1]

ВЕЧЕРВА, ВО НОВИ САД (20 ч.), РАБОТНИЧКИ Ф. ВО БИТКА ЗА ДОБАР РЕЗУЛТАТ ВО ПРВИОТ МЕЧ ОД ЧЕТВРТФИНАЛЕТО ОД ТОП-ТИМ КУПОТ
И ние имаме свои адути во "Спенс"

"Првиот дуел не решава ништо", заклучок на двајцата тренери. Дабиќ ќе форсира силен сервис, Миленковски ќе му опонира со мирен прием. Двајцата тренери до "милиметар" го простудирале својот противник.


ВОЈВОДИНА (СЦГ) - РАБОТНИЧКИ Ф. (МКД)

Нови Сад, сала: Спенс, Судии: Салата (Алб) и Тело (Алб)


ВОЈВОДИНА:
9. ПОДРАШЧАНИН Марко
5. ПЕТРОВИЌ Борислав
8. РОЉИЌ Бранко
4. БОЈОВИЌ Дејан
3. ПЕРИЌ Бранимир
11. КИШИЌ Жарко
14. НАРАНЧИЌ Марко
12. ЈОВАНОВИЌ Зоран
7. ВЕМИЌ Милош
2. ФИЛИПАШ Дарко
1. САМАРЏИЌ Марко
6. ШАЈНБЕРГЕР Јован
Тренер: Радован Дабиќ

РАБОТНИЧКИ Ф.:
10. РИСТОСКИ Жарко
7. МИЛКОВ Александар
12. БАЈИЌ Марко
4. ТРАЈЧЕВСКИ Влатко
14. МОДЕВ Христо
1. ЃОРЃЕВСКИ Зоран
3. ЈОСИФОВ Ѓоко
11. ГИНОВ Благој
6. ДЕСПОТОВСКИ Филип
9. МИТЕВ Александар
8. СИМОСКИ Дејан
2. МАЏАРЕВИЌ Бранко (л)
Тренер: Ј. Миленковски

Работнички Ф. вечерва, во салата "Спенс" во Нови Сад ја почнува четвртфиналната битка во Топ-Тим купот. Војводина, како еден од најреномираните одбојкарски колективи во СЦГ, е противник за респект. Актуелен освојувач на Купот на СЦГ, тим со прилично млада, но крајно амбициозна екипа. Новосаѓани ја имаат предноста на средбата пред своите навивачи, но и Работнички Ф. пред себе ги има мотивите за еден добар меч. Сонот наречен "фајнал-фор" почнува да се одмотува токму вечерва. Со добра игра во Нови Сад, реваншот во Скопје ќе биде стапка до групата од четири најдобри европски екипи во ова натпреварување. Тоа му е јасно и на Миленковски и на неговите одбојкари. Иако со проблеми околу првата постава, Работнички Ф. влегува во натпреварот со големи мотиви. Ден пред мечот до Нови Сад порачуваат: "Ќе играме за победа."

Шефот на стручниот штаб, Јошко Миленковски, најавува промени во играта и начинот на кој треба да му се пријде на овој меч. Радован Дабиќ на спротивната страна, вели дека тие се убедени во своите квалитети. Дуелот на двајцата врвни стручњаци всушност ќе биде дуел на две тактики. Чија ќе биде поуспешна, ќе покажат одбојкарите. Јасно е дека и двата стручни штаба добро ја проучуваа играта на противникот, па останува да се види кој нашол повеќе "дупки" во играта на спротивната страна.

За квалитетот на играчите и на двата тима нема дискусија. Важна ќе биде тактиката, но и моменталната форма. Војводина имаше одличен тест и во првенството и во Купот на СЦГ, за жал Работнички Ф. доигра само пријателски средби.

С. Кузмановски


Трајчевски почнува како коректор

Влатко Трајчевски ќе биде првична замена за повредениот Марко Бајиќ. Со него Миленковски комбинирал и на тренинг мечот кој завчеравечер го одигра со Бамби М. Р. и неговиот избор се покажал како одличен. Можно е и Симоски да добие шанса во случај да не оди с$ како што е планирано.


Јошко Миленковски (тренер на Работнички Ф.)
Ќе играме атипично за нас, но ќе мора така

"Менуваме дел од играта поради отуството на Бајиќ. Ова што ќе го прикажеме на оваа средба мисам дека нема да биде наша типична игра. Ќе менуваме во концепцијата. Имаме неколку промени и комбинации кои директно ќе зависат од развојот на средбата. Јас сум умерен оптимист дека може да се направи добар резултат на оваа средба. Нема да се предадеме до последен поен бидејќи нема што да загубиме."

Радомир Дабиќ (тренер на Војводина):
Ќе удриме по приемот на Работнички Ф.

"Ние сме подготвени на с$. Влегуваме во добра форма. Ова е екипата која досега има најмлада генерација која ги направила овие успеси на клубот. На денешниот меч ќе дадеме с$ од себе за да победиме пред нашата публика, иако ќе речам уште еднаш дека има две средби и ништо не се знае до крај. За Работнички Ф. имам само пофални зборови. Одлична екипа, одлични играчи како капитенот Ристоски и Јосифов и Милков. Мислам дека имаат слаб прием и ние тука ќе ја бараме нашата шанса за резултат. Ќе нападнеме со силен сервис бидејќи тоа е нашиот главен адут на секој меч."


"Спенс" ќе бид полн

Малата сала на СРЦ "Војводина" ќе биде отворена за сите кои сакаат да го следат мечот. Управата реши влезот на оваа средба да биде слободен, така што навивачите ќе имаат можност да ја пополнат салата до последно место.

ТОП-ТИМ КУП (М)
1/4 ФИНАЛЕ:

(Први средби)
Војводина (СЦГ) - Работнички Ф. (Мкд)
Панатинаикос (Грц) - Олцтин (Пол)
Сон Амар (Шпа) - Бенфика (Пор)
Халкбанк (Тур) - Пјаченца (Ита)

 

[Anonymus1]

РАБОТНИЧКИ Ф. САМО ЧУДО ВО СКОПЈЕ МОЖЕ ДА ГО ОДНЕСЕ НА ФАЈНАЛ-ФОРОТ ВО ТОП-ТИМ КУПОТ
"Ќе играме на победа, без разлика на шансите"

"Против Војводина не може да се игра со импровизации", коректен е Миленковски. Дабиќ, пак, внимателен, с$ уште не го прославува пласманот во следната рунда, "Ова е само 1:0 за нас."

По лошото издание на дуелот со Војводина во Нови Сад на првиот четвртфинален меч од Топ-Тим купот, за Работнички Ф. само сензација може да значи пласман во најдобрата европска четворка во ова натпреварување. Без вистински коректор по повредата на Бајиќ, Миленковски едноставно не можеше да најде вистинска солуција за оваа позиција. Товарот кој на себе требаше да го понесат Ристоски и Милков, очигледно беше преголем за да може со една атипична игра за нашиот шампион да се изненади еден силен состав каков што е овој на Војводина.

И по мечот двете страни коректно со анализа на мечот. Миленковски реален, и на пресот по натпреварот изјави дека мали се шансите во вториот меч да се направи некаква сензација. Но, кога и одбојката е во прашање ништо не се знае.

"Мислам дека ваков убедлив резултат е тешко да се стигне. Можеби мечот во Скопје, реално гледано, може да биде и само формалност. Сепак, верувајте мојата екипа на реванш средбата нема да се предаде во никој случај. Ние ќе се обидеме барем со победа да се простиме од годинашните настапи во ова натпреварување. Војводина на оваа средба покажа дека е доминантна и беше подобра од нас во сите елементи од играта. Не успеавме да го надополниме недостатокот на Бајиќ на коректорската позиција, а со импровизација против еден ваков тим не може да се игра", е ставот на Миленковски.

На спротивната страна, тренерот на Војводина, Радован Дабиќ, пред време не сака да прославува никаков успех. Тој вели дека ова е само еден меч и с$ уште има реванш, на кој треба да се потврди добриот резулат од првиот меч.

"Знаев дека Работички Ф. има добар тим и дека можеме да ги разбиеме само со добар сервис. Успеавме во тоа, но не очекував дека ќе биде вака убедливо со под 20 освоени поени во секој сет. Меѓутоа, морам уште еднаш да напоменам дека ова е само 1:0 за нас и ќе мора и во Скопје да одиграме добро за да го потврдиме пласманот во фајнал-Форот. Ако може и таму да победиме или барем да извојуваме резултат кој ќе н$ однесе во полуфиналето", изјави тренерот на Војводина.

Во Скопје в четврток ќе мора да се вложат максимум сили за барем да се обидеме да сториме некаква сензација. Иако новосаѓани се особено квалитетен состав, јасно е дека и за нив мора да се побара некое решение пред нашата публика. Миленковски и неговите избраници годинава имаа особено добра евро-сезона, која само треба да ја крунисаат со уште една добра партија пред скопската публика, која годинава знае да ги награди со аплауз сите нивни успеси.

С. Кузмановски


Фајнал-форот доби тројца учесници?

Екипите на Војводина, Пјаченца и Сон Амар се на чекор на пласманот на завршниот турнир од Топ-Тим купот во машка конкуренција годинава. По првите средби кои се одиграа завчера овие три екипи обезбедија, се чини, недостижна предност пред реваншите. Војводина беше убедлива против нашиот првак, Пјаченца на гости го "елиминира" Халкбанк, додека Сон Амар пред своите гледачи им одржа лекција на одбојкарите на Бенфика.

Единствената неизвесност е за подобриот до двомечот меѓу Панатинаикос и полски Олцтин. Во првиот дуел Грците славеа со 3:2 на домашен терен, но со исклучително добар поен-количник (+15), кој донекаде и ним им гарантира пат на фајнал-форот.

 

[Mandrak]

Еј одбојка на плажа! Лееее!!!

Ај во Охрид летово да организираме еден турнир

Кај има плажа само не знам во Охрид па да играме одбојка!?!
(ќе ме утепаат охриќани сеа)

Добра плажа за одбојка имаш во Љубаништа и Свети Наум, сум играл таму доста често и ок е. ...Инаку играв некогаш активно како член на младинска екипа во скопски Вардар

 

[DarkWalker]

SABOTA SALA PARK STRUMICA - ( MAKEDONIJA GIO (STRUMICA) - PARTIZAN (BEOGRAD)

 

[маркетар]

SABOTA SALA PARK STRUMICA - ( MAKEDONIJA GIO (STRUMICA) - PARTIZAN (BEOGRAD)

sigurno odam, samo da ne e vo dtv partizan i ako znaes da mi kazes u kolku saatot oti denes od sk si dojdov i nemam videno nekoj plakat u kolku pocnuva i kade se igra.

 

[DarkWalker]

sigurno odam, samo da ne e vo dtv partizan i ako znaes da mi kazes u kolku saatot oti denes od sk si dojdov i nemam videno nekoj plakat u kolku pocnuva i kade se igra.

denes bese u 7 ama nemase mesto u sala pa zatava ne ga gledah utakmicata polno do daska bese sigurno i utre ke bide u 7 ali ke odam jas u 6 da fatam mesto

 

[маркетар]

denes bese u 7 ama nemase mesto u sala pa zatava ne ga gledah utakmicata polno do daska bese sigurno i utre ke bide u 7 ali ke odam jas u 6 da fatam mesto

jas bev megu gledacite, samo da ti kazam oti utre e vo 12.00 a ne vo 19.00 ama mislam oti utre ke nema tolku publika oti e ranoooooooo.

 

[Anonymus1]

ПО НЕРАСЧИСТЕНИ ФИНАНСИСКИ ДЕТАЛИ, НАШИОТ ПРОТИВНИК ВО КВАЛИФИКАЦИИТЕ ЗА ЕП 2007 ГО СМЕНИ СЕЛЕКТОРОТ
Холандија му даде "клоца" на Брокинг
Еден од нашите противници во квалификациите за европското првенство 2007 година, селекцијата на Холандија, од пред неколку дена нема селектор. Главниот фаворит од групата Ф за освојување на првото место на турнирите во Ротердам и Скопје остана без првиот кормилар Хари Брокинг, откако "пукна" досегашната соработка со Холандската одбојкарска федерација.

Последните вести од земјата на "лалињата" велат дека работата заглавила кај финансиите кои требал да ги добие Хари Брокинг за следниот циклус "селекторување" на клупата на "лалињата". Медиумите во Холандија соопштија сума од 350.000 евра кои ги побарал Брокинг за новиот двегодишен договор, но од Федерацијата не биле расположени да му ги платат, па го отпуштиле.

Најверојатно целата работа ќе заврши на суд, додека во наредните неколку денови треба да биде соопштено кој ќе биде наследникот на Брокинг.

Во Холандија на големо типуваат на Бланже. Легендата на одбојката во оваа земја моментно работи во екипата на Неселанде и има договор до 2008 година, па затоа и останува отворено прашањето дали тој ќе се нафати со оваа работа.

Ротердам е домаќин на првиот турнир од квалификациите во нашата "Ф" група. Квалификациите ќе се одржат од 1 до 3 јуни, додека вториот и решавачки турнир ќе се одржи во Скопје од 9 до 11 јуни.

С. Кузмановски


ГОРАН АЛЕКСОВ (Орион):

"Бланже е фаворит, но...

"Овде смената на Брокинг е топ-тема во весниците. Се зборува за нивниот спор, за долговите, парите и што уште не. Исто така се споменуваат можните наследници, па цела работа се врти кон Бланже. Јас мислам дека тој има договор со Неселанде и нема да се нафати, но останува да видиме.

 

[Kika]

odbojkata mi e omilen sport,treniram okolu 3-4 god i toa a najveke obozavam da igram na pesok kako letoto koga bev na odmor

 

[маркетар]

Шампионот во вистинско светло во одбрана на титулата

РАБОТНИЧКИ Ф. - МАКЕДОНИЈА ЏИО 3:0

(25:20, 25:19, 25:14)

Скопје, сала: Градски Парк, Гледачи: 200, Судии: Д. Михајлов и О. Амбарков, Делегат: С. Давитков

РАБОТНИЧКИ Ф.: Ристоски, Митев, Милков, Ајети, Деспотовски, Ѓорѓевски, Симоски, Гинов, Модев, Јосифов, Трајчевски, Маџаревиќ (л)

МАКЕДОНИЈА ЏИО: К. Михаилов, Семенковски, Делевски, Атанасов, Димовски, Славков, Панов, Милев, Јорданов (л) и Ј. Ајтарски.

