Лоша пракса е секаде во свет децата да бидат вклучени во се` и сешто. Се наоѓаат куп причини зашто тие деца треба да се занимаваат со ова или со она. Понекогаш причина за тоа е „амбициозни“ родители кои не размислуваат за желбите и потребите на своето дете, понекогаш негрижата на родителите за децата, понекогаш финансиите се причина која се користи како изговор, а понекогаш и стравот да не погрешат во воспитувањето на децата. Секаде во светот го има тоа, некаде поизразено, некаде скриено, ама го има секаде. Додека се мали децата родителите се тие кои ги насочуваат со што да си играат, каде да одат, што да прават и после испаѓа дека децата сами одлучиле. Мене многу ми смета што денешните деца се форсираат премногу уште од мали. Се насочуваат во многу погрешни насоки.
Секој родител го сака своето дете и сака се` најдобро за него, но не секој родител правилно го насочува своето дете. (Не)грижата за децата од страна на родителите навистина ме замислува понекогаш до каде стигнал светов и дали сето ова што се случува е правилно или погрешно.
Кога го видов видеото да бидам искрена ми се стемни, не дека кај нас е нешто поарно, но кога се работи за дечињата секаде институциите задоцнуваат со интервенција или бетер не интервенираат. Кај нас има една детска амбасада која беше отворена за дечињата во Босна, за време на војната таму, ама таа детска амбасада си продолжи со работа и после завршувањето на војната таму. Жалосно е што кај нас не функционира ништо, па ни таа амбасада која треба да ги штити правата на дечињата. Дечињата, сеедно на која возраст се, наместо да го прават она што треба да го прават, да си играат, да се дружат и да бидат среќни, тие буквално безмилосно се експолоатираат за било чиви интереси.
За ваквата ситуација не се виновни дечињата, ниту родителите, туку социјалните работници кои воопшто не си ја извршуваат работата. Сите сме виделе низ град дечиња кои продаваат се` и сешто, зарем институциите не знаат што се случува?! Нема ниту да почнам да зборувам за скандалот кој се случи во Штип, кога дечиња од добро ситуирани семејства се проституирале со постари луѓе.
Во нашето општество треба да се променат многу работи! Мора сите да помогнеме за идните генерации да се развиваат во нормални и паметни луѓе, а не во луѓенца кои ќе гледаат што побрзо да фатат некоја кривина.
Ама замисли дека тоа треба да го правиш секој ден за пари (пример додека си на летен распуст) и парите што ќе ги земеш да ти ги земаат домашните. Би го правел тоа "доброволно"? :smir:
