M
marsovka
Гостин
Компаниите од Грција не се плашат дека кризата на кој било начин негативно ќе влијае врз нивното работење
Александрија Стевковска
Грчките компании во Македонија не се плашат дека кризата што ја тресе нивната матична земја на кој било начин негативно ќе влијае врз нивното работење. Според економистите, кризата кај нашиот јужен сосед може да има домино-ефект кај нејзините соседни држави. Тие уште и сметаат дека грчката криза не само што има негативно влијание врз економиите, туку ќе продолжи да предизвикува последици во регионот на среднорочен и долгорочен план.
Дека грчката криза е еден од можните ризици и за македонската економија, предупреди и министерот за финансии, Зоран Ставрески. „Еден од можните ризици дека економијата во Македонија може да падне, е состојбата во Грција. Негативното влијание на кризата во Грција врз нас е најсилно, иако не смее да се потцени ниту опасноста што демне од кризите во Шпанија и во Италија. Сиве овие дестабилизирачки движења може да влијаат врз севкупната економија во Европа и да го дестабилизираат еврото. Овие екстерни движења се можни ризици за пад на македонската економија“, смета Ставрески.
Според анализите на „Опсервер“, и експертите се едногласни дека сите компании, кои на каков било начин се поврзани со Грција, ја чувствуваат кризата. „Грција е важен инвеститор во сите земји во Југоисточна Европа. Сите компании што имаат бизнис-врски со Грција ја чувствуваат кризата. Тоа се манифестира на различни начини и таа атмосфера ќе има свои последици, но се' уште е рано да се каже точно какви и до кој степен“, вели за „Опсервер“, Абдулменаф Беџети, економски аналитичар.
Економскиот експерт Сем Вакнин е убеден дека нивото на инвестиции од Грција ќе се намали и дека некои луѓе ќе останат без работа. „За Македонија, држава со невработеност од над 30 проценти, грчката криза може да се покаже како особено опасна“, смета Вакнин.
Наспроти политичките тензии меѓу двете земји поради спорот со името, во последните години во Македонија инвестирале 280 грчки компании. Дел од грчките компании во земјава се обидуваат да се дистанцираат од проблемите во грчката економија. Според нив, нивната бизнис-стратегија се базира на овдешната економија и тие се повеќе македонски од грчки фирми.
„Грција има економски интерес од работењето на нејзините компании во Македонија, поради што не би направила ништо да им наштети и да го наруши нивното работење“, велат претставниците на некои од позначајните грчки компании во земјава, кои бараат да останат анонимни.
Се превидува дека последиците од кризата ќе ги почувствуваат и имигрантите, пред се', оние од Албанија што работат во Грција. Среќна околност во целиот случај е тоа што тие најчесто работат во земјоделството или во туризмот, сектори врз кои економската криза има најмал одраз. „Моментално нема драстично намалување на средствата што ги испраќаат имигрантите во своите домови“, посочува Владимир Глигоров од Економскиот институт во Виена. Глигоров, меѓутоа, предупредува дека балканските земји и натаму ќе ги чувствуваат последиците од социјалните протести во Грција, кога границите кон Бугарија и кон Македонија во повеќе наврати беа блокирани од страна на гневните работници.
Аналитичарите сметаат дека најлошиот ефект од грчката криза за нејзините соседни земји, веројатно, ќе се одрази врз планираните инвестиции. „Тие инвестиции нема да се остварат, а банките ќе ги задржат парите за домашни потреби, меѓутоа, грчките инвеститори најверојатно нема да се откажат од инвестициите што веќе ги имаат на Балканот“, коментира Глигоров.
Има стравувања и во врска со финансиската стабилност. Ако грчките банки го загубат својот бонитет, на ризик ќе се најде кредитирањето во Југоисточна Европа. Грчките банки доделуваат над десет проценти од вкупните кредити во Македонија, Албанија, Бугарија, Романија и во Србија.
Бугарија, Романија и Србија се најпогодени од банкарските врски, а во Бугарија и Србија тие се дополнети и со трговски врски, покажува истражувањето на „Барклис капитал“.
Инвестициските банки, меѓутоа, не очекуваат Југоисточна Европа да се соочи со „криза на узото“ слична на мексиканската „криза на текилата“ што ја погоди Латинска Америка во 1994 година. „Банките се важен сектор на грчките инвестиции и влијанието врз нивните инвестиции на Балканот зависи од тоа дали банките во Грција ќе бидат погодени од кризата. Очигледно, тие ќе треба да ја финансираат домашната економија, со што ќе ги намалат своите можности да даваат кредити на Балканот“, посочува Глигоров, дополнувајќи дека моментално нема голема побарувачка на кредити во Македонија, Србија или Бугарија.
Во Македонија Грција поседува две банки, Алфа и Стопанска. Неофицијално, тие не се плашат од какво било негативно влијание на грчката криза врз нивното работење. Тие сметаат дека имаат капацитет да ги опслужуваат граѓаните, бидејќи тоа успевале да го направат и за време на минатогодишната криза.
Околу ова прашање „Утрински“ побара официјален став од Стопанска банка, но оттаму ни одговорија дека немаат коментар.
