Скопската Митрополија
Скопската митрополија била една од најзначајните артефакти на македонската црковна историја, а нејзина духовна колевка претставувал соборниот храм "Рождество на Пресвета Богородица - Трорачица", заштитничка на градот Скопје, која во 1944 година до темел ја изгореле бугарските фашистички власти.
Свети Прохор Пчињски бил македонски манастир, бидејќи сe до 1978 година тоа се наведувало и во српските енциклопедии, кои биле печатени во Белград. Имено, во енциклопедиските изданија за 1959, за 1969 и за 1975 година се нагласува дека тоа бил македонски манастир.
" Според зачуваните записи единствено се знае дека во далечната 1920 година Српската православна црква ги купува македонските епархии од Цариградската патријаршија за шест килограми злато. Но, си до 1913 година, односно до Втората балканска војна, до поделбата на Македонија, кога таа се расцепува на три дела, овие епархии биле во духовно владение на силната и економски богата Скопска митрополија, во чиј состав биле денес спорните територии: Качаник, Бујановац, Прешево, Босилеград и најзначајниот црковен храм од поновата македонска историја 'Свети Прохор Пчињски'...Оттогаш многу работи почнале да се одвиваат и да одат удолу, а асимилаторската политика да се засилува.
Тогаш многу македонски свештеници се убиени на невиден ѕверски начин. На пример, во записите се вели дека свештеникот Николај од Велес бил исечен на парчиња, а неговите делови од телото биле фрлени во водите на Вардар само затоа што одбил да врши богослужба на српски јазик и не се откажал од својата македонска припадност.
Во тоа време набрзина биле уништени повеќе илјади црковни книги и житија, кои биле пишувани на староцрковен македонски јазик, а дел биле однесени во Белград итн. "
Hа кој начин Србија, односно Српската православна црква ги добила во владение македонските територии: Качаник, Прешево, Бујановац, Врање итн. ...?
СПАСЕ ЈОВЧЕВ,од КНИГАТА ПОСВЕТЕНА НА СОБОРНИОТ ХРАМ "РОЖДЕСТВО НА ПРЕСВЕТА БОГОРОДИЦА - ТРОРАЧИЦА"