Импресивна партија на одбојкарите на Работнички Ф. во првиот меч од финалната серија во домашното првенство против екиипата на Македонија Џио. Актуелниот бранител на трофејот успеа да забележи победа од 3:0 во првата финална пресметка и да најави уште една успешна завршница на сезоната, слична на оние од минатите сезони кога во финишот немаше вистински ривал.

Иако во текот на регуларната сезона екипата на Македонија Џио успеа да го совлаа еднаш шампионот, во финалната серија влезе премногу несериозно. Во Скопје гостите едноставно ни за момент не беа рамноправен противник на Работнички Ф., иако од нив се очекува во оваа финална серија да направат за момент финалето да добие подраматичен тек.

Во овој дуел Работнички Ф. беше подобар од гостите во сите елементи од играта. Почнувајќи од првиот сет, во кој успеа да ја исконтролира играта и резултатот до последниот поен, па надоградувајќи ја во наредните два сета кога гостите евидентно паднаа в играта и во мотивите дека на оваа средба може да се направи изненадување.

По освојувањето на првиот сет со 25 :20, следуваше слична разврска и во вториот сет. Работнички Ф. од стартот успеваше да се оддели, резултатски, од струмичани, кои се обидуваа во финишот да се вратат за неизвесна завршница. За разлика од првиот сет, во вториот стигнаа само до 19 освоени поени.

Вистински дебакл за гостите имаше во третиот сет во кој не успеаја да ја минат ниту границата од 15 поени. Евидентно беше незадоволството од играта на тимот кај управата на Македонија Џио, која се надеваше на далеку поинтересен старт на ова финале. Од управата континуирано бараа од играчите поголема ангажираност во играта, но на теренот имаше сосема спротивна слика.

Поправен за струмичани ќе има веќе во следните две средби, и тоа на домашен терен во салата ДТВ Партизан.

 

[маркетар]

Вториот дуел, во Струмица, во вторник

Вториот финален меч од серијата "подобар од пет" е договорен во вторник. Ќе се одигра во струмичката сала ДТВ Партизан, со почеток во 18 часот. Македонија Џио ќе ја има улогата на домаќин на оваа средба, како и на третиот дуел, кој, најверојатно, ќе се одигра веќе в четврток, на истото место. Ова ќе биде шанса за второпласираниот тим во регуларниот дел од сезоната да стигне до победа со која ќе се избори за четврти или петти дуел во финалето.

 

[маркетар]

ФИНАЛЕ (ПЛЕЈ-ОФ)

ВТОР НАТПРЕВАР:

ДЕНЕСКА:

МАКЕДОНИЈА ЏИО - РАБОТНИЧКИ Ф. 18:00

Струмица, сала: ДТВ Партизан

Судии: М. Тасев и Н. Мицевски

Делегат: Ј. Мисовски


Во битка за втора победа во финалето на плеј-офот одбојкарите на Работнички Ф. вечерва во Струмица ќе го одиграат вториот финален меч од шампионатот против екипата на Македонија Џио. По првата победа, убедлива, во Скопје, актуелниот шампион оди со голема доза оптимизам и на вториот дуел, иако шефот на стручниот штаб на "железничарите", Јошко Миленковски, предупредува дека во Струмица во никој случај не смее да има опуштање.

"Во Струмица секогаш било тешко да се одигра. И во најдобра форма сме знаеле да попуштиме на тие гостувања, но овој пат се надевам дека ќе ја продолжиме одличната партија. Имавме одлична партија во саботата и релативно лесно добиен натпревар. Ако ја повториме играта од овој меч, ќе биде многу полесно. Ние ќе се обидеме да дојдеме до три победи уште на стартот и да го решиме шампионот по првите дуели", вели Миленковски.

Македонија Џио мора да поправи голем дел од играта презентирана на скопскиот дуел во саботата. Во екипата се чувствуваше немоќ во трите сета, но знаејќи ја атмосферата во салата Партизан во Струмица, денеска може да се очекува далеку подобра партија. Струмичани имаа одличен состав, искусен, кој може да извлече максимум од секоја ситуација. Ако и овој пат успеа да изненадат, само уште поинтересно ќе го направат првенството до крајот.

И двта тима комплетни го очекуваат вториот меч, кој за Македонија Џио ќе значи враќање во живот во ова финале, додека за Работнички Ф. чекор поблиску до новиот трофеј.