Од грчката криза подебелиот крај може да го извлечат Бугарија и Романија и да се соочат со проблеми, поради желбата за брзо време да се приклучат кон еврозоната. Грчката криза може да има негативно влијание врз ваквите нивни амбиции, поради сомнежите на членките на еврозоната во врска со финансиската дисциплина во двете држави.
http://www.utrinski.com.mk/?ItemID=5A8B2E3C0822BE4398C6BF7FFFD1457C
Ахм луѓе што мислите ?:jaj:
Александрија Стевковска
Грчките компании во Македонија не се плашат дека кризата што ја тресе нивната матична земја на кој било начин негативно ќе влијае врз нивното работење. Според економистите, кризата кај нашиот јужен сосед може да има домино-ефект кај нејзините соседни држави. Тие уште и сметаат дека грчката криза не само што има негативно влијание врз економиите, туку ќе продолжи да предизвикува последици во регионот на среднорочен и долгорочен план.
Дека грчката криза е еден од можните ризици и за македонската економија, предупреди и министерот за финансии, Зоран Ставрески. „Еден од можните ризици дека економијата во Македонија може да падне, е состојбата во Грција. Негативното влијание на кризата во Грција врз нас е најсилно, иако не смее да се потцени ниту опасноста што демне од кризите во Шпанија и во Италија. Сиве овие дестабилизирачки движења може да влијаат врз севкупната економија во Европа и да го дестабилизираат еврото. Овие екстерни движења се можни ризици за пад на македонската економија“, смета Ставрески.
Според анализите на „Опсервер“, и експертите се едногласни дека сите компании, кои на каков било начин се поврзани со Грција, ја чувствуваат кризата. „Грција е важен инвеститор во сите земји во Југоисточна Европа. Сите компании што имаат бизнис-врски со Грција ја чувствуваат кризата. Тоа се манифестира на различни начини и таа атмосфера ќе има свои последици, но се' уште е рано да се каже точно какви и до кој степен“, вели за „Опсервер“, Абдулменаф Беџети, економски аналитичар.
Економскиот експерт Сем Вакнин е убеден дека нивото на инвестиции од Грција ќе се намали и дека некои луѓе ќе останат без работа. „За Македонија, држава со невработеност од над 30 проценти, грчката криза може да се покаже како особено опасна“, смета Вакнин.
Наспроти политичките тензии меѓу двете земји поради спорот со името, во последните години во Македонија инвестирале 280 грчки компании. Дел од грчките компании во земјава се обидуваат да се дистанцираат од проблемите во грчката економија. Според нив, нивната бизнис-стратегија се базира на овдешната економија и тие се повеќе македонски од грчки фирми.
„Грција има економски интерес од работењето на нејзините компании во Македонија, поради што не би направила ништо да им наштети и да го наруши нивното работење“, велат претставниците на некои од позначајните грчки компании во земјава, кои бараат да останат анонимни.
Се превидува дека последиците од кризата ќе ги почувствуваат и имигрантите, пред се', оние од Албанија што работат во Грција. Среќна околност во целиот случај е тоа што тие најчесто работат во земјоделството или во туризмот, сектори врз кои економската криза има најмал одраз. „Моментално нема драстично намалување на средствата што ги испраќаат имигрантите во своите домови“, посочува Владимир Глигоров од Економскиот институт во Виена. Глигоров, меѓутоа, предупредува дека балканските земји и натаму ќе ги чувствуваат последиците од социјалните протести во Грција, кога границите кон Бугарија и кон Македонија во повеќе наврати беа блокирани од страна на гневните работници.
Аналитичарите сметаат дека најлошиот ефект од грчката криза за нејзините соседни земји, веројатно, ќе се одрази врз планираните инвестиции. „Тие инвестиции нема да се остварат, а банките ќе ги задржат парите за домашни потреби, меѓутоа, грчките инвеститори најверојатно нема да се откажат од инвестициите што веќе ги имаат на Балканот“, коментира Глигоров.
Има стравувања и во врска со финансиската стабилност. Ако грчките банки го загубат својот бонитет, на ризик ќе се најде кредитирањето во Југоисточна Европа. Грчките банки доделуваат над десет проценти од вкупните кредити во Македонија, Албанија, Бугарија, Романија и во Србија.
Бугарија, Романија и Србија се најпогодени од банкарските врски, а во Бугарија и Србија тие се дополнети и со трговски врски, покажува истражувањето на „Барклис капитал“.
Инвестициските банки, меѓутоа, не очекуваат Југоисточна Европа да се соочи со „криза на узото“ слична на мексиканската „криза на текилата“ што ја погоди Латинска Америка во 1994 година. „Банките се важен сектор на грчките инвестиции и влијанието врз нивните инвестиции на Балканот зависи од тоа дали банките во Грција ќе бидат погодени од кризата. Очигледно, тие ќе треба да ја финансираат домашната економија, со што ќе ги намалат своите можности да даваат кредити на Балканот“, посочува Глигоров, дополнувајќи дека моментално нема голема побарувачка на кредити во Македонија, Србија или Бугарија.
Во Македонија Грција поседува две банки, Алфа и Стопанска. Неофицијално, тие не се плашат од какво било негативно влијание на грчката криза врз нивното работење. Тие сметаат дека имаат капацитет да ги опслужуваат граѓаните, бидејќи тоа успевале да го направат и за време на минатогодишната криза.
Околу ова прашање „Утрински“ побара официјален став од Стопанска банка, но оттаму ни одговорија дека немаат коментар.
Од грчката криза подебелиот крај може да го извлечат Бугарија и Романија и да се соочат со проблеми, поради желбата за брзо време да се приклучат кон еврозоната. Грчката криза може да има негативно влијание врз ваквите нивни амбиции, поради сомнежите на членките на еврозоната во врска со финансиската дисциплина во двете држави.
http://www.utrinski.com.mk/?ItemID=5A8B2E3C0822BE4398C6BF7FFFD1457C
Ахм луѓе што мислите ?:jaj:
