Прв потенцијално проблематичен потег на новото раководство на РФМ. Не ми е јасно зошто им требаше ова ама ајде да видиме (тие приказни дека не сме ние, клубовите бараат не проаѓаат се знае како функционираат работите....).
Се согласувам и мислам дека оваа тема има две многу битни потточки кои се меѓусебно поврзани.
Секогаш ми паѓа во очи како се покажува и се покажувало во минатото со прсти кон водечките тимови во лигата: Вардар, Пелистер, Алкалоид, претходно и Металург како имале голем број на странци, а никогаш не се потенцираат странците во тимови како Куманово, Радовиш, Тиквеш, Прилеп итн. Во водечките тимови, каде што најмалку 80% од буџетот доаѓа од приватни извори странците се проблем, а не е проблем во тимови кои 99% (ако не и 100%) од својот буџет го добиваат од јавни пари? Мошне парадоксално. Баш тие тимови кои се под јавна, општинска капа се тие кои треба да вложуваат во домашни (доколку е можно млади) играчи, а не да се обвинуваат тимови кои играат во Европа дека не давале доволно шанса на истите. Охрид има 11 странци сезонава во ростер, клуб во кој да не е општината утре нема да постои или ќе падне едно 10 нивоа надоле.
Втората и според мене многу побитна точка, која треба РФМ да ја адресира е додавањето на неколку странски играчи во ростерот кога ќе почне разигрувањето. Минатата година Куманово како учесник во плејаутот сезоната ја заврши со сосема друг ростер од тој со кој што почна. Хрват, Србин, двајца Бразилци... можеби имаше и уште некој играч. Истото се обиде Борец да го направи сезонава, Куманово ја повтори истата стратегија, а истото го направи и Радовиш. Дури би рекол дека иницијатори на ова зголемување на бројот на странци се токму овие клубови кои ја користеа оваа стратегија во минативе сезони, а на останатите клубови им дошла како кец на десет па ја поддржале истата. 10 од 12 гласале ЗА, претпоставувам дека еден од тие кои биле ПРОТИВ бил Алкалоид, за другиот не сум сигурен.
И сега, кога ќе ги споиме овие два муабети, се поставува прашањето каква порака се праќа до домашните, млади играчи чие што време треба допрва да дојде? Зарем е толку битно клуб кој го одржува општината без разлика кој е, да опстане во суперлигата? Побитно е клубот да понуди добри услови, топла сала, добар тренер, да привлече што повеќе деца да се занимаваат со спорт. Само на тој начин ќе има таа општина корист од клбуот, а не со тоа што ќе опстане во лигата со тоа што во плејаут ќе донесе 5 странци.
Ова е проблем кој што мора што побрзо да се адресира. Не сум доволно паметен како, но сум сигурен дека има повеќе начини.
Подобро да отидоа со 12-13 играчи и да не се замараа на терен многу ако веќе не им се играше во купот.